प्रेरित 11:19 - Sunuwar Bible19 स्तीफानस साइक्चा पुंइसे नोले खेदा पचा पुंइसीशा, प्रोक्शा गाक्शो थमा सुइक्ब का निक्शी फोनीसीया, का निक्शी साइप्रस, का निक्शी एन्टीओक जाक्दीश्शो बाक्मा बाक्त। मिनु मेकोपुकीमी येसु आ लोव़ यहूदी आन कली ला शेंदमे बाक्त। प्रेरित ८:१-४ အခန်းကိုကြည့်ပါ။ |
प्रेरित 11:19
22 ပူးပေါင်းရင်းမြစ်များ
मिनु पावल नु बारनाबासमी यो महिंथु ठेयब थुं पा “अरु आन क्येङा ङोंइती इन कली परमप्रभु यावे आ लोव़ नेंपाइक्चा माल्शो। गेपुकीमी चहिं मनेंनीनी, नोफा मदाइक्नीनी, थमा मसुइक्नीनी। इन मोदेंशो पशोमी गेना हना यो ब्रोंइशा बाक्चा मताइनीनी। जाम्शा लाइनीकी, दे तुइक्तीने। मुल ङा मेरे इन कली शेंचा प्रोंइशा, अर्को रागी ङा मुर आन कली शेंथ गाक्नस्कु। प्रेरित ३:२५-२६; मत्ती १०:५-६
अत्तालीया सहरमी जहाज ङोइश्शा, समुन्द्र शोक्शा, एन्टीओक सहरम जाक्दीस्सा बाक्त। ङोंइती एन्टीओकम बाक्सानु, परमप्रभु यावेमी मेको आस कली ख्रीस्त आ लोव़ शेंथ योव़शो बाक्माक्त। मिनु थमा सुइक्बपुकीमी मेको आस कली प्रभु कली जिम्मा गेशा, शेंथ सोइश्शो बाक्मा बाक्त। मिनु मुल शेंने थुम्शा लेश्शा जाक्सा बाक्त। प्रेरित १३:१-२
मिनु याकूब आ लोव़ नेंशा, नेल्ल थुं का दुम्शा, आ देंशो बिस्समा बाक्त। मिनु चिठी ब्रेक्शा, मेको चिठी चोव़थ मुर योव़शा, पावल नु बारनाबास, नु काथा एन्टीओक सोइक्चा, दे सल्ला पामे बाक्त। मेको योव़शो का यहूदा नु का सिलास बाक्सा बाक्त। यहूदा आ याइनी नें बारसाबास बाक्माक्त। यहूदा नु सिलास थमा सुइक्ब आन कली शेंब खाल्पा बाक्सा बाक्त।
मिनु योव़शा सोइक्चा पुंइसीशोपुकी एन्टीओक रे गाक्शा, यरूसलेम ङा लां खोइश्शा ङोंइती फोनीसीया, नोले सामरीया रागीमी जाक्दीम्मा बाक्त। मिनु ते ते जाक्दीम्मा, मेक मेक ङा थमा सुइक्ब आन कली ग्रुम्शा “अर्को रागी ङा मुरपुकीमी यो ख्रीस्त कली थमा सुइश्शा, पाप रे ब्रोंइचा ताम्तेक्म” दे तुइक्पाइक्ना पाइक्न गाक्मा बाक्त। मिनु नेंबपुकी शुश ग्येरसमा बाक्त।
मोदेंशो गेब का चहिं योसेफ माइश्शो मुर का बाक्माक्त। मेको योसेफ साइप्रस रागीमी जरमेशो लेवी आ थर ङा बाक्माक्त। सोइश्शोपुकीमी योसेफ आ याइनी नें बारनाबास वोइश्शो बाक्मा बाक्त। बारनाबास देंशो “आन थुं ग्येत्थ लुक्च दुम्शो मुर आन कली आन थुं नाइक्पाइक्ब” दे रुम्सीब। प्रेरित ११:२२-२६; प्रेरित १२:२५; प्रेरित १५:२; गलाती २:१कलस्सी ४:१०
सोइश्शो आन लोव़ नेंशा नेल्ल आन थुं नुशा, ७ जना मुर आन कली योव़चा बिस्समा बाक्त। मिनु सु सु आन कली योव़ङमे बाक्त देंशा हना, रिम्शो थमा सुइक्ब परमप्रभु यावे आ सोक्तीम ब्रीशो स्तीफानस, फिलीप, प्रोकोरस, निकानोर, तीमोन, परमीनास नु एन्टीओक ङा निकोलाउस आन कली योव़ङमे बाक्त। निकोलाउस चहिं अर्को रागी ङा मुर बाक्शा यो यहूदी दुम्शो बाक्माक्त। प्रेरित ८:५
ကြော်ငြာတွေ