प्रेरित 11:14 - Sunuwar Bible

¹⁴ मेकोमी जाक्‍शा, गे नु इ खिं ङा मुर नेल्‍ले आन कली गेना हना यो ब्रोंइशा बाक्‍तीक लोव़ शेंब, दे माइक्‍ती’ देंत।

प्रेरित 11:14 ပူးပေါင်းရင်းမြစ်များ

उत्पत्ती 17:7

मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

भजन संग्रह 112:2

मेको आ चच युइ रागीम ठेयब मुर दुम्‍नीम। रिम्‍शो थुं पाइश्‍शो मुर आन पाला आसीक राइनीम।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

लूका 19:10

रागीम जरमेशो लां साम्‍शो आन कली लां कोंइथ जाक्‍त” देंमाक्‍त। लूका ५:३२; इजीकीएल ३४:१६; १तिमोथी १:१५

यूहन्‍ना 12:50

मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

यूहन्‍ना 4:53

मेको आल आ आफोमी “इन तौ साशा ब्रोंइब” दे येसुमी देंमेनु, सामाक्‍त, दे तुइक्‍ता बाक्‍त। मिनु मेको नु आ खिं ङा मुर नेल्‍लेमी थमा सुदमे बाक्‍त।

यूहन्‍ना 6:63

परमप्रभु यावे आ सोक्‍त ब्रोंइचा गेब बाक्‍ब। मुरुम चहिं मारेइ पने मचाप्‍नीम। आं देंशो लोव़ परमप्रभु यावे आ सोक्‍ती ङा ब्रोंइचा गेब लोव़ बाक्‍ब।

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 10:22

मिनु मेकोपुकीमी “कोरनेलीयस आ सोइश्‍शो नकी। कोरनेलीयस कप्‍तान बाक्‍ब। परमप्रभु कली मान पा हिंब, रिम्‍शो मुर बाक्‍ब। यहूदीपुकीमी यो रिम्‍शो मुर बाक्‍ब, दे मिम्‍नीम। परमप्रभु आ स्‍वर्ग ङा गेय पाइब कामी कोरनेलीयस कली ‘योप्‍पा सहरमी सिमोन पत्रुस माइश्‍शो कली माल्‍शा चाक्‍शा आ लोव़ नेंचा’ देंतीके इन कली ब्रथ जाक्‍तक” देंमा बाक्‍त।

प्रेरित 10:43

सु सुमी येसु कली थमा सुदमे, मेकोपुकी येसु आ नेंमी आन पाप क्‍याम्चा पुंइसीनीम। साइ ङोंइती रे परमप्रभु यावे आ लोव़ पाइबपुकीमी मोदेंशो देंशो बाक्‍नीम” दे शेंदीमी बाक्‍त। यसैया ५३:५-६; येरमीया ३१:३४

प्रेरित 10:6

मेको सिमोन पत्रुस कुशुल नोक्‍ब सिमोन आ खिंमी बाक्‍ब। मेको आ खिं चहिं समुन्‍द्र आ नेक्‍था बाक्‍ब” देंशा लशो नेना बाक्‍त। प्रेरित ९:४३

प्रेरित 11:13

आ खिं ओव़शा बाक्‍कानु, कोरनेलीयसमी आंइ कली ‘परमप्रभु यावे आ स्‍वर्ग ङा गेय पाइब का आं ङोंइती राप्‍शा, मेकोमी योप्‍पा सहरमी जाक्‍शा बाक्‍शो सिमोन पत्रुस कली ब्रथ सोइक्‍तो।

प्रेरित 16:15

मिनु थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍व। आ खिं ङा मुर नेल्‍ले यो थमा सुइक्‍ब दुम्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म। ब्‍वाक्‍कुम ख्रुम्‍शा ग्रुंइचा पुंइसीशा नोले लिडीयामी “गेपुकीमी प्रभु कली थमा सुइक्‍ब बाक्‍माक्‍त, दे मिम्‍ताक्‍यीनी हना, आं खिंमी बास बाक्‍थ जाक्‍कीन। आं खिंमी मजाक्‍थु मदुम्‍ब” दे माइक्‍तीकी। मिनु लिडीया आ खिं लशा बाक्‍तक।

प्रेरित 18:8

ग्रुम्‍तीक खिं ङा क्रिस्‍पस माइश्‍शो ठेयब मुर नु आ खिं ङा मुर नेल्‍ल प्रभु कली थमा सुइक्‍ब दुम्‍मा बाक्‍त। कोरिन्‍थी शुशेमी यो पावल आ शेंशो नेंशा, थमा सुइश्‍शा ब्‍वाक्‍कुम ख्रुम्‍शा ग्रुंइचा पुंइसमा बाक्‍त। १कोरिन्‍थी १:१४

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

१ कोरिन्‍थी 1:16

स्‍तीफानस आ खिं ङा मुर आन कली ब्‍वाक्‍कुम ख्रुम्‍शा ग्रुंइताक्‍ङमी। मेको ङा लाक्‍शा, सुइ आन कली ब्‍वाक्‍कुम ख्रुम्‍शा ग्रुंइदुमी कों मग्रुंइदुमी, मारेइ मतुइक्‍नुङ। १कोरिन्‍थी १६:१५