प्रेरित 10:7 - Sunuwar Bible

⁷ मोदेंशो लोव़ देंशो नेंशा, आ गेय पाइब निक्‍शी नु सिपाही का कली ब्रेत्‍ता बाक्‍त। सिपाही यो प्रभु कली मान पा टीब का बाक्‍माक्‍त।

प्रेरित 10:7 ပူးပေါင်းရင်းမြစ်များ

उत्पत्ती 24:52

मिनु अब्राहाम आ वाइलम मेको लोव़ नेंशा, परमप्रभु यावे आ ङोंइती खुम्‍की पा बाप्‍शा, मेको कली ठेयब सेला बाक्‍त।

मत्ती 2:13

मेकोपुकी लमा नोले काबु योसेफमी ङोमुमी परमप्रभु यावे आ स्‍वर्ग ङा गेय पाइब का फो ग्रूशो तवा बाक्‍त। मेकोमी “मोबु आस कली लाइश्‍शा, एकेर रे प्रोक्‍शा, इजीप्‍त रागी जाक्‍दीश्‍शा, लेत्‍तीन मदेंङ सम्‍म बाक्‍कीन। मारदे हना पिप हेरोदमी आल कली साइक्‍चा, दे माल्‍चा चिक्‍ताक्‍व” दे मदा बाक्‍त।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

लूका 3:14

का निक्‍शी सिपाइपुकी यो जाक्‍शा “मिनु गो मार पक?” दे हिल्‍लो पामे बाक्‍त। मिनु मेको आन कली “सुइ आन कली हिंम हिंम पा जोल पा दोस गेशा आन मारेइ मारेइ मरोइक्‍तीन। इन गेय रे पा तशो क्‍येटम इन थुं नुशा बाक्‍कीन” दे माइक्‍मी बाक्‍त।

प्रेरित 10:6

मेको सिमोन पत्रुस कुशुल नोक्‍ब सिमोन आ खिंमी बाक्‍ब। मेको आ खिं चहिं समुन्‍द्र आ नेक्‍था बाक्‍ब” देंशा लशो नेना बाक्‍त। प्रेरित ९:४३

प्रेरित 10:8

मिनु मेको मुर सां आन कली मार दुम्‍मे, दोदेंशो लोव़ नेंना, मेको लोव़ नेल्‍ल शेंशा, पत्रुस कली माल्‍शा, चाक्‍चा, दे योप्‍पा सहर सोइक्‍तीमी बाक्‍त। प्रेरित ११:५-१७

१ तिमोथी 6:2

सु सु आन होव़प थमा सुइक्‍ब बाक्‍मा, मेको आन पर्बम “थमा सुइक्‍ब लोक्‍ब दुम्‍शा, मान गेचा ममाल्‍नुङ” दे ममिम्‍तमेक्‍ल। मेकोपुकीमी ङोंइती क्‍येङा रिम्‍शो पचा माल्‍नीमी, दे मतो। मारदे हना मेको आन गेय गेब थमा सुइक्‍ब नु दाक्‍शो मुर दुम्‍त। मोदेंशो पचा शुश शेंदो। फिलेमोन १६

फिलेमोन 1:16

मुल ङा मेरे मेको कली वाइल ममिम्‍थु, आंम क्‍यी का ङा लोक्‍ब मिम्‍तो। प्रभु आ नेंमी यो लोक्‍ब मिम्‍तो। मिनु मोदेंशो लोक्‍ब दुम्‍शोनु, गेनायो मब्रासीब। १तिमोथी ६:२

न्‍यायाधीस 7:10

तन्‍न हिंनेवे हना, इ गेय पाइब पुराह कली लाइश्‍शा ब्रुपो।