प्रेरित 10:44 - Sunuwar Bible

⁴⁴ पत्रुसमी शेंना शेंन पवानु, परमप्रभु यावेमी आ लोव़ नेंब नेल्‍ल आन कली आ सोक्‍तीमी प्रिंशो बाक्‍त।

प्रेरित 10:44 ပူးပေါင်းရင်းမြစ်များ

प्रेरित 10:47

मिनु पत्रुसमी “मेकोपुकी आंइ खोदेंशो पा परमप्रभु यावे आ सोक्‍तीम प्रिंचा पुंइसाक्‍म। मोपतीके एको आन कली ब्‍वाक्‍कुम ख्रुम्‍शा ग्रुंइचा मदुम्‍ब, दे सुम देंने चाप्‍बा ङा?” देंमाक्‍त।

प्रेरित 11:15

मिनु गो मेकेर खुम्‍सीशा बाक्‍ब आन कली ख्रीस्‍त आ लोव़ शेंदुनु, साइ गोपुकी खोदेंशो पा मेकोपुकी यो परमप्रभु यावे आ सोक्‍तीम पिंचा पुंइसाक्‍म। प्रेरित २:१-४

प्रेरित 15:8

मुर नेल्‍ल आन थुं तुइक्‍ब परमप्रभु यावेमी यहूदी इं कली गेशो खोदेंशो पा अर्को रागी ङा मुर आन कली यो आन थुंमी आ सोक्‍त गेप्‍तु।

प्रेरित 19:6

मिनु पावलमी आ गुइ आन पिया तारी वोदानु, परमप्रभु यावे आ सोक्‍तीम ब्रीमा बाक्‍त। मिनु आन मतुइश्‍शो लोव़ पा प्रभु कली ठेयब सेल्‍मे बाक्‍त। मिनु परमप्रभु यावे आ सोक्‍तीम गेशो लोव़ पामे बाक्‍त। प्रेरित ८:१७; प्रेरित १०:४४,४६

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।