प्रेरित 10:35 - Sunuwar Bible

³⁵ मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

प्रेरित 10:35 ပူးပေါင်းရင်းမြစ်များ

अय्‍युब 28:28

मिनु मेकोमी मुर आन कली ‘परमप्रभु यावे कली मान पा हिंतीके तुइक्‍‍तीक बाक्‍ब। मरिम्‍शो पतीक रे ङोन बाक्‍चा रुप्‍तीके बाक्‍ब’ देंत” दे अय्‍युबमी देंमाक्‍त। भजन संग्रह १११:१०; हितोपदेस १:७

भजन संग्रह 111:10

परमप्रभु यावे कली मान पा हिंचा तुइक्‍ब दुम्‍चा कली गोतीक बाक्‍ब। मिनु सु सुमी मेको पाइनीमी मेको शुश रुप्‍ब दुम्‍नीम। परमप्रभु कली ठेयब सेल्‍तीके गेना हना यो लीब। हितोपदेस १:७

भजन संग्रह 19:9

परमप्रभु यावे कली मान पा हिंचा रिम्‍शो दुम्‍शा, गेना हना यो लीब। परमप्रभु यावे आ निसाफ पतीक लोव़ थमा नु गेना हना यो ठीक बाक्‍नीम।

भजन संग्रह 85:9

परमप्रभु कली मान पा हिंब मुर ब्रोंइचा ताइनीम। मेको आ छेङछेङ इं रागीम बाक्‍ल।

हितोपदेस 1:7

परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०

हितोपदेस 16:6

दाक्‍शा गेनायो मप्रोंइतीकेमी मरिम्‍शो पतीक क्‍याम्‍सीब। मिनु सु परमप्रभु यावे कली मान पा हिंबा, मेको मरिम्‍शो रे ङोन लाइब।

हितोपदेस 2:5

गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।

हितोपदेस 3:7

गे “गो जोक्‍ब तुइक्‍ब मुर नङ” दे ममिम्‍तो। तन्‍न परमप्रभु यावे कली मान पा हिनो। मरिम्‍शो पतीके रे ङोन बाक्‍को। यसैया ५:२१

उपदेसक 12:13

नेनो, नेल्‍ल क्‍येङा नोले ङा लोव़ मार बाक्‍ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्‍ल आन पचा माल्‍शो एकोन बाक्‍ब। ब्‍यवस्‍था ६:२

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

लूका 1:28

गाब्रीएल मरीयम आ बाक्‍तीके जाक्‍शा, मरीयम कली “परमप्रभु गे नु बाक्‍ब। इ कली दाक्‍शा, आसीक गेते” दे सेउ पवा बाक्‍त।

प्रेरित 10:2

मेको कप्‍तान परमप्रभु यावे कली मान पा हिंब मुर बाक्‍माक्‍त। आ खिं ङा मुर नेल्‍लेमी यो आ खोदेंशो पा प्रभु कली मान पा टीबाक्‍मा बाक्‍त। मेको कप्‍तानमी मारेइ मथीब आन कली शिशी पा शुश वारच पाइबाक्‍माक्‍त। परमप्रभु कली प्रार्थना पना पन बाक्‍बाक्‍माक्‍त।

प्रेरित 10:28

मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।

प्रेरित 15:9

मेकोपुकीमी येसु ख्रीस्‍त कली थमा सुइक्‍तीकेमी माफ तशा, गो नेल्‍ल का दुम्‍शो बाक्‍नीकी।

प्रेरित 9:31

मिनु यहूदीया, गालील नु सामरीया रागीमी बाक्‍ब थमा सुइक्‍बपुकी खेदा पचा मपुंइसीथु, बाक्‍चा तामे बाक्‍त। थमा सुइक्‍बपुकीमी प्रभु कली मान पा हिंशा, परमप्रभु यावे आ सोक्‍त रे पा वारच पचा पुंइसीशा, आन थुं बारना बारन ल‍माक्‍त। मिनु थमा सुइक्‍ब यो तेम्‍सीन सीन लमा बाक्‍त।

रोमी 2:13

परमप्रभु यावे आ अरेशो लोव़ नेंशा ला मुर ठीक मदुम्‍नीम। आ देंशो पशा ला ठीक दुम्‍नीम। ब्‍यवस्‍था ६:२५; मत्ती ७:२१; याकूब १:२२

रोमी 2:14

मोपतीके अर्को रागी ङा मुरपुकीमी परमप्रभु यावे आ अरेशो लोव़ मतुइक्‍ताक्‍म हना यो, मार पचा दुम्‍बा, मार पचा मदुम्‍बा, दे तुइश्‍शा, गेय पाइनीमी, मेको आन आगामी अरेशो लोव़ बाक्‍ब। प्रेरित १०:३५

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

१ कोरिन्‍थी 12:13

परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

एफिसी 5:21

गेपुकी ख्रीस्‍त कली मान पा हिंशा बिम्‍मुने। १पत्रुस ५:५

फिलिप्‍पी 3:3

मारदे हना गोपुकी थमा ख्रोइक्‍तीक चिनु ङा मुर बाक्‍नय। गोपुकीमी परमप्रभु यावे आ सोक्‍त आ पतीकेमी खुम्‍की पा बाप्‍शा, परमप्रभु यावे कली गेय पशा, ख्रीस्‍त येसु आ पतीकेमी ग्‍येरस‍य। मुर आ पतीकेमी थमा मसुइय्‍य। रोमी २:२९

कलस्‍सी 1:6

इन सहर नु नेल्‍ल अरु सहर ङा मुरपुकीमी यो मेको ग्‍येरपाइक्‍ब लोव़ नेंतेक्‍म। इन दातेमी दोदेंशो पा बारशा लमे, मोदेंशो पा रागी नेल्‍लेमी बारना बारन लत। गेपुकीमी मेको लोव़ नेंशा, परमप्रभु यावे आ शिशी थमा पा रुप्‍‍नी नाक्‍त रेन मेको लोव़ बारना बारन लत।

कलस्‍सी 3:11

मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०