प्रेरित 10:33 - Sunuwar Bible

³³ मोपतीके ब्रथ सोइक्‍ताक्न्‍‍नी। गे बिश्‍शा गिरिक‍कै जाक्‍शा, आंइ कली रिम्‍शो पाइतीनी। परमप्रभु गे नु बाक्‍ब। मिनु परमप्रभु यावेमी इन कली मार शेंपाइक्‍बा, मेको लोव़ नेल्‍ले नेंचा कली खुम्‍सीशा बाक्‍तक” देंमाक्‍त।

प्रेरित 10:33 ပူးပေါင်းရင်းမြစ်များ

२ इतिहास 30:12

परमप्रभु यावेमी यहूदा ङा मुर यो थुं का दुम्‍पदा बाक्‍त। मिनु मेकोपुकीमी पिप नु सरकार ङा ठेयब मुर आन कली देंशो, परमप्रभु यावे आ लोव़ खोदेंशो पा पामे बाक्‍त।

हितोपदेस 1:5

जोक्‍ब तुइक्‍ब नेल्‍लेमी एको लोव़ रिम्‍शो पा नेंबमी तेम्‍शा शुश रुप्‍ब दुम्‍नीम। निप्‍स पाइश्‍शो मुर जोक्‍ब दुम्‍शा,

हितोपदेस 18:15

निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

हितोपदेस 25:12

जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।

मत्ती 18:4

एको आल खोदेंशो ब्रेम्‍शोपुकी स्‍वर्ग ङा राज्‍यमी नेल्‍ल क्‍येङा ठेयब बाक्‍नीम।

मत्ती 19:30

ङोंइती दुम्‍शोपुकी नोले दुम्‍नीम। नोले दुम्‍शोपुकी ङोंइती दुम्‍नीम।

मर्कूस 10:15

नोफा दाइश्‍शा नेनीने, मुरपुकीमी आल आन थुं ङा मिम्‍शो खोदेंशो पा ममिम्‍ताक्‍म हना, परमप्रभु यावे आ राज्‍यमी ओव़चा मताइनीम” दे माइक्‍मी बाक्‍त।

प्रेरित 10:32

मोपतीके योप्‍पा सहरमी जाक्‍शा बाक्‍शो सिमोन पत्रुस नें पाइश्‍शो मुर कली ब्रथ सोइक्‍तो। मेको कुशुल नोक्‍ब सिमोन आ खिंमी बाक्‍शो बाक्‍ब। मेको खिं समुन्‍द्र आ नेक्‍था बाक्‍ब’ देंत।

प्रेरित 10:34

मिनु पत्रुसमी “परमप्रभु यावेमी सुइ आन कली मतिल्‍थु, उइक्‍थ उइक्‍थ मिम्‍ब। ब्‍यवस्‍था १०:१७; १सामुएल १६:७; रोमी २:११

प्रेरित 28:28

परमप्रभु यावेमी अर्को रागी ङा मुर आन, कली आ लोव़ नेंपाइक्‍ब। मेकोपुकीमी नोफा दाइश्‍शा नेंशा टीनीम, दे तुइक्‍तीन” दे माइक्‍तीमी।

१ कोरिन्‍थी 3:18

सुइमी आंम कली जोल मपांइसेक्‍ल। इन दातेमी सुइमी आंम कली जोक्‍ब तुइक्‍ब मिम्‍साक्‍व हना, मेको मूर्ख दुम्‍ल। मोपा ला जोक्‍ब तुइक्‍ब दुम्‍ने चाप्‍ब। प्रकाश ३:१७-१८

गलाती 4:14

आं कली मोदेंशो रोइ पशो तशा ग्रांग्रा मदित्‍तीनी। मरिम्‍शो लोव़ यो मपाइय्‍यीनी। श्‍येत पा वारच पाइतीनी। परमप्रभु यावे आ स्‍वर्ग ङा गेय पाइब कली ब्रशो खोदेंशो पा मान पाइतीनी। ख्रीस्‍त येसु कली ब्रशो खोदेंशो पा ब्रतीनी।

ब्‍यवस्‍था 30:13

मिनु मेको समुन्‍द्र आ आइक्‍ची हांबु यो मबाक्‍ब। गेपुकीमी “सुम आंइ कली समुन्‍द्र आइक्‍ची हांबु मेको ब्रथ लाइबा? मिनु मेको नेंशा, पाइनीकी” देंचा ममाल्‍नीनी।

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

याकूब 1:19

आं दाक्‍शो लोक्‍बपुकी, मार तुइक्‍चा माल्‍नीनी देंशा हना, गेपुकी नेंस ङा नेंस बाक्‍कीन। शुश मब्‍वाक्‍कीन। शुश मचुरीन। हितोपदेस २९:२०; उपदेसक ५:१-२; उपदेसक ७:९

याकूब 1:21

मोपतीके ग्रांग्रा दिचा ङा गेय नु काइ मरिम्‍शो पतीके नेल्‍ल प्रोनीन। गे ठेयब मलेत्‍थु, इन थुंमी वोइश्‍शो परमप्रभु यावे आ अरेशो लोव़ टिने। मोपा गेपुकी परमप्रभु यावे आ अरेशो लोव़ टिनीनु, मेको लोव़मी इन कली नरक रे प्रोंइने चाप्‍ब। १पत्रुस २:१