प्रेरित 10:19 - Sunuwar Bible

¹⁹ पत्रुसमी मुल यो आ तशो मार बाक्‍म माइ, दे मिम्‍न मिम्‍न बाक्‍मेनु, परमप्रभु यावे आ सोक्‍तीमी मेको कली “इ कली ब्रथ मुर सां जाक्‍तेक्‍मे।

प्रेरित 10:19 ပူးပေါင်းရင်းမြစ်များ

यूहन्‍ना 16:13

मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७

प्रेरित 10:18

“एको खिंमी सिमोन पत्रुस बाक्‍मे?” दे हिल्‍लो पामे बाक्‍त।

प्रेरित 10:3

मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,

प्रेरित 11:12

मिनु परमप्रभु यावे आ सोक्‍तीमी ‘मेको आन जात मार नमी? दे ममिम्‍थु मेकोपुकी नु काथा लावो’ देंतीके गो मेकोपुकी नु लती। मुल एकेर गो नु बाक्‍ब थमा सुइक्‍ब ६ जना लोक्‍ब गो नु लाम्‍तेक्‍म। गो काथा गाक्‍शा, कोरनेलीयस आ खिं जाक्‍दीश्‍शा ओव़तक।

प्रेरित 13:2

मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

प्रेरित 15:7

मिनु शुश लोव़ पमुमानु, पत्रुस बोक्‍शा “आं लोक्‍बपुकी, नोफा दाइश्‍शा नेनीने, ख्रीस्‍त आ लोव़ ब्रचा गोवानु, परमप्रभु यावेमी अर्को रागी ङा मुर आन कली शेंशा, ग्‍येरपाइक्‍ब लोव़ थमा सुइक्‍पाइक्‍थ, आं कली योव़ती, दे तुइश्‍शो ननी। प्रेरित १०:४४; प्रेरित ११:१५

प्रेरित 21:4

मिनु सहर लशा, थमा सुइक्‍ब आन बाक्‍तीके माल्‍शा, ७ नाक्‍त सम्‍म मेकोपुकी नु बाक्‍तक। मिनु थमा सुइक्‍बपुकीमी परमप्रभु यावे आ सोक्‍त रे पा लोव़ पा पावल कली “यरूसलेम मलावो” दे माइक्‍तेक्‍म। प्रेरित २०:२३

प्रेरित 8:29

मिनु परमप्रभु यावे आ सोक्‍तीमी फिलीप कली “मिरी लन लन पाइश्‍शो बग्‍गी आ नेक्‍था लावो” दे माइक्‍तीके फिलीप दोरशा, मेक जाक्‍दीम्‍माक्‍त।

१ कोरिन्‍थी 12:11

मोदेंशो सक्ति पाइश्‍शो गेय नेल्‍ले परमप्रभु यावे आ सोक्‍तीमी पपाइश्‍शो बाक्‍ब। मिनु परमप्रभु यावे आ सोक्‍तीमी आ दाक्‍स पा सु सु आन कली गेचा दाक्‍बा, मेको आन कली गेब। रोमी १२:३; एफिसी ४:७

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८