प्रेरित 10:17 - Sunuwar Bible

¹⁷ मिनु पत्रुसमी छक लाक्‍शा एको मार बाक्‍म माइ, दे मिम्‍ना मिम्‍न बाक्‍माक्‍त। पत्रुस मोदेंशो मिम्‍स ङा मिम्‍स बाक्‍मेनु, कोरनेलीयसमी सोइश्‍शो मुरपुकी कुशुल नोक्‍ब सिमोन आ खिंमी जाक्‍दीश्‍शा, लाप्‍चो आ ङोंइती राप्‍शा कोव़शा

प्रेरित 10:17 ပူးပေါင်းရင်းမြစ်များ

यूहन्‍ना 13:12

मिनु येसुमी आन खोइल चिक्‍ने थुम्‍शा, आ ङोंइती प्रुइश्‍शो फेक्‍तीक फेक्‍शा, आ बाक्‍तीक लत। मिनु शेंसीब आन कली “इन कली पशो गेय आ अर्थ मार बाक्‍बा, गे तुइक्‍नीनी?

प्रेरित 10:3

मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,

प्रेरित 2:12

मोपा मेको नेंबपुकीमी ‘मार बाक्‍म माइ, मार दुम्‍बा’ देंमुमा बाक्‍त।

प्रेरित 25:20

मिनु गो मार पङ, दो पङ दुम्‍ती। मोपतीके गो पावल कली ‘यरूसलेम लशा, मेरेन इ मुददा कोव़चा दुम्‍बा?’ दे हिल्‍लो पाता।

प्रेरित 5:24

मिनु परमप्रभु यावे आ खिं ङा कप्‍तान नु ठेयब चढ़ेबपुकीमी मेको लोव़ नेंशा “ते लमा, दोपा ओदेंशो दुम्‍मे?” दे छक लाक्‍शा, मुल मार पचा, दे मिम्‍ने मचाप्‍मे बाक्‍त।

प्रेरित 9:10

दमस्‍कसमी हनानीया नें पाइश्‍शो थमा सुइक्‍ब मुर का बाक्‍माक्‍त। प्रभुमी मेको मुर कली कोंइतीक कोंइशा “हनानीया” दे ब्रेत्‍ता बाक्‍त। मिनु “मार देंनी, प्रभु?” देंमेनु

प्रेरित 9:43

मिनु पत्रुस योप्‍पा ङा कुशुल नोक्‍ब सिमोन आ खिंमी शुश नाक्‍त बाक्‍माक्‍त।

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२