प्रेरित 1:12 - Sunuwar Bible

¹² मिनु मेकोपुकी जैतून डांडा रे यरूसलेम लेम्‍मा बाक्‍त। मेको लां चहिं नाइक्‍तीक नाक्‍त गाक्‍चा दुम्‍तीक लां बाक्‍माक्‍त।

प्रेरित 1:12 ပူးပေါင်းရင်းမြစ်များ

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

मत्ती 21:1

मिनु यरूसलेम आ नेक्‍था जैतून डांडा ङा बेथफागे माइश्‍शो गाउं जाक्‍दीत्‍तेक्‍म।

मत्ती 24:20

नाइक्‍तीक नाक्‍त नु हिउंदमी मोदेंशो श्‍येत मदुम्‍ल, दे परमप्रभु यावे कली पुनीने।

मत्ती 24:3

मिनु जैतून डांडामी जाक्‍दीश्‍शा बाक्‍मेनु, आ शेंसीबपुकी यो जाक्‍शा “एको इन देंशो लोव़ गेना दुम्‍बा? इन जाक्‍ची ना ङा चिन्‍ड मार तांइसीनीमी? मिनु रागी नुप्‍चवा बाक्‍त, दे दोपा तुंइ‍सीबा?” दे हिल्‍लो पाम्‍तेक्‍म। प्रेरित १:६-८

मत्ती 26:30

मिनु कुम्‍सो का पशा ङा मीन, मेकेर रे गाक्‍शा, जैतून डांडा ग्‍येत्‍थ लाम्‍तेक्‍म।

लूका 19:29

मिनु जैतून डांडा जाक्‍दीम्‍मा बाक्‍त। मेको डांडा आ आइदी बेथफागे नु बेथानी गाउं निक्‍शी बाक्‍सा बाक्‍त।

लूका 21:37

मिनु येसुमी नाक्‍त मुर आन कली शेंना शेंन नाक्‍दो चहिं जैतून डांडाम लशा इप्‍बाक्‍माक्‍त।

लूका 24:50

मिनु नोले मेको आन कली यरूसलेम रे लाइश्‍शा, बेथानी गाउं चाक्‍दीश्‍शा, आ गुइ पोक्‍शा मेको आन कली आसीक गेमी बाक्‍त।

लूका 24:52

मिनु शेंसीबपुकीमी आन पोक्‍च थेक्‍शा, येसु कली ठेयब सेल्‍शा, थाम्‍पा ग्‍येरसीशा यरूसलेम लेम्‍मा बाक्‍त।

यूहन्‍ना 11:18

बेथानी गाउं यरूसलेम आ नेक्‍था बाक्‍शो बाक्‍ब। बेथानी रे यरूसलेम सम्‍म १५ स्‍तादीयोन ङा लां बाक्‍ब। स्‍तादीयोन का १८५ मिटर बाक्‍ब।