प्रेरित 1:1 - Sunuwar Bible

¹ आं दाक्‍शो थियोफीलस, गो ङोंइती ङा किताबमी परमप्रभु यावे आ बाक्‍तीक लाइक्‍चा मपुंइसे सम्‍म येसुमी मार पवा, मार शेंदा, मेको नेल्‍ल ब्रेक्‍शा, तुइक्‍पाइक्‍ने थुम्‍तन्‍नी। लूका १:३

प्रेरित 1:1 ပူးပေါင်းရင်းမြစ်များ

मत्ती 11:5

‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१

लूका 1:24

मिनु आ मीशेम कोव़ज कुरा बाक्‍त। मिनु ५ महिना सम्‍म सुइ आन कली मतुइक्‍पाइक्‍थु, खिं ङा खिं बाक्‍माक्‍त।

लूका 1:3

गोमी ताइब तुइक्‍ब आन देंशो नेंशा, ब्रेक्‍ब आन ब्रेक्‍शो पढेशा “थमान बाक्‍माक्‍त” देंती। मिनु गो यो ब्रेक्‍तु देंशा, एको लोव़ का का पा इन कली ब्रेक्‍ताक्‍न्‍नी। प्रेरित १:१; कलस्‍सी ४:१४

लूका 14:22

मिनु ब्रेत्‍थ लशा चाक्‍शा, आ होव़प कली ‘इन देंशो नेल्‍ल पाता, चिनु नित्‍तीकेम मुर मब्रीम’ देंमाक्‍त।

लूका 24:19

येसुमी “मार दुम” देंमाक्‍त। मिनु मेको निक्‍शीमी “मार दुम्‍त देंशा हना, नासरथ ङा येसुमी परमप्रभु यावे आ लोव़ पवानु, शुश चिन्‍ड कोंइताक्‍व। परमप्रभु यावे नु मुर नेल्‍ल आन ङोंइती मोदेंशो पाप्‍तु। मत्ती २१:११

लूका 3:23

मिनु येसुमी मुर आन कली परमप्रभु यावे आ लोव़ शेंचा गोवानु, ३० बर्स दुम्‍शो बाक्‍माक्‍त। मुरपुकीमी आ आफ योसेफ बाक्‍ब, दे मिम्‍तमे बाक्‍त। योसेफ हेली आ तौ बाक्‍माक्‍त। लूका ४:२२

प्रेरित 2:22

मोपतीके इस्राएल ङा लोक्‍बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्‍शो गेय, चिन्‍ड नु छक लाक्‍चा ङा गेय इन दातेमी कोंइपाइक्‍तु। मेको गे यो तशो तुइश्‍शो बाक्‍नीनी।