३ यूहन्‍ना 1:6 - Sunuwar Bible

⁶ इ खिंमी जाक्‍शा बाक्‍शा, थमा सुइक्‍बपुकीमी “गायसमी थमा सुइक्‍ब आन कली शुश दाक्‍शा, खिंमी बाक्‍चा गेप्‍तु” दे आंइ ग्रुम्‍तीकेमी नेंपाइक्‍तेक्‍म। मिनु गे मोपा येसु ख्रीस्‍त कली थमा सुइक्‍ब आन कली खिंमी बाक्‍चा गेचा ला ममाइ, तन्‍न आन लची ना मेकोपुकीमी मार मार माल्‍नीमी, मेको नेल्‍ल परमप्रभु यावेमी खोदेंशो पा गेशा सोइक्‍ताक्‍नी हना, गे रिम्‍शो दुम्‍नीनी। तीतस ३:१३

३ यूहन्‍ना 1:6 ပူးပေါင်းရင်းမြစ်များ

उत्पत्ती 4:7

गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२

योना 4:4

मिनु परमप्रभु यावेमी “इ गाइश्‍शो ठीक ममाइ” दे मदा बाक्‍त।

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

प्रेरित 15:3

मिनु योव़शा सोइक्‍चा पुंइसीशोपुकी एन्‍टीओक रे गाक्‍शा, यरूसलेम ङा लां खोइश्‍शा ङोंइती फोनीसीया, नोले सामरीया रागीमी जाक्‍दीम्‍मा बाक्‍त। मिनु ते ते जाक्‍दीम्‍मा, मेक मेक ङा थमा सुइक्‍ब आन कली ग्रुम्‍शा “अर्को रागी ङा मुरपुकीमी यो ख्रीस्‍त कली थमा सुइश्‍शा, पाप रे ब्रोंइचा ताम्‍तेक्‍म” दे तुइक्‍पाइक्‍ना पाइक्‍न गाक्‍मा बाक्‍त। मिनु नेंबपुकी शुश ग्‍येरसमा बाक्‍त।

प्रेरित 21:5

साता का नोले “गो आंइ लां खोइक्‍नीकी” देंकानु, मीश मुर वोंइश मुर, आल ब्रेप्‍च नेल्‍लेमी चोव़थ सहर लाक्‍शा समुन्‍द्र आ नेक्‍था सम्‍म चाक्‍तेक्‍म। मिनु पोक्‍च थेक्‍शा प्रार्थना पशा ब्राशा, प्रेरित २०:३६

रोमी 15:24

गो दीसा नित्‍थी एकेर रे गाक्‍शा, स्‍पेन रागी लाइनुङ। मिनु इन बाक्‍तीके यो ओव़शा ग्रुम्‍नन्‍नी। ग्रुम्‍यानु, ग्‍येरसीशा, आं थुं नाइक्‍चा तङल देंती। मिनु नोले आं कली स्‍पेन सम्‍म चोव़दीनीनी कों, दे आस यो पाता।

२ कोरिन्‍थी 1:16

गो मासीडोनीया लङानु, इन कली ग्रुम्‍नुङ। मिनु मासीडोनीया रे लेङङानु, इन बाक्‍तीके जाक्‍नुङ। मिनु गेपुकीमी आं कली यहूदीया रागी सम्‍म चोक्‍नीनी, दे आस पाता। १कोरिन्‍थी १६:५-६

फिलिप्‍पी 4:14

दोदेंब दुम्‍त हना यो, गेपुकीम आं कली वारच पशा रिम्‍शो पाइतीनी।

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

१ थिस्‍सलोनिकी 2:12

“परमप्रभु यावे आ मुर दुम्‍शा, मेको आ ङोंइती शिरशो दुम्‍शा बाक्‍कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्‍य नु आ छेङछेङमी बाक्‍चा गेचा कली ब्रेप्‍ब। एफिसी ४:१-२; फिलिप्‍पी १:२७

तीतस 3:13

मिनु गे चीनास माइश्‍शो वोकील नु आपोल्‍लोस आस कली रीब पा सोइक्‍तीम्‍सी। मेको निक्‍शीम मार मार माल्‍नीसी, मेको आस कली गेम्‍सी। प्रेरित १८:२४; १कोरिन्‍थी ३:५-६

१ पत्रुस 2:20

गे मरिम्‍शो पशा, तुप्‍चा पुंइसीनीनु, मेको फाल्‍शा बाक्‍तीनी हना, मार रिम्‍शो पनी ङा? रिम्‍शो पशा यो, श्‍येत गेचा पुंइसीशा, फाल्‍शा बाक्‍तीनी हना, परमप्रभु यावे आ दाक्‍शो पाइनीनी। १पत्रुस ३:१४; मत्ती ५:१०

३ यूहन्‍ना 1:12

मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।