३ यूहन्‍ना 1:2 - Sunuwar Bible

² आं दाक्‍शो लोक्‍ब, इ जचा बाक्‍चा नेल्‍ल रिम्‍शो बाक्‍ल। इ थमा सुइक्‍तीके रिम्‍शो बाक्‍ब, दे गो तुइक्‍नुङ।

३ यूहन्‍ना 1:2 ပူးပေါင်းရင်းမြစ်များ

मत्ती 9:12

येसुमी मेको आन देंशो नेंशा “रोइ मपशो मुर सापाइक्‍ब ममाल्‍नीम। रोइ पशो मुर चहिं सापाइक्‍ब माल्‍नीम। इजीकीएल ३४:१६

फिलिप्‍पी 2:27

इपाफ्रोडीटस थमा पा बेक्‍चा ङा रोइ पाप्‍तु। तन्‍न परमप्रभु यावेमी मेको कली शिशी पाइक्‍तु। मेको कली ला ममाइ, आं कली यो शिशी पाइक्‍ती। मोपतीके गो शुश श्‍येत मजङ।

फिलिप्‍पी 2:4

गेपुकी का का पा नेल्‍लेमी आंम दाक्‍शो ला ममिम्‍थु, अरु मुर आन दाक्‍शो “मार बाक्‍मे” मेको यो मिम्‍तीन। १कोरिन्‍थी १०:२४; १कोरिन्‍थी १३:५

२ थिस्‍सलोनिकी 1:3

आंइ लोक्‍बपुकी, इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंचा ठीक बाक्‍ब। मारदे हना इन थमा सुइक्‍तीके हु बारशा, इन दाक्‍मुतीक यो बारना बारन लाइब। १थिस्‍सलोनिकी १:२-३

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

याकूब 5:12

आं लोक्‍बपुकी, आं नेल्‍ल क्‍येङा ठेयब अरेतीक लोव़ मार बाक्‍ब देंशा हना, कसम मजने। सरीङ कोव़शा, खप थिशा, चुक्‍ब थिशा कसम मजने। इन देंशो लोव़ दुम्‍ब हना “दुम्‍ब” मदुम्‍ब हना “मदुम्‍ब” देनीन। गे जोल पाइतीनी हना, गे निसाफ पचा पुंइसीनी। मत्ती ५:३४-३७

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

२ पत्रुस 3:18

तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

३ यूहन्‍ना 1:1

गो येसु ख्रीस्‍त कली थमा सुइक्‍ब आन शेंब खाल्‍पामी, आं थमा पा दाक्‍शो गायस इ कली एको चिठी ब्रेक्‍ताक्‍ङ। २यूहन्‍ना :१

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९