३ यूहन्‍ना 1:11 - Sunuwar Bible

¹¹ आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।

३ यूहन्‍ना 1:11 ပူးပေါင်းရင်းမြစ်များ

भजन संग्रह 34:14

मरिम्‍शो पतीके रे लेश्‍शा, रिम्‍शो पने। थुं नाइश्‍शा बाक्‍तीके माल्‍शा बाक्‍कीन।

भजन संग्रह 37:27

मरिम्‍शो पतीके रे ङोन बाक्‍कीन। रिम्‍शो पने। मिनु गे गेना हना यो ब्रोंइचा ताइनीनी।

प्रस्‍थान 23:2

मिनु ठेयब हुल का मरिम्‍शो पाइब बाक्‍तेक्‍म हना, मेको आन नोले मखोतीन। निसाफ पाइब आ ङोंइती ‘ठेयब हुल ङा मुर ठीक बाक्‍नीम’ मदेनीन। मोपा आं ठीक पतीके रे ङोन मलने।

हितोपदेस 12:11

सु सुमी आंम रूम शोक्‍नीमी, मेकोमी जचा शुश ताइनीम। तन्‍न सु सुमी शोर गाक्‍‍शो लोव़ पा गाक्‍नीमी, मेको निप्‍स मपाइश्‍शो बाक्‍नीम। हितोपदेस २८:१९

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 3:20

सुमी मरिम्‍शो गेय पाइबा, मेकोम छेङछेङ कली काइ मदाक्‍ब। आ गेय मतांइसेक्‍ल, दे छेङछेङमी मलाइब। एफिसी ५:१३

१ कोरिन्‍थी 11:1

गो दोपा ख्रीस्‍त आ पशो खोदेंशो पङा, मोपा गे यो आं पशो खोदेंशो पाइब दुमीन।

१ कोरिन्‍थी 4:16

मोपतीके गो इन कली अर्ती का गेनन्‍नी। आं पशो खोदेंशो पने। १कोरिन्‍थी ११:१

एफिसी 5:1

गेपुकी परमप्रभु यावे आ दाक्‍शो तमी तौ दुम्‍तीके मेकोमी दोदेंशो पवा, मोदेंशो पने। लूका ६:३६

फिलिप्‍पी 3:17

आं दाक्‍शो लोक्‍बपुकी, गेपुकी आं खोदेंशो दुमीने। आंइ खोदेंशो पा गेय पाइब आन कली कोव़शा, मेको आन खोदेंशो पने। १कोरिन्‍थी ११:१

१ थिस्‍सलोनिकी 1:6

गेपुकी आंइ खोदेंशो नु प्रभु खोदेंशो पाइब दुम्‍तीनी। मारदे हना गेपुकी शुश श्‍येत जशा, परमप्रभु यावे आ लोव़ नेंतीनी। मिनु परमप्रभु यावे आ सोक्‍तीमी इन थुं ग्‍येरपाइक्‍तु। २थिस्‍सलोनिकी ३:७

१ थिस्‍सलोनिकी 2:14

आंइ लोक्‍बपुकी, गे यहूदीया ङा परमप्रभु यावे आ ग्रुम्‍तीक ङा ख्रीस्‍त येसुमी बाक्‍ब थमा सुइक्‍ब खोदेंशो दुम्‍तीनी। मारदे हना यहूदीया ङा मुरपुकीमी आंम रागी ङा थमा सुइक्‍ब आन कली श्‍येत गेशो खोदेंशो पा, इन रागी ङा मुरपुकीमी यो इन कली श्‍येत गेम्‍तेक्‍म। प्रेरित ८:१; प्रेरित १७:५-६

२ तिमोथी 3:10

मिनु गे आं शेंतीके, आं गेय पतीके “मार पाइनुङ” दे आं मिम्‍तीके, आं थमा सुइक्‍तीके, आं फाल्‍तीके, आं दाक्‍तीके नु थमा सुइक्‍तीके मप्रोंइशो ताप्‍तीवी।

हिब्रू 6:12

मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।

१ पत्रुस 3:11

मरिम्‍शो पचा प्रोंइशा, ठीक गेय ला पने।

१ पत्रुस 3:13

गे ठीक गेय ला पाइतीनी हना, सुम इन कली श्‍येत गेबा ङा?

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 3:10

मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५