३ यूहन्‍ना 1:10 - Sunuwar Bible

¹⁰ मिनु गो मेकेर जाक्‍शा, मेको आ पशो गेय आ पर्बम लोव़ पाइनुङ। मेकोम मार पाइब देंशा हना, आं कली श्‍येत गेचा, दे आं पर्बम काइ मरिम्‍शो लोव़ पना पन गाक्‍ब। मिनु मेको ला ममाइ, आं सोइश्‍शो लोक्‍ब आन कली जाक्‍चा मगेव। सु चहिं मेको आन कली जाक्‍चा गेचा दाक्‍बा, डियोत्रीफसमी मेको कली “जाक्‍चा गेचा मदुम्‍ब” देंब। मिनु मेकोपुकी आ देंशो मटिम्‍तेक्‍म हना, मेको आन कली थमा सुइक्‍ब आन ग्रुम्‍तीके रे तिल्‍ब।

३ यूहन्‍ना 1:10 ပူးပေါင်းရင်းမြစ်များ

हितोपदेस 10:10

मिक्‍च रिक्‍बपुकीमी मुर आन कली श्‍येत गेनीम। तन्‍न सुमी महिंथु हुइक्‍बा मेकोमी थुं नाइश्‍शा बाक्‍चा गेब। हितोपदेस ६:१२-१३

हितोपदेस 10:8

जोक्‍ब तुइक्‍ब थुं पाइश्‍शो मुरुमी शेंशो लोव़ टीब। तन्‍न हेंथे लोव़ पाइब मूर्ख खतम दुम्‍ब।

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

लूका 6:22

मुरुमी इन कली आं पर्बम काइ मदाक्‍थु, खेरशा हेला पामेनु, रागीम जरमेशो आ पर्बम इन कली दिप्‍मेनु, गे शुश ग्‍येरसीन। यूहन्‍ना १५:१८-१९

यूहन्‍ना 9:22

आ आम आफोमी यहूदी आन क्‍येङा हिंशा मो देंताक्‍स। मारदे हिंसा देंशा हना, यहूदीपुकीमी “सुम सापाइक्‍ब कली ख्रीस्‍त दे थमा सुइक्‍बा, मेको कली यहूदी आन ग्रुम्‍तीक खिं रे तिल्‍चा” दे सल्‍ला पशो बाक्‍तेक्‍म। यूहन्‍ना ७:१३; यूहन्‍ना १२:४२

प्रेरित 1:15

मिनु काबु नाक्‍त पत्रुस थमा सुइक्‍ब सहे का २० जना मुर आन दातेमी बाक्‍मा बाक्‍त। यूहन्‍ना २१:१५-१९

२ कोरिन्‍थी 13:2

मोपतीके सजाइ गेचा पुंइसीब आन कली सजाइ मगेथु, मप्रोंइनुङ। मारदे हना एको क्‍येङा ङोंइती जाक्‍ङानु, मो मपचा, दे शेंशो नन्‍नी।

गलाती 6:10

सुइ कली रिम्‍शो पचा ताइतय हना, रिम्‍शो पय। नेल्‍ल क्‍येङा ङोंइती थमा सुइक्‍ब लोक्‍ब आन कली वारच पय। २पत्रुस १:७

१ तिमोथी 5:13

मेकोपुकी मुर आन खिं खिं हिरथ लाइनीम। अल्‍सी ला ममाइ, मदेंचा ङा लोव़ यो शुश पाइनीम।

२ यूहन्‍ना 1:10

सुइ मुर इन बाक्‍तीके जाक्‍शा, थमा शेंतीके लोव़ मपाप्‍तु हना, मेको कली खिं ओव़चा मगेने। मिनु मेको कली “रिम्‍शो बाक्‍को” दे यो मदेनीन। २थिस्‍सलोनिकी ३:६

२ यूहन्‍ना 1:12

मिनु गोमी इन कली शुश ब्रेक्‍चा माल्‍ती हना यो, कागज नु मसीम मब्रेक्‍नुङ, इन कलीन ग्रुम्‍थ जाक्‍नुङ। मिनु कोव़मुशा लोव़ पाइनय, दे आस पाइनुङ। मोपा ग्रुम्‍तय हना, शुश ग्‍येरनय। ३यूहन्‍ना :१३

३ यूहन्‍ना 1:3

मिनु इ बाक्‍तीके रे जाक्‍ब थमा सुइक्‍बपुकीमी “गायस रिम्‍शो पा येसु ख्रीस्‍त आ पर्बम थमा लां खोइक्‍ब” दे शेंताक्‍यीमी। मेको नेंनुनु, गो शुश ग्‍येरसाक्‍यी। २यूहन्‍ना :४

३ यूहन्‍ना 1:5

आं दाक्‍शो लोक्‍ब, गे येसु ख्रीस्‍त कली थमा सुइक्‍ब आन कली वारच पाइतीनी, मोपा रिम्‍शो गेय पाइतीनी। मोदेंशो गेय अर्को सहर ङा येसु ख्रीस्‍त कली थमा सुइक्‍ब आन कली पाइतीनी, मेको थम रिम्‍शो बाक्‍ब।