२ तिमोथी 4:17 - Sunuwar Bible

¹⁷ तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

२ तिमोथी 4:17 ပူးပေါင်းရင်းမြစ်များ

भजन संग्रह 109:31

मारदे हना मेको श्‍येत जाइब आन कली साइक्‍ब आन गुइ रे प्रोंइशा वारच पाइब बाक्‍ब।

भजन संग्रह 22:21

गुप्‍स आ शोव़ नु ब्‍वाकी ङा सांढे आन ग्रोव़ रे प्रोंइयीनी। दानीएल ६:२३

हितोपदेस 20:2

पिप आन शुश गाइश्‍शो गुप्‍स आन ग्रीशो खोदेंशो बाक्‍ब। सुम मेको कली गाइक्‍पाइक्‍बा, मेको साइक्‍चा पुंइसीब। हितोपदेस १६:१४

हितोपदेस 28:15

परमप्रभु यावे आ अरेशो मटीबमी प्रुङग आन कली सासन पाप्‍तु हना, मेको ग्रीब गुप्‍स नु प्रेक्‍शा ग्राम्‍ब वां खोदेंशो बाक्‍ब।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

दानीएल 6:22

आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३

दानीएल 6:27

मेकोमी आ मुर आन कली प्रोंइशा, श्‍येत रे ग्रुंइने चाप्‍ब। मेको सरीङ नु रागीमी चिन्‍ड नु छक लाक्‍चा ङा गेय पाइब बाक्‍ब। मेकोमी दानीएल कली गुप्‍स आन सक्ति रे प्रोंइतु” दे हुकुम पा ब्रेक्‍ताक्‍व।

मत्ती 10:19

इन कली मोपा राप्‍पदमेनु, मार लोव़ पका? मार देंका? दे सुर्ता मपने। मार देंचा माल्‍बा, मेको लोव़ तुइक्‍पाइक्‍चा पुंइसीनीनी। प्रस्‍थान ४:१२; लूका १२:११-१२; प्रेरित ४:८

लूका 1:1

माननीय थियोफीलस, इं रागीम मार मार दुम्‍मे, मेको आ पर्बम शुश लोव़ ब्रशो बाक्‍माक्‍त।

लूका 21:15

मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

प्रेरित 23:11

मिनु मेको नाक्‍दो प्रभुमी पावल आ नेक्‍था जाक्‍शा “दोपा यरूसलेममी आं पर्बम शेंदीमी, मोपा रोम सहरमी यो आं पर्बम शेंशा सांकछी दुम्‍नेवे। मोपतीके महिंथु, ठेयब थुं पा बाक्‍को” देंमाक्‍त। प्रेरित १:८; प्रेरित २५:११-१२; प्रेरित २७:२३-२४

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

रोमी 15:31

मार पुनीन देंनुङ देंशा हना “पावल कली यहूदीया रागीम बाक्‍ब थमा मसुइक्‍ब आन गुइ रे प्रोनीन। मिनु यरूसलेम जाक्‍दीश्‍शा, मेकेर बाक्‍ब थमा सुइक्‍ब आन कली वारच पचा गेने।

२ कोरिन्‍थी 12:9

तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

१ तिमोथी 1:12

एको लोव़ शेंचा कली बोल गेब इं प्रभु ख्रीस्‍त येसु कली “गे रिम्‍शो पाइब बाक्‍नीनी” देंनुङ। मारदे हना ख्रीस्‍त येसुमी आं पर्बम “थमा सुइक्‍चा ङा मुर बाक्‍ब” दे आ गेय पाइब सेल्‍ती। प्रेरित ९:१५; १कोरिन्‍थी १५:९-१०; गलाती १:१३-१६

२ तिमोथी 2:1

आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

२ तिमोथी 3:11

आं कली खेदा पशो, आं श्‍येत जशो यो ताप्‍तीवी। एन्‍टीओक, आइकोनीयम नु लिस्‍त्रा सहरमी गो दोदेंशो श्‍येत जङा, दोपा खेदा पशो नेल्‍ल फलु, मेको नेल्‍ल ताप्‍तीवी। तन्‍न प्रभुमी मेको नेल्‍ल रे प्रोंइती। प्रेरित १३:१३-१४:२२; भजन संग्रह ३४:२०

२ तिमोथी 4:5

गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३

तीतस 1:3

आ दाक्‍शो ना मुर आन कली आ लोव़ तुइक्‍पाइक्‍तु। दोपा तुइक्‍पाइक्‍तु देंशा हना, इं मरिम्‍शो गेय रे प्रोंइब परमप्रभु यावेम “आं लोव़ शेंदीमी” देंत। एफिसी १:९-१०

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

२ पत्रुस 2:9

परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३

१ सामुएल 17:37

आं कली जोइ नु वां आन शोव़ रे प्रोंइब परमप्रभु यावेमी मेको पलिस्‍ती आ गुइ रे यो प्रोंइब” देंमाक्‍त। मिनु सावलमी “लावो, परमप्रभु यावे गे नु बाक्‍ल” देंमाक्‍त।