२ तिमोथी 4:16 - Sunuwar Bible

¹⁶ ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५

२ तिमोथी 4:16 ပူးပေါင်းရင်းမြစ်များ

मर्कूस 14:50

मिनु आ शेंसीबपुकी येसु कली थु था प्रोंइशा, साव सुव ब्रशा प्रोक्‍मा बाक्‍त।

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

यूहन्‍ना 16:32

नोले नेल्‍ल ब्राशा, इन खिं खिं लशा, आं कली प्रोंइनीनी। मिनु गो का ला बाक्‍नुङ। तन्‍न गो का ला मदुम्‍नुङ। मारदे हना आं आफ गो नु बाक्‍ब। जकरिया १३:७; मत्ती २६:३१

प्रेरित 22:1

मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।

प्रेरित 25:16

गो मेको आन कली ‘कछडी वोइश्‍शा, दोस गेबपुकी नु दोस गेचा पुंइसीब कली मग्रुम्‍पाइक्‍थु, दोस मग्रुंइथु, सजाइ गेचा आंइ रोमी ऐन कानुनम मगारब। दोस गेचा पुंइसीबमी एको आन देंशो थमा बाक्‍ब, दे मदेंम सम्‍म सजाइ गेचा मदुम’ दे माइक्‍तामी। प्रेरित २२:२५

प्रेरित 7:60

मिनु आ पोक्‍च थेक्‍शा ठेयब सेंदा पा “प्रभु, एको पाप एको आन कली मरल” देंशा, बेक्‍माक्‍त। लूका २३:३४

१ कोरिन्‍थी 13:5

दाक्‍तीकेमी ठेयब मलेप्‍ब नु मुने दोक्‍चा ङा लोव़ मपाइब। दाक्‍तीकेमी आं के ला ठीक मदेंब। दाक्‍तीकेमी रीब पा मचुरब, ईख मकुरब। फिलिप्‍पी २:४

१ कोरिन्‍थी 9:3

आं शेंशो आ पर्बम हिल्‍लो पाइब आन कली कोरिन्‍थीपुकी दोपा थमा सुइक्‍ब दुम्‍मा? लो, मिम्‍तीन, दे माइक्‍नुङमी।

२ कोरिन्‍थी 7:11

परमप्रभु यावेमी इन थुं खाइक्‍पाइश्‍शोमी मार दुम्‍मे, दे तुइक्‍तीने। गे रिम्‍शो दुम्‍चा कली शुश गेय पाइतीनी। गे सल्‍‍ला पा, जिशा, हिंशा, रिम्‍शो दुम्‍चा कली शुश बोल पा दोस मताइब दुम्‍चा कली गे मेको मुर कली सजाइ गेतीनी। मोपा गे दोस मताइब बाक्‍नीनी, दे कोंइताक्‍नी।

फिलिप्‍पी 1:17

गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

२ तिमोथी 4:10

मारदे हना डेमासमी रागी ङा गेय दाक्‍शा, आं कली प्रोंइती। मिनु थिस्‍सलोनिकी सहर लत। क्रेसेन्‍स गलातीया नु तीतस डाल्‍मातीया रागी लाम्‍ताक्‍स। कलस्‍सी ४:७,१०,१४

२ तिमोथी 4:15

गे यो मेको नु होस पा बाक्‍को। इं शेंतीके आ पर्बम शुश जिचा पोक्‍तु।

१ पत्रुस 3:15

तन्‍न इन थुंमी “ख्रीस्‍त ला प्रभु बाक्‍ब” दे मेको कली ठेयब सेलीन। गे गेना हना यो “इन थमा सुइक्‍तीके मार में” दे हिल्‍लो पाइब आन कली लोव़ लेत्‍चा ठीक दुम्‍शा बाक्‍कीन। ब्रेम्‍शो थुंमी रिम्‍शो लोव़ पा लोव़ लेत्‍तीने। १पत्रुस २:२१-१४