२ तिमोथी 4:11 - Sunuwar Bible

¹¹ लूका ला गो नु बाक्‍ब। मर्कूस कली गे पिश्‍शा पिवो। मारदे हना मेको आं कली वारच पाइब बाक्‍ब। प्रेरित १५:३७; कलस्‍सी ४:१०

२ तिमोथी 4:11 ပူးပေါင်းရင်းမြစ်များ

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

मत्ती 19:30

ङोंइती दुम्‍शोपुकी नोले दुम्‍नीम। नोले दुम्‍शोपुकी ङोंइती दुम्‍नीम।

मत्ती 20:16

मोदेंशो पान, नोले दुम्‍बपुकी ङोंइती दुम्‍नीम, ङोंइती दुम्‍बपुकी नोले दुम्‍नीम” दे शेंताक्‍मी।

लूका 13:30

नेल्‍ल आन क्‍येङा नोले दुम्‍शोपुकी ङोंइती दुम्‍नीम। मिनु नेल्‍ल आन क्‍येङा ङोंइती दुम्‍शोपुकी नोले दुम्‍नीम” दे शेंदीमी बाक्‍त।

प्रेरित 12:12

मेको तुइश्‍शा मर्कूस, यूहन्‍ना नें यो वोइश्‍शो, आ ममा मरीयम आ खिं गे लमाक्‍त। मरीयम आ खिंमी थमा सुइक्‍ब शुश खुम्‍सीशा, प्रार्थना पना पन बाक्‍शो बाक्‍मा बाक्‍त। प्रेरित १२:२५; प्रेरित १३:५,१३; प्रेरित १५:३७

प्रेरित 12:25

बारनाबास नु सावल यरूसलेममी क्‍येट चोव़ने थुम्‍शा, एन्‍टीओक लेस्‍सा बाक्‍त। लेस्‍सानु, मर्कूस कली यो लदसे बाक्‍त। मर्कूस कली यूहन्‍ना नें यो वोइश्‍शो बाक्‍त। प्रेरित ११:२९-३०; प्रेरित १३:५

प्रेरित 15:37

मिनु बारनाबासमी “यूहन्‍ना, आ याइनी नें मर्कूस कली यो काथा लाइश्‍शा लस” देंमाक्‍त। प्रेरित १२:१२,२५

प्रेरित 15:39

मिनु बारनाबास लाइक्‍चा, पावलमी मलाइक्‍चा देंतीके मेको आस लोव़ मगारथु, जिशा ब्रासा बाक्‍त। मिनु बारनाबासमी मर्कूस कली लाइश्‍शा, जहाज ङोइश्‍शा साइप्रस लमाक्‍त।

प्रेरित 16:10

मेको कोंइतीक तशा, पावल छुल बोक्‍शा “मासीडोनीया लय” देंत। मोपतीके गो यो सासाक्‍क। प्रभुमी मासीडोनीया ङा मुर आन कली ग्‍येरपाइक्‍तीक लोव़ शेंथ सोइक्‍ता बाक्‍त, दे नेल्‍लेमी रुप्‍तक।

कलस्‍सी 4:10

गो नु ग्‍याइक्‍चा पुंइसीब वारच अरीस्‍तारकसमी इन कली “रिम्‍शो बाक्‍कीन” दे आं कली ब्रेक्‍पाइक्‍ती। बारनाबास आ लोक्‍ब मर्कूसमी यो इन कली “रिम्‍शो बाक्‍कीन” देंत। मेको जाक्‍मेनु, रिम्‍शो पा बाक्‍चा गेने। मेको आ पर्बम इन कली ङोंइती तुइक्‍पाइक्‍तन्‍नी। प्रेरित १९:२९; प्रेरित २७:२; प्रेरित १२:१२,२५

कलस्‍सी 4:14

इं दाक्‍शो डाक्‍टर लूका नु डेमासमी यो इन कली “रिम्‍शो बाक्‍कीन” देंताक्‍स।

२ तिमोथी 1:15

नेल्‍ल एसीया ङा मुरपुकीमी आं कली प्रोंइतीमी दे तुइक्‍नेवे। मेको आन दातेमी फीगेलस नु हेरमोगेनेस बाक्‍नीसी। २तिमोथी ४:१६

२ तिमोथी 2:21

सु आ मरिम्‍शो पशो शोव़शा माफ ताइबा, मेको रिम्‍शो गेय ङा बोस खोदेंशो दुम्‍ब। आ होव़प कली जिम्‍मा गेंसीशो नु मेको रिम्‍शो गेय पचा कली रिम्‍शो बाक्‍ब।

फिलेमोन 1:24

गो नु काथा गाक्‍ब येसु आ लोव़ शेंब मर्कूस, अरीस्‍तारकस, डेमास नु लूकामी यो इन कली “रिम्‍शो बाक्‍कीन” देंतेक्‍म।

१ पत्रुस 5:13

इन खोदेंशो बेबीलोनम बाक्‍शो योव़शोपुकीमी यो इन कली “रिम्‍शो बाक्‍कीन” दे आं कली ब्रेक्‍पाइक्‍तीमी। मिनु आं तौ मर्कूसमी यो मो देंत। २तिमोथी ४:११