२ तिमोथी 3:8 - Sunuwar Bible

⁸ दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२

२ तिमोथी 3:8 ပူးပေါင်းရင်းမြစ်များ

प्रस्‍थान 7:11

मिनु फाराओमी इजीप्‍त रागी ङा जादू नु टुना मुना पाइब आन कली ब्रेत्‍ताक्‍मी। मेकोपुकीमी यो आन टुना मुनामी हारून खोदेंशो पा आन कोक्‍के ब्‍वारशा, बुस्‍सपुकी सेल्‍तेक्‍म। प्रस्‍थान ७:२२; प्रस्‍थान ८:३; उत्‍पत्ती ४१:८; २तिमोथी ३:८

प्रस्‍थान 7:22

इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११

प्रस्‍थान 8:18

इजीप्‍त रागी ङा जादू टुना मुना पाइबपुकीम यो हारून खोदेंशो पा भुस्‍ना ग्रूपाइक्‍चा माल्‍तेक्‍म। तन्‍न मचबेम। मुर नु बस्‍तु भाव आन तारी भुस्‍ना शुश जुक्‍ताक्‍म। प्रस्‍थान ७:११

प्रस्‍थान 8:7

इजीप्‍त रागी ङा जादू टुना मुना पाइबपुकीमी यो आन मन्‍तरमी हारून खोदेंशो पा क्रुक्‍क्रु ग्रूपाइक्‍तेक्‍म। प्रस्‍थान ७:११

प्रेरित 15:24

गोपुकी नु बाक्‍ब का निक्‍शी इन बाक्‍तीकेमी जाक्‍शा, इन थुं क्‍याल्‍तेक्‍म देंशो लोव़ नेंतक। मेको आंइ सोइश्‍शो मबाक्‍नीम।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

१ तिमोथी 1:19

थमा सुइक्‍तीके नु इ थुं ङा रिम्‍शो मिम्‍तीके टिशा बाक्‍को। आन थुं ङा रिम्‍शो मिम्‍तीके कली मटीब का निक्‍शीमी थमा सुइक्‍चा प्रोंइतेक्‍म। १तिमोथी ३:९; १तिमोथी ६:१०

१ तिमोथी 4:2

मेको मुर आन थुं ङा मिम्‍तीके खतम दुम्‍ब। मिनु जोल शेंनीम।

१ तिमोथी 6:5

मेकोपुकीमी मुर आन दातेमी जिचा पोक्‍नीम। आन थुं गशो खोदेंशो दुम्‍शा, थमा लोव़ रुप्‍‍ने मचाप्‍नीम। परमप्रभु यावे कली मिम्‍चा, दाक्‍चा क्‍येट चेम्‍तीके बाक्‍ब, दे मिम्‍नीम।

२ तिमोथी 4:15

गे यो मेको नु होस पा बाक्‍को। इं शेंतीके आ पर्बम शुश जिचा पोक्‍तु।

तीतस 1:10

परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

२ पत्रुस 2:14

मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।

१ यूहन्‍ना 2:18

आं तमी तौपुकी, रागी जाम्‍चशो बाक्‍ब। दोपा तुइक्‍ताक्‍य देंशा हना, ख्रीस्‍त आ पर्बम दूली शेंब का जाक्‍ब, दे ङोंइती रे तुइश्‍शो ननी। ख्रीस्‍त आ पर्बम दूली शेंब शुश जाक्‍तेक्‍म। मोपतीके रागी जाम्‍चशो बाक्‍त, दे तुइक्‍ताक्‍य। १पत्रुस ४:७; मत्ती २४:२४; २थिस्‍सलोनिकी २:३-४

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

प्रकाश 2:20

तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२

प्रकाश 2:6

तन्‍न इन गेय का रिम्‍शो बाक्‍ब। गेपुकी निकोलाइटन आन शेंतीके ङा गेय ग्रांग्रा दीनीनी। गो यो ग्रांग्रा दीनुङ। भजन संग्रह १३९:२१