२ तिमोथी 3:3 - Sunuwar Bible

³ आंम खिं ङा मुर आन कली मदाक्‍नीम। ईख कुरनीम, मरिम्‍शो लोव़ पाइ‍नीम। आंम रां नु शोव़ चलेस मजोक्‍नीम। जिचा पोक्‍‍नीम। रिम्‍शो मारेइ मदाक्‍नीम।

२ तिमोथी 3:3 ပူးပေါင်းရင်းမြစ်များ

उत्पत्ती 49:7

इस गाइश्‍शोम सराप राइब। मारदे हना मेको ठेयब बाक्‍ब। इस चुरचाम सराप राइब। मारदे हना मेको शिशी मपाइश्‍शो मरिम्‍शो बाक्‍ब। थुं का मदुमीस। इस्राएल रागीमी ब्राशा बाक्‍कीस। यहोसु १९:१-९; २१:१-४२

भजन संग्रह 15:4

सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,

भजन संग्रह 22:6

गो चहिं मुर मदुम्‍‍थु, लुस्‍पु खोदेंशो दुम्‍ती। मुरपुकीम आं कली शुक्‍शी पा ग्रांग्रा दित्‍नीम। अय्‍युब २५:६; यसैया ४१:१४

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

दानीएल 8:23

मिनु मेको आन सासन पतीक अधिकार नुप्‍ची ना मेको आन मरिम्‍शो पतीकेम ब्रीतीके खकटा थुं पाइश्‍शो, शुश मरिम्‍शो पाइब पिप का जाक्‍ब। दानीएल ११:२१

मत्ती 10:21

लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६

मत्ती 4:1

मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 16:14

फरिसीपुकीमी क्‍येट नु शोंप दाक्‍बाक्‍मा बाक्‍त। मिनु येसु आ लोव़ नेंशा गाइश्‍शा, शुक्‍शी पामे बाक्‍त।

यूहन्‍ना 6:70

मिनु येसुमी “गो गे १२ जना इन कली योव़तन्‍नी। तन्‍न इन दातेमी सैतान का बाक्‍ब” देंत।

रोमी 1:29

मिनु आन थुं पापम ब्रीशो दुम्‍तेक्‍म। मिनु मार पाम्‍तेक्‍म देंशा हना, मारेइ मारेइ मरिम्‍शो ला पमुम्‍तेक्‍म, शिंम दुम्‍तेक्‍म, थुं चोमुम्‍तेक्‍मे, रुश पमुम्‍तेक्‍मे, मुर साइक्‍तेक्‍मे, जिम्‍तेक्‍मे, जोल पाम्‍तेक्‍मे, ख्रुइश्‍शा मुर आन लोव़ पाम्‍तेक्‍म।

रोमी 1:31

बी ब्‍यफ खोदेंशो दुम्‍तेक्‍मे, देंशो लोव़ मखबेमे, अरु आन कली वारच मपामे, सुइ आन कली मदाक्‍तमे, शिशी यो मपामे।

१ कोरिन्‍थी 7:5

वोंइश मीश गार‍शा, नाक्‍त का निक्‍शी काथा मइप्‍थु, प्रार्थना पना पन बाक्‍स, दे लोव़सी गारपाइश्‍शा बाक्‍चा यो रिम्‍शो दुम्‍ब। मेको ङा लाक्‍शा चहिं ब्राशा बास मबाक्‍कीने। मारदे हना सैतानमी शुश नाक्‍त सम्‍म ब्राशा बाक्‍ने मचाप्‍नीम दे तुइश्‍शा, इन कली तेल्‍लेम पपाइक्‍ने चाप्‍ब।

१ कोरिन्‍थी 7:9

सु सु चहिं आन का ला बाक्‍ने मचाप्‍नीमी, मेकोपुकी ग्‍युंबे पांइसमल। मारदे हना वोंइश नु मीश माल्‍शा, हेंथे गाक्‍चा क्‍येङा ग्‍युंबे पचा रिम्‍शो दुम्‍ब। १तिमोथी ५:१४

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६

१ तिमोथी 3:11

आ मीश यो रिम्‍शो बाक्‍शा, डुलेथ मगाक्‍थु, गेय पचा ङोंइती मिम्‍ब बाक्‍चा माल्‍ब। मेको आ गेय नेल्‍ले रिम्‍शो पा पचा माल्‍ब। तीतस २:३

तीतस 1:8

थमा सुइक्‍ब आन कली कोव़ब चहिं बास गेब, रिम्‍शो गेय दाक्‍ब, रिम्‍शो नु मरिम्‍शो तुइक्‍ब, ठीक गेय पाइब, थमा पा परमप्रभु आ गेय पाइब नु आंम रां चलेस जोक्‍ब मुर बाक्‍चा माल्‍नीम।

तीतस 2:3

मिनु खाल्‍पी आन कली मार शेंचा माल्‍नेवे देंशा हना, खाल्‍पीपुकी रिम्‍शो थमा सुइक्‍ब दुम्‍चा माल्‍नीम। हेंथे लोव़ पचा मदुम्‍ब। शुश शांबु तूचा मदुम्‍ब। खाल्‍पीपुकी रिम्‍शो गेय शेंब दुम्‍चा माल्‍नीमी।

याकूब 2:6

गे चहिं प्रुङग आन कली दिप्‍नीनी। मेको शुश क्‍येट थीब मुरपुकी इन कली श्‍येत गेब मुर मनमी ङा? मेकोपुकीमी इन कली अडडाम मचाक्‍दीत्‍नीमी ङा?

२ पत्रुस 2:14

मेकोपुकीमी मुर आन मीश तशा वाल्‍नीम। पाप पचा गेनायो “मोक्‍ल” मदेंनीम। सक्ति मपाइश्‍शो थमा सुइक्‍ब आन कली लेम्‍शा, आंम दूली लां खोइक्‍पाइक्‍नीमी। मेकोपुकी शीम बाक्‍नीम। मिनु सराप रशो मुर बाक्‍नीम।

२ पत्रुस 2:19

मेकोपुकीमी “गे पाप रे प्रोंइशो मुर बाक्‍नीनी” दे लोव़ पाइनीम। तन्‍न ग्रांग्रा दिचा ङा गेय आन वाइल बाक्‍नीम। मार मारमी मुर आन कली ग्राबा, मेको आन वाइल दुम्‍नीम। गलाती ५:१३; १पत्रुस २:१६

२ पत्रुस 3:3

नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। १तिमोथी ४:१; यहूदा:१८

यहूदा 1:16

मेकोपुकी गन गन पाइब बाक्‍नीम। मेकोपुकीमी “गो श्‍येत जना जन बाक्‍नुङ” दे गेनायो मग्‍येरथु, आन दला दाक्‍स पना पन बाक्‍नीम। ठेयब लोव़ पा, ठेयब लेश्‍शो मुर बाक्‍नीम। मेकोपुकीमी आंम कली ठेयब सेल्‍सीचा कली मुर आन कुल कोव़नीम।

यहूदा 1:18

मेकोपुकीमी इन कली “मेको नोले ङा नाक्‍त शुक्‍शी लोव़ पाइनीम। परमप्रभु यावे कली मटिथु, आंम दला दाक्‍स पाइनीम” देंतेक्‍म। १तिमोथी ४:१; २पत्रुस ३:३

प्रकाश 13:15

मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।

प्रकाश 13:17

मिनु सु सु चिन्‍ड मपाइश्‍शो बाक्‍मा, मेकोपुकीमी मारेइ ग्‍याप्‍ने नु लेयने मचबेम। मिनु मेको चिन्‍ड कि जन्‍तु आ नें कि आ हिक्‍तीक चिन्‍ड बाक्‍त।

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४