२ तिमोथी 3:16 - Sunuwar Bible

¹⁶ परमप्रभु यावेमी मेको लोव़ नेल्‍ल गेशो बाक्‍त। मेको शेंचा कली, हुइक्‍चा कली, रिम्‍शो सेल्‍चा कली नु थमा सुइक्‍तीक ठीक सेल्‍चा कली बाक्‍ब। २पत्रुस १:१९-२१

२ तिमोथी 3:16 ပူးပေါင်းရင်းမြစ်များ

२ सामुएल 23:2

“परमप्रभु यावे आ सोक्‍त आं रे पा ब्‍वाक्‍शो बाक्‍ब। मेको आ देंशो लोव़ आं शोव़म बाक्‍ब।

नेहेम्‍याह 9:20

मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४

भजन संग्रह 119:11

गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।

भजन संग्रह 119:130

इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।

भजन संग्रह 119:9

ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।

हितोपदेस 15:10

नोले शोंइसीशो मुर हिंचा ङा सजाइ ताइनीम। तन्‍न हुइश्‍शो काइ मदाक्‍ब मुर बेक्‍चा माल्‍ब।

हितोपदेस 15:31

सुमी रिम्‍शो अर्ती नेंशा पाइबा, मेको जोक्‍ब तुइक्‍ब मुर आन दातेम बाक्‍ब।

हितोपदेस 6:23

मारदे हना मेको अरेशो बत्ती नु शेंशो छेङछेङ बाक्‍नीस। ठीक पचा कली हुइक्‍तीके ब्रोंइचा गेब लां बाक्‍ब।

मीका 2:7

याकूब आ खिं ङा मुरपुकी, मोदेंशो देंचा दुम्‍बा? मार, परमप्रभु यावे आ फाल्‍तीक सक्ति नुम्‍मे ङा? मेकोमी मोदेंशो पाइबा ङा? परमप्रभु यावेमी रिम्‍शो पाइब आन कली रिम्‍शो लोव़ मपाइबा ङा? आमोस ६:३

सेफन्‍याह 3:2

मेकोमी सुइ आन देंशो मटीब। रिम्‍शो पचा कली हुइश्‍शो लोव़ मनेंब। मेकोमी परमप्रभु यावे कली थमा मसुइक्‍थु, आ परमप्रभु आ नेक्‍था मजाक्‍ब।

मत्ती 13:52

मिनु येसुमी “स्‍वर्ग ङा राज्‍य आ पर्बम शेंसीशो जोक्‍ब तुइक्‍ब दुम्‍शो मुर खिं ङा होव़प खोदेंशो बाक्‍ब। मेकोमी आ भकारी रे माइत नु नक थोव़क शोल्‍ने चाप्‍ब” देंत।

मत्ती 21:42

मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८

मत्ती 22:43

मिनु येसुमी “मो हना मारदे परमप्रभु यावे आ सोक्‍त रे पा दाऊदमी मेको कली प्रभु देंबा?

मत्ती 26:54

मोदें पुंइता हना, साइ नेसी ङा लोव़ दोपा थमा दुम्‍ने चाप्‍बा ङा?” दे माइक्‍तु।

मत्ती 26:56

परमप्रभु यावे आ लोव़ पाइब आन ब्रेक्‍शो लोव़ नेल्‍ल थमा दुम्‍चा माल्‍ब, मोपतीके आं कली ओदेंशो दुम्‍चा माल्‍ब” दे माइक्‍तीमी। मिनु आ शेंसीबपुकी येसु कली प्रोंइशा, साव सुव ब्राशा प्रोक्‍तेक्‍म।

मर्कूस 12:24

मिनु येसुमी “गे परमप्रभु यावे आ लोव़ मरुप्‍नीनी। परमप्रभु यावे आ सक्ति यो मतुइक्‍नीनी। मोपतीके दूली मिम्‍नीनी, ममाइ?

मर्कूस 12:36

दाऊदमी परमप्रभु यावे आ सोक्‍त रे पा ‘प्रभुमी आं प्रभु कली इ जोरी सत्रु आन कली इ खोइली आगाम मवोदुमी सम्‍म आं ग्‍युरा गे बाक्‍को’ देंत। भजन संग्रह ११०:१; २सामुएल २३:२

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

यूहन्‍ना 3:20

सुमी मरिम्‍शो गेय पाइबा, मेकोम छेङछेङ कली काइ मदाक्‍ब। आ गेय मतांइसेक्‍ल, दे छेङछेङमी मलाइब। एफिसी ५:१३

प्रेरित 1:16

मिनु पत्रुस मेको आन दातेमी राप्‍शा, मेको आन कली “आं लोक्‍बपुकी, नेनीने, येसु कली ग्‍याइक्‍ब आन कली लां कोंइब यहूदा आ पर्बम लोव़ का निक्‍शी पाइनुङ। साइ परमप्रभु यावे आ सोक्‍तीमी पिप दाऊद कली मार ब्रेक्‍पाइश्‍शो बाक्‍मे, मेको नेल्‍ल थमा दुम्‍चा माल्‍ब। मिनु मुल थमा दुम्‍त। भजन संग्रह ४१:१०

प्रेरित 18:25

प्रभु येसु आ पर्बम शेंसीशा जोक्‍शो बाक्‍माक्‍त। सक्ति पाइश्‍शो लोव़ पने चाप्‍ब बाक्‍माक्‍त। मिनु येसु आ लोव़ दोदेंशो बाक्‍मे, मोदेंशोन शेंबाक्‍माक्‍त। ब्‍वाक्‍कुम ख्रुम्‍शा ग्रुंइचा आ पर्बम चहिं यूहन्‍नामी दोदेंशो पशो बाक्‍मे, मेको ला तुइश्‍शो बाक्‍माक्‍त। प्रेरित १९:३

प्रेरित 20:20

मो पाम्‍तेक्‍म हना यो, गो इन खिं खिं हिरशा, इन कली ग्रुम्‍शा, का का पा शेंशा, इन कली रिम्‍शो दुम्‍ल, दे तुइक्‍पाइक्‍तन्‍नी। खिं खिं हिरशा ला ममाइ। गाउं सहरमी यो हिरशा, मुर आन बुक्‍तीकेमी जाक्‍दीश्‍शा, शेंना शेंन गाक्‍ती।

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

प्रेरित 28:25

थमा सुइक्‍ब नु थमा मसुइक्‍ब दुम्‍शा ब्रातेक्‍म। मिनु गाक्‍चामेनु, पावलमी थमा मसुइक्‍ब आन कली “परमप्रभु यावे आ सोक्‍तीम परमप्रभु यावे आ लोव़ पाइब यसैया इन किकी पिपी आन पर्बम ठीक लोव़ पशो बाक्‍त।

रोमी 15:4

ङोंइती ब्रेक्‍शो नेल्‍ल इं कली शेंचा कली ब्रेक्‍शो बाक्‍त। मेको लोव़ पढेशा, फाल्‍शा इं थुं बारपा, आस पा बाक्‍य। १कोरिन्‍थी १०:११

रोमी 2:20

हेंथे गाक्‍ब आन कली रिम्‍शो लां कोंइब नङ। मशेंसीशो आन कली शेंब नङ, गो अरेशो लोव़ जोक्‍ब तुइक्‍ब बाक्‍नुङ” दे मिम्‍नीनी।

रोमी 3:2

अरु आन क्‍येङा शुश तशो बाक्‍तेक्‍म। ङोंइती परमप्रभु यावेमी मेको आन कली आ लोव़ तुइक्‍पाइक्‍चा कली योव़तु। रोमी ९:४; ब्‍यवस्‍था ४:७-८; भजन संग्रह १४७:१९-२०

रोमी 4:23

मेको कली ठीक दुम्‍पाइक्‍तु, दे ब्रेक्‍शो लोव़ अब्राहाम कली ला ब्रेक्‍शो ममाइ।

१ कोरिन्‍थी 12:7

परमप्रभु यावे आ सोक्‍तीमी पपाइश्‍शो गेय नेल्‍ल आन कली रिम्‍शो दुम्‍ल, दे पपाइश्‍शो बाक्‍ब। १कोरिन्‍थी १४:२६

गलाती 3:8

अर्को रागी ङा मुरपुकी थमा सुइक्‍तीकेमी ठीक दुम्‍पाइक्‍चा पुंइसीनीम, दे परमप्रभु यावे आ लोव़म ब्रेक्‍शो बाक्‍ब। मारदे हना अब्राहाम कली “इ लां रे पा नेल्‍ल रागी ङा मुरपुकीमी आसीक ताइनीम” दे ब्रेक्‍शो बाक्‍ब। उत्‍पत्ती १२:३

ब्‍यवस्‍था 29:29

मिनु मारेइ मारेइ ख्रुइश्‍‍शो परमप्रभु यावे, इं परमप्रभु के बाक्‍ब। तन्‍न मेको अरेशो लोव़ नेल्‍ल टिचा नु मेको तुइक्‍तीके आंइ के नु आंइ तमी तौ के बाक्‍ब” देंत। ब्‍यवस्‍था ३२:३४

ब्‍यवस्‍था 4:36

मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०

२ तिमोथी 2:25

जिचा पोक्‍ब आन कली रिम्‍शो लोव़मी ठीक सेल्‍चा माल्‍ब। परमप्रभु यावेमी मेको आन कली आ गे लेप्‍पाइश्‍शा, थमा शेंतीके तुइक्‍पाइक्‍ब कों?

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

हिब्रू 11:1

थमा सुइक्‍चा चहिं मार बाक्‍ब देंशा हना, आस पशो थमा दुम्‍शो तांइसीब नु इं मिक्‍चीम मतशो थोव़की बाक्‍नीम, दे मिम्‍चा बाक्‍ब। मिनु बाक्‍नीमी यो। मेको मोदेंशो मिम्‍चा कली थमा सुइक्‍चा देंसीब। २कोरिन्‍थी ५:७

हिब्रू 3:7

परमप्रभु यावे आ सोक्‍तीमी मार देंत देंशा हना “मुलाक्‍ती आं लोव़ नेंतीनी हना, हिब्रू ४:७

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९