२ तिमोथी 3:13 - Sunuwar Bible

¹³ मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

२ तिमोथी 3:13 ပူးပေါင်းရင်းမြစ်များ

अय्‍युब 12:16

सक्ति नु तुइक्‍तीक परमप्रभु नु बाक्‍ब। दूली पाइ‍ब नु दूली पपाइक्‍ब, निम्‍फा आ केन बाक्‍नीस। १राजा १२:२८-३०; २राजा १९:१०-३७

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

इजीकीएल 8:13

मिनु लेंशा मेकोम आं कली “गे मेको क्‍येङा यो शुश ग्रांग्रा दिशो गेय पना पन बाक्‍शो ताइनेवे” देंत।

२ कोरिन्‍थी 6:8

आंइ नें चुइक्‍ताक्‍म हना यो, क्‍याम्‍ताक्‍म हना यो, आंइ कली मान पाम्‍तेक्‍म हना यो, ग्रांग्रा दिम्‍तेक्‍म हना यो, मेको आन पशो मारेइ मसुइक्‍नीकी। मुरपुकीमी आंइ पर्बम “जोल पा शेंशा, मुर आन थुं क्‍याल्‍शा हेंथे शेंनीम” देंतेक्‍म हना यो, गो थमा लोव़ शेंनीकी।

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८

२ तिमोथी 3:8

दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५

२ पत्रुस 3:3

नोले ङा नाक्‍त शुक्‍शी पाइबपुकी जाक्‍नीमी, दे तुइक्‍चा माल्‍नीनी। मेकोपुकीमी शुक्‍शी पा, आंम दला दाक्‍स पाइनीम। १तिमोथी ४:१; यहूदा:१८

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८