२ तिमोथी 3:10 - Sunuwar Bible

¹⁰ मिनु गे आं शेंतीके, आं गेय पतीके “मार पाइनुङ” दे आं मिम्‍तीके, आं थमा सुइक्‍तीके, आं फाल्‍तीके, आं दाक्‍तीके नु थमा सुइक्‍तीके मप्रोंइशो ताप्‍तीवी।

२ तिमोथी 3:10 ပူးပေါင်းရင်းမြစ်များ

दानीएल 1:8

मिनु दानीएलमी पिप आ गेशो जचा नु तूचा थोव़क जशा तूशा आंम कली ग्रांग्रा दिशो मसेल्‍सीनुङ, दे मिम्‍ता बाक्‍त। मोपतीके दानीएलमी पिप आ ठेयब गेय पाइब कली “आं कली मोदेंशो जचा तूचा गेशा, ग्रांग्रा दिशो दुम्‍चा मगेयीनी” दे पुंइतु। लेवी ११:-

लूका 1:3

गोमी ताइब तुइक्‍ब आन देंशो नेंशा, ब्रेक्‍ब आन ब्रेक्‍शो पढेशा “थमान बाक्‍माक्‍त” देंती। मिनु गो यो ब्रेक्‍तु देंशा, एको लोव़ का का पा इन कली ब्रेक्‍ताक्‍न्‍नी। प्रेरित १:१; कलस्‍सी ४:१४

प्रेरित 11:23

बारनाबास एन्‍टीओकम जाक्‍दीश्‍शा, परमप्रभु यावेमी शुश मुर आन कली शिशी पा आन थुं लेप्‍पाइश्‍शो तशा थाम्‍पा ग्‍येरसे बाक्‍त। मिनु मेको आन कली “मार दुम्‍त हना यो, प्रभु कली मप्रोंइचा, है” दे आन थमा सुइक्‍तीक थुं बारपाइक्‍मी बाक्‍त।

प्रेरित 2:42

मिनु नेल्‍ल काथा बाक्‍शा, सोइश्‍शोपुकीमी शेंशो लोव़ शेंसीशा, प्रभु भोज जशा, प्रार्थना पना पन बाक्‍बाक्‍मा बाक्‍त। प्रेरित २०:७

प्रेरित 20:18

मिनु मेकोपुकी जाक्‍मानु, पावलमी मेको आन कली “नेल्‍ल क्‍येङा ङोंइती इन एसीया रागी जाक्‍ङा रे मुल सम्‍म गेपुकी नु बाक्‍शा, गो मार शेंदन्‍नी दोपा लां कोंइदन्‍नी, दोपा गेपुकी नु बाक्‍ङा, मेको नेल्‍ल तुइक्‍नीनी। प्रेरित १८:१९; प्रेरित १९:१०

प्रेरित 26:4

गो आल रे यरूसलेममी बाक्‍शा, यहूदी नेल्‍लेमी आं कली तुइश्‍शो बाक्‍नीमी।

रोमी 16:17

आं लोक्‍बपुकी, एको नेल्‍ल क्‍येङा नोले ङा लोव़ पशा, अर्ती गेनन्‍नी। कोइ मुरुमी ख्रीस्‍त आ लोव़ नेंशा, दूली मिम्‍ताक्‍म। मेको मुरपुकीमी मुल सम्‍म दुशा गारशा बाक्‍शो थमा सुइक्‍ब लोक्‍ब इन कली फ्राचा माल्‍नीम। मेको आन क्‍येङा होस पा बाक्‍कीन। मत्ती ७:१५; २थिस्‍सलोनिकी ३:६; तीतस ३:१०

२ कोरिन्‍थी 1:17

मोदेंशो आस पा, मरिम्‍शो पङा ङा? मार, मोदेंशो मिम्‍शा, रागी ङा मुर खोदेंशो पङा ङा? मार मेको आन खोदेंशो काइले ना दुम्‍बा, काइले ना मदुम्‍बा देंन ङा?

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

फिलिप्‍पी 2:20

मारदे हना मेको खोदेंशो अरु मबाक्‍नीम। “गेपुकी दोपा बाक्‍नी माइ” दे थमा पा शुश मिम्‍शा, सुर्ता पाप्‍तु। १कोरिन्‍थी १६:१०

फिलिप्‍पी 2:22

गेपुकीमी तिमोथी कली तुइक्‍नीनी। दोपा तौमी आ आफ नु गेय पाइबा, मोपा मेको गो नु परमप्रभु यावे आ ग्‍येरपाइक्‍ब लोव़ शेंथ गाक्‍त।

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५

१ तिमोथी 1:3

गो मासीडोनीया रागी लङानु, गे एफिसस सहरम बाक्‍को। मेकेर मुर का निक्‍शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

२ तिमोथी 4:2

“परमप्रभु यावे आ लोव़ पावो। नेंचा दाक्‍ताक्‍म हना यो, मदाक्‍ताक्‍म हना यो, शेंदीमी। मरिम्‍शो पाइब आन कली लोव़ पावो। मुर आन कली ‘ठीक पचा’ दे शेंदो। आन थुं बारपतो। नेल्‍ल आन कली फाल्‍शा, रिम्‍शो शेंदो। प्रेरित २०:२०,३१

२ तिमोथी 4:3

मारदे हना इच्‍का नोले थमा शेंतीक नेंचा काइ मदाक्‍नीम। आंम दला दाक्‍स पा अर्को लोव़ कली नोफा दाइश्‍शा, आंम कली शेंबपुकी तेल्‍‍नीम। १तोमोथी ४:-

२ तिमोथी 4:7

गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४

तीतस 2:7

मिनु नेल्‍ल क्‍येङा ठेयब मार बाक्‍ब देंशा हना, गे रिम्‍शो गेय पशा, थमा सुइक्‍बपुकी दोदेंशो मुर बाक्‍नीमी, दे कोंइचा माल्‍नेवे। मिनु मुर आन कली शेंदीनु, हेंथे लोव़ मपथु, रिम्‍शो शेंतीक शेंचा माल्‍नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

२ पत्रुस 3:11

मोदेंशो दुम्‍मेनु, नेल्‍ल मीम ग्रोइश्‍शा, मारेइ मलीब। मोपतीके गेपुकी परमप्रभु यावे कली थमा सुइश्‍शा, आ देंशो लोव़ टिशा, पाप रे ङोन बाक्‍शा, परमप्रभु आ नेक्‍था बाक्‍चा माल्‍नीनी।