२ तिमोथी 2:9 - Sunuwar Bible

⁹ मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

२ तिमोथी 2:9 ပူးပေါင်းရင်းမြစ်များ

लूका 23:32

येसु कली लदमेनु, खुइ निक्‍शी आस कली यो साइक्‍थ लदमे बाक्‍त।

प्रेरित 21:33

मिनु लडाइ पाइब आन ठेयब मुरुम पावल कली ग्‍याइक्‍पाइश्‍शा, साङलो निक्‍शी लिक्‍तीने देंशा लिक्‍पाइश्‍शा आ ङोंइती राप्‍पदा बाक्‍त। मिनु “एको मुर ते ङा बाक्‍मे? मार पवा?” दे मुर आन कली हिल्‍लो पचा गोवा बाक्‍त। प्रेरित २०:२३

प्रेरित 28:31

शेंचा मदुम्‍ब, दे सुइमी मदेंबाक्‍मा बाक्‍त। मिनु ठेयब थुं पा परमप्रभु यावे आ राज्‍य नु प्रभु येसु ख्रीस्‍त आ पर्बम शेंना शेंन बाक्‍माक्‍त। एफिसी ६:२०

प्रेरित 9:16

आं नेंमी शुश श्‍येत जचा माल्‍नेवे देंशा गो मेको कली आंमान तुइक्‍पाइक्‍नुङ” दे प्रभुमी हनानीया कली माइश्‍शा सोइक्‍ता बाक्‍त। २कोरिन्‍थी ११:२१-२८

एफिसी 3:1

मिनु गो पावल अर्को रागी ङा मुर इन कली ख्रीस्‍त येसु आ लोव़ शेंतीके साङलोम पाइक्‍‍साक्‍यी। फिलिप्‍पी १:७,१३

फिलिप्‍पी 1:17

गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

कलस्‍सी 4:18

गो पावलमी इन कली “रिम्‍शो बाक्‍कीन” दे आंमा ब्रेक्‍ताक्‍ङ। गो ग्‍याइक्‍चा पुंइसीशो बाक्‍नुङ, दे मप्रेंदीन। परमप्रभु यावे आ शिशी गे नु लील। १कोरिन्‍थी १६:२१; गलाती ६:११; २थिस्‍सलोनिकी ३:१७

कलस्‍सी 4:3

गेपुकीमी आंइ कली यो मिम्‍शा प्रार्थना पने। परमप्रभु यावेमी आंइ कली ख्रीस्‍त आ ख्रुइश्‍शो लोव़ शुश मुर आन ङोंइती शेंने चाप्‍मेक्‍ल, दे पुनीन। मेको लोव़ शेंतीके गो ग्‍याइक्‍चा पुंइसाक्‍यी। रोमी १५:३०; एफिसी ६:१९; २थिस्‍सलोनिकी ३:१; १कोरिन्‍थी १६:९; कलस्‍सी १:२६-२७

१ थिस्‍सलोनिकी 1:8

ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८

२ थिस्‍सलोनिकी 3:1

मिनु आंइ लोक्‍बपुकी, आंइ कली मिम्‍शा, प्रार्थना पने। आंइ पर्बम परमप्रभु यावे कली मार पुंइचा देंशा हना, इन दातेमी खोदेंशो पा, प्रभु आ लोव़ तेइ तेइ साव सुव ब्रशा लल। एफिसी ६:१८-१९; कलस्‍सी ४:३; १थिस्‍सलोनिकी ५:२५

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

२ तिमोथी 1:16

प्रभुमी ओनेसीफरस आ खिं ङा मुर आन कली शिशी पवल। मारदे हना साङलोम पाइश्‍शो बाक्‍ङानु, ओनेसीफरस आं पर्बम मुने मपथु, आं कली शुश रिम्‍शो पाप्‍तु। २तिमोथी ४:१९

२ तिमोथी 1:8

इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६

२ तिमोथी 2:3

ख्रीस्‍त येसु आ रिम्‍शो सिपाही खोदेंशो दुम्‍शा, श्‍येत फलो। २तिमोथी १:८; २तिमोथी ४:५

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३

१ पत्रुस 2:12

थमा मसुइक्‍ब आन दातेमी रिम्‍शो पने। मेकोपुकीमी इन पर्बम “मरिम्‍शो पाइब बाक्‍नीम” दे मरिम्‍शो लोव़ पाम्‍तेक्‍म हना यो, इन रिम्‍शो पतीक तशा, परमप्रभु यावे नु ग्रुम्‍ची ना मेकोपुकीमी परमप्रभु यावे कली ठेयब सेल्‍मेक्‍ल। मत्ती ५:१६

१ पत्रुस 2:14

मिनु आ वोइश्‍शो ठेयब मुर आन कली यो टिचा माल्‍नीनी। मेकोपुकी मरिम्‍शो पाइब आन कली सजाइ गेचा नु रिम्‍शो पाइब आन कली “गे रिम्‍शो पाइतीनी” देंचा कली वोइश्‍शो बाक्‍नीम।

१ पत्रुस 3:16

इन थुं ङा मिम्‍तीक कली पाप रे ङोन वोतीन। इन कली शुक्‍शी पाइबपुकी ख्रीस्‍त आ नेंमी रिम्‍शो पशो तशा, मुने दोक्‍मल। १पत्रुस ४:६

१ पत्रुस 4:15

गेपुकी मुर कली साइक्‍ब, खुइ पाइब, ग्रांग्रा दिचा ङा गेय पाइब नु अरु आन कली ग्‍येत्‍थ लुक्‍च सेल्‍शा, सजाइ तपाइक्‍ब खोदेंशो मदुमीन।