२ तिमोथी 2:3 - Sunuwar Bible

³ ख्रीस्‍त येसु आ रिम्‍शो सिपाही खोदेंशो दुम्‍शा, श्‍येत फलो। २तिमोथी १:८; २तिमोथी ४:५

२ तिमोथी 2:3 ပူးပေါင်းရင်းမြစ်များ

प्रेरित 23:31

मिनु लडाइ पाइब आन ठेयब मुरुमी दोदेंशो देंमे, मोदेंशो पा कप्‍तान नु सिपाहीपुकीमी पावल कली लाइश्‍शा गाक्‍मा बाक्‍त। मिनु नाक्‍दो रे गाक्‍शा, एन्‍तीपात्रीसमी जाक्‍दीम्‍मा बाक्‍त।

१ कोरिन्‍थी 13:7

दाक्‍तीकेमी मारेइ मारेइ सुम्‍ब, मारेइ मारेइ थमा सुइक्‍ब, मारेइ मारेइ आस पाइब नु नेल्‍ल फाल्‍ने चाप्‍ब। हितोपदेस १०:११; मत्ती १८:२१-२२; रोमी १५:१

१ कोरिन्‍थी 9:7

लडाइ पाइब आन खिं ङा जशा बाक्‍नीमी ङा? अङगुर रू थीबपुकीमी श्‍येत पा ख्रुम्‍शा, अङगुर मीमेनु, ब्‍वचा मताइनीमी ङा? गोठलापुकीमी चिम्‍शो बी कली योव़शा कोव़शा, घांस लाप्‍शा, श्‍येत पा गेय पशा, दूध चिम्‍शा तूचा मताइनीमी ङा?

२ कोरिन्‍थी 1:6

आंइ श्‍येत जशोमी इन थुं नाइक्‍पाइक्‍ब। मिनु रिम्‍शो दुम्‍ब। गो आंइ थुं नाइक्‍पाइक्‍चा पुंइसीशोमी गे इन थुं नाइक्‍पाइक्‍चा पुंइसाक्‍नी। गे आंइ खोदेंशो दुम्‍शा, श्‍येत फाल्‍शा बाक्‍तीनी हना, गे आंइ खोदेंशो पा थुं नाइक्‍पाइक्‍चा पुंइसीनीनी। २कोरिन्‍थी ४:८-११,१५

१ तिमोथी 1:18

आं तौ तिमोथी, परमप्रभु यावेमी इ पर्बम पशो लोव़ तुइक्‍पाइक्‍ती। मेको लोव़ इ कली मिम्‍पाइक्‍नुङ। मेको लोव़ मिम्‍शा ग्राने चाप्‍नेवे। १तिमोथी ४:१४; १तिमोथी ६:१२; यहूदा ३

२ तिमोथी 1:1

गो परमप्रभु यावे आ दाक्‍शो ख्रीस्‍त येसु आ सोइश्‍शो पावल नङ। ङोंइती परमप्रभु यावेमी “ख्रीस्‍त येसुमी गेना हना यो ब्रोंइशा बाक्‍तीक बाक्‍ब” दे आ लोव़ खाप्‍शो बाक्‍त।

२ तिमोथी 1:8

इं प्रभु आ पर्बम लोव़ पचा मुने मपावो। गो प्रभु आ पर्बम जेल्‍खानम बाक्‍शो आं पर्बम यो मुने मपावो। तन्‍न ग्‍येरपाइक्‍ब लोव़ आ पर्बम परमप्रभु यावे आ सक्तिमी श्‍येत फलो। रोमी १:१६; पत्रुस ४:१६

२ तिमोथी 2:10

मोपतीके गो योव़शो मुर आन कली मिम्‍शा, श्‍येत नेल्‍ल फाल्‍नुङ। मोपा मेकोपुकीमी ख्रीस्‍त येसुमी पाप रे प्रोंइशो दुम्‍शा, गेना हना यो परमप्रभु यावे आ छेङछेङमी ब्रोंइशा बाक्‍चा तामेक्‍ल। कलस्‍सी १:२४

२ तिमोथी 2:9

मेको ग्‍येरपाइक्‍ब लोव़ शेंतीके, गो मरिम्‍शो पाइब खोदेंशो पा साङलोम पाइक्‍चा पुंइसीशा श्‍येत जाइनुङ। तन्‍न परमप्रभु यावे आ लोव़ दा मपांइसीशो बाक्‍ब। फिलिप्‍पी १:१२-१४

२ तिमोथी 3:11

आं कली खेदा पशो, आं श्‍येत जशो यो ताप्‍तीवी। एन्‍टीओक, आइकोनीयम नु लिस्‍त्रा सहरमी गो दोदेंशो श्‍येत जङा, दोपा खेदा पशो नेल्‍ल फलु, मेको नेल्‍ल ताप्‍तीवी। तन्‍न प्रभुमी मेको नेल्‍ल रे प्रोंइती। प्रेरित १३:१३-१४:२२; भजन संग्रह ३४:२०

२ तिमोथी 4:5

गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३

फिलेमोन 1:2

इं समी आप्पीया, पल्‍टन कामी बाक्‍शा गाक्‍शो खोदेंशो दुम्‍शो अरकीप्‍पस नु फिलेमोन आ खिंमी देल्‍ब थमा सुइक्‍ब नेल्‍ल इन कली ब्रेक्‍ताक्‍स्‍कु। कलस्‍सी ४:१७

हिब्रू 10:32

साइ इन थुंमी छेङछेङ दुम्‍शा, थमा सुइक्‍ब दुम्‍नीनु, मार दुम्‍मे, मेको मुल यो मिम्‍तीने। मार दुम्‍त देंशा हना, शुश श्‍येत जाइतीनी हना यो, फाल्‍शा बाक्‍तीनी। हिब्रू ६:४

हिब्रू 11:27

“मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।

हिब्रू 6:15

मिनु अब्राहाममी शुश बर्स सम्‍म रिम्‍शा बाक्‍शा, परमप्रभु यावे आ देंशो नेल्‍ल लोव़ गाप्‍शो ताप्‍तु।

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

न्‍यायाधीस 3:2

मोदेंशो मारेइ मतुइक्‍ब इस्राएली आन कली दोपा लडाइ पचा, दे शेंचा कली परमप्रभुमी अर्को जात ङा मुर आन कली वोइश्‍शो बाक्‍माक्‍त।