२ तिमोथी 2:24 - Sunuwar Bible

²⁴ प्रभु आ गेय पाइबमी जिचा मदुम्‍ब। नेल्‍ल आन कली रिम्‍शो पाइब दुम्‍चा माल्‍ब। रुप्‍पाइश्‍शा शेंबमी मुर आन मरिम्‍शो पतीके फाल्‍चा माल्‍ब। तीतस १:७-९

२ तिमोथी 2:24 ပူးပေါင်းရင်းမြစ်များ

२ इतिहास 24:6

मोपतीके पिपम ठेयब चढ़ेब येहो-यादा कली ब्रेश्‍शा “परमप्रभु यावे आ गेय पाइब मोसामी गोरशो रागीमी मुर आन कली ‘परमप्रभु यावेमी लोव़ पतीक ताम्‍बु कली क्‍येट गेचा माल्‍नीम’ देंशो बाक्‍ब। मारदे गे लेवीपुकी, यहूदा नु यरूसलेम ङा मुर रे पोक्‍चा माल्‍शो क्‍येट रीब पा मचाक्‍नीनी?” दे हिल्‍लो पवा बाक्‍त।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

दानीएल 6:20

मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७

मत्ती 12:19

मेकोमी जिचा मपोक्‍ब। शुश रेयके मपाइब। लां पित्‍थ आ सेंदा मनेंसीब।

यूहन्‍ना 6:52

मिनु यहूदीपुकीमी “एको मुरुमी आंइ कली दोपा आ रां ब्‍वचा गेने चाप्‍बा?” दे लोव़ पा जिम्‍तेक्‍म।

प्रेरित 15:2

मिनु पावल नु बारनाबासमी मोदें शेंशो नेंशा, मेको आन शेंशो लोव़ मबिस्‍सा बाक्‍त। मेकोपुकीमी ख्रोइक्‍तीक चिनु ख्रोइक्‍चा माल्‍ब देंमा बाक्‍त। पावल नु बारनाबासमी चहिं ख्रोइक्‍चा ममाल्‍ब, देंसा बाक्‍त। मिनु लोव़ निक्‍शी दुम्‍तीके थमा सुइक्‍ब आन थुं ग्‍याल्‍माक्‍त। मिनु पावल, बारनाबास नु का निक्‍शी आन कली योव़शा, यरूसलेममी बाक्‍ब सोइश्‍शोपुकी नु ग्रुम्‍तीके ङा शेंब खाल्‍पा आन कली हिल्‍ल‍ो पथ सोइक्‍तमे बाक्‍त। गलाती २:१

प्रेरित 23:9

मोपतीके आन जिचा बारना बारन लशा, शुश रेयके पामे बाक्‍त। मिनु फरिसी ङा शेंब का निक्‍शीमी बोक्‍शा “एको मुर के मारेइ दोस मबाक्‍ब, दे मिम्‍नीकी। मुर आ मिक्‍चीम मतांइसीब का नु लोव़ पवा कों? परमप्रभु यावे आ स्‍वर्ग ङा गेय पाइब नु लोव़ पवा कों? मोदेंशो यो दुम्‍ने चाप्‍ब” देंमा बाक्‍त। प्रेरित २५:२५

प्रेरित 7:26

मिनु आ दीसा मोसा लेंशा मेक जाक्‍दीम्‍मेनु, इस्राएली निक्‍शी आस कली जिशो तवा बाक्‍त। मिनु मेको आस कली ‘गे निक्‍शी, वोबु दुम्‍शा यो जिनीसी?’ देंमाक्‍त।

२ कोरिन्‍थी 10:1

गो, ख्रीस्‍त आ ब्रेम्‍शो नु रिम्‍शो पतीकेमी, इन कली शेंना शेंन बाक्‍नुङ। गो इन नेक्‍था बाक्‍शा, ब्रेम्‍शो लोव़ पाइनुङ। तन्‍न गो ङोन बाक्‍ती हना, हुइश्‍शा लोव़ पाइनुङ।

२ कोरिन्‍थी 10:4

आंइ लडाइ पतीक या रागी ङा खोदेंशो मबाक्‍नीम। तन्‍न मेको परमप्रभु यावे आ सक्ति पाइश्‍शो बाक्‍नीम। मेकोमी मारेइ मारेइ खतम सेल्‍ने चाप्‍नीम। एफिसी ६:१३-१७

२ कोरिन्‍थी 6:4

तन्‍न परमप्रभु यावे आ गेय पाइब दुम्‍शा, आंइ गेय नेल्‍ल रिम्‍शो पाइनीकी। गो शुश फाल्‍नीकी, खेदा पतीकेमी, श्‍येत जतीकेमी, हिंतीकेमी,

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

एफिसी 4:2

गेपुकी ब्रेम्‍शो दुम्‍शा, सुइ नु मचुरथु, रिम्‍शो पा बाक्‍कीन। मुर आन कली फाल्‍शा, मेकोपुकी नु रिम्‍शो पा दाक्‍मुने। कलस्‍सी ३:१२-१३

ब्‍यवस्‍था 34:5

मिनु परमप्रभु यावेमी आ देंशो खोदेंशो पा परमप्रभु यावे आ गेय पाइब मोसा मोआब रागीम बेक्‍त। ब्‍यवस्‍था ३२:५०

फिलिप्‍पी 2:14

गेपुकीमी सुंइच मपथु, दाल्‍‍गीर मपथु, गेय पने।

फिलिप्‍पी 2:3

गेपुकी ठेयब लेश्‍शा “गो ठेयब नङ” दे मिम्‍शा, काइ गेय मपने। ब्रेम्‍शो थुंमी “मेको मुर आं क्‍येङा ठेयब बाक्‍ब” दे मिम्‍तीन। गलाती ५:२६; रोमी १२:१०

कलस्‍सी 3:13

का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२

१ थिस्‍सलोनिकी 2:7

गोपुकी ख्रीस्‍त आ सोइश्‍शो दुम्‍शा, इन गुइ रे मार मार ताक्‍चा ठीक दुम वा। तन्‍न गो आल कली दूध तुंइब ममा खोदेंशो पा, इन कली कोव़तक।

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

तीतस 1:1

गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

तीतस 1:7

मोदेंशो थमा सुइक्‍ब आन कली कोव़ब परमप्रभु यावे आ खिं ङा गेय पाइब दुम्‍शा, दोस गेचा मपुंइसीब बाक्‍चा माल्‍ब। मिनु ठेयब लेश्‍शो, शुश गाइक्‍ब, राकसी शांबु तूशा दुक्‍ब, चुरशा गुइ प्रोंइब नु शिंम मुरुम मेको गेय पने मचाप्‍नीम। १कोरिन्‍थी ४:१; २तिमोथी २:२४

तीतस 1:9

मोदेंशो पाइब मुर परमप्रभु यावे आ लोव़ ङा शेंतीक तुइश्‍शा पचा माल्‍नीम। मोपा मेकोपुकीमी थमा सुइक्‍ब आन कली रिम्‍शो शेंशा, अरेने चाप्‍नीम। मिनु परमप्रभु यावे आ लोव़ दूली शेंब आन कली यो रिम्‍शो सेल्‍ने चाप्‍नीम।

तीतस 3:2

मिनु सुइ आन पर्बम काइ शुक्‍शी मपचा, जिचा मपोक्‍चा, मुर आन कली रिम्‍शो पा फाल्‍चा, ठेयब मलेत्‍थु, मुर आन कली वारच पचा माल्‍नीम। फिलिप्‍पी ४:५

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

याकूब 3:17

परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

याकूब 4:2

गेपुकी मारेइ मारेइ माल्‍नीनी, तन्‍न मताइनीनी। मोपतीके मुर आन थुं जिक्‍शा, साइक्‍नीनी। मिनु अरु आन के मार मार तशा वाल्‍नीनी, तन्‍न मताइनीनी। मोपतीके जीनीनी। गेपुकी परमप्रभु यावे कली मपुंइनीनी। मोपतीके मताइनीनी। गलाती ५:१५

यहोसु 1:1

परमप्रभु यावे आ गेय पाइब मोसा बेक्‍म नोले परमप्रभु यावेमी मोसा आ गेय पाइब नून आ तौ, यहोसु कली लोव़ पाप्‍तु।

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

यहूदा 1:3

आं दाक्‍शो लोक्‍बपुकी, गो इन कली इं पाप रे प्रोंइतीक आ पर्बम ब्रेक्‍चा दाक्‍ती। थमा सुइक्‍तीके आ पर्बम दोपा गेय पचा, दे इन कली शेंचा दाक्‍ताक्‍ङ। मेको थमा सुइक्‍तीक पाप रे ङोन बाक्‍ब आन कली ङोंइती रे शेंने थुम्‍शो बाक्‍त। १तिमोथी १:१८