२ तिमोथी 2:21 - Sunuwar Bible

²¹ सु आ मरिम्‍शो पशो शोव़शा माफ ताइबा, मेको रिम्‍शो गेय ङा बोस खोदेंशो दुम्‍ब। आ होव़प कली जिम्‍मा गेंसीशो नु मेको रिम्‍शो गेय पचा कली रिम्‍शो बाक्‍ब।

२ तिमोथी 2:21 ပူးပေါင်းရင်းမြစ်များ

भजन संग्रह 119:9

ठिटा वोंइश मुर दोपा हेंथे मपथु, आन लांम गाक्‍ने चाप्‍नीमी? मेको इन लोव़ टिशा ला मो पने चाप्‍नीम।

यसैया 1:25

गो इन पर्बम आं गुइ क्‍युक्‍नुङ। गो इन मरिम्‍शो पतीके पुलु खोदेंशो पा फिक्‍शा, इन ग्रांग्रा दिशो नेल्‍ले ग्रुंइनुङ। भजन संग्रह ११९:१९

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

येरमीया 15:19

मोपतीके परमप्रभु यावेम “गे थमा पा लेत्‍ते हना, गो इ कली लेंशा ब्राइनुङ। गे आं ङोंइती रपो। रिम्‍शो लोव़ ला पाप्‍तीवी हना नु फश लोव़ मपाप्‍तीवी हना, गे आं लोव़ पाइब दुम्‍नेवे। मिनु एको मुरपुकी इ गे लेत्‍नीम। तन्‍न गे मेको आन गे मलेतो।

मलाकी 3:3

मेको चांदी यपाइश्‍शा रिम्‍शो सेल्‍ब खोदेंशो पा निसाफ पाइब बाक्‍ब। लेवी आ चच युइ आन कली सुन चांदी खोदेंशो पा यपाइश्‍शा रिम्‍शो सेल्‍ब। नोले मेकोपुकीमी परमप्रभु यावे कली ठीक पा चढ़ेनीम। जकरिया १३:९

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

१ कोरिन्‍थी 5:7

मेको माइत बोरपाइक्‍ब ओख्‍ती ताइक्‍तीने। गे मारेइ मसुप्‍शो फस खोदेंशो दुम्‍शा, नक दुम्‍शो बाक्‍नीनी। मारदे हना आंइ पास्‍सा चाड ङा क्‍योरशो पाठा ख्रीस्‍त बाक्‍ब। प्रस्‍थान १२:३-२०; प्रस्‍थान १३:७; यसैया ५३:७; १पत्रुस १:१९

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

२ कोरिन्‍थी 9:8

परमप्रभु यावेमी इन कली माल्‍शो क्‍येङा शुश गेने चाप्‍ब। मिनु मारेइ मारेइम गाप्‍शा, मारेइ वारच पचा ङा गेय बाक्‍त हना यो, गे पने चाप्‍नीनी।

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

२ तिमोथी 2:16

जाम्‍शा लाइब लोव़ पाइब रे ङोन बाक्‍को। मारदे हना मेकोपुकीमी मुर आन कली परमप्रभु यावे रे ङोन दुम्‍पाइक्‍नीम। १तिमोथी ४:७

२ तिमोथी 2:20

ठेयब खिंमी सुन नु चांदी के बोसपुकी ला ममाइ, तन्‍न शी नु खप के यो बाक्‍नीम। का निक्‍शी रिम्‍शो गेय कली बाक्‍नीम, का निक्‍शी मरिम्‍शो गेय कली बाक्‍नीम।

२ तिमोथी 3:17

परमप्रभु यावेमी आ मुरपुकीमी नेल्‍ल गेय रिम्‍शो पामेक्‍ल दे एको लोव़ तुइक्‍पाइश्‍शो बाक्‍त। १तिमोथी ६:११

२ तिमोथी 4:11

लूका ला गो नु बाक्‍ब। मर्कूस कली गे पिश्‍शा पिवो। मारदे हना मेको आं कली वारच पाइब बाक्‍ब। प्रेरित १५:३७; कलस्‍सी ४:१०

तीतस 3:1

मिनु गेमी हुकुम पाइब नु सरकार ङा अधिकार पाइश्‍शो मुर आन कली टिचा, दे थमा सुइक्‍ब आन कली मिम्‍पतो। थमा सुइक्‍बपुकी टीब मुर दुम्‍चा माल्‍नीम। मिनु मार मार रिम्‍शो गेय बाक्‍मे, मेको पचा माल्‍नीम। रोमी १३:१; १पत्रुस २:१३

तीतस 3:14

मिनु इं मुरपुकीमी यो रिम्‍शो गेय पचा कली शेंसीचा माल्‍नीमी। मोपा शुश श्‍येत जाइब आन कली वारच पशा, फल सिप्‍ब रवा खोदेंशो दुम्‍नीम। तीतस २:१४; मत्ती ७:१९

तीतस 3:8

एको लोव़ थमा बाक्‍ब। मिनु एको लोव़ शुश शेंदो। मोदेंशो पा शेंताक्‍वी हना, परमप्रभु यावे कली थमा सुइक्‍ब दुम्‍शो मुरपुकी रिम्‍शो गेय पचा कली होस पा बाक्‍नीम। आं देंशो शेंतीके मुर आन कली रिम्‍शो नु गारचा ङा बाक्‍ब।

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।