२ तिमोथी 2:15 - Sunuwar Bible

¹⁵ गे परमप्रभु यावे आ ङोंइती रिम्‍शो गेय पाइब दुम्‍चा कली बल पावो। थमा शेंतीके रिम्‍शो पा शेंचा कली काइ मुने पचा ममाल्‍नेवे। १तिमोथी ४:६; तीतस २:७-८

२ तिमोथी 2:15 ပူးပေါင်းရင်းမြစ်များ

मत्ती 13:52

मिनु येसुमी “स्‍वर्ग ङा राज्‍य आ पर्बम शेंसीशो जोक्‍ब तुइक्‍ब दुम्‍शो मुर खिं ङा होव़प खोदेंशो बाक्‍ब। मेकोमी आ भकारी रे माइत नु नक थोव़क शोल्‍ने चाप्‍ब” देंत।

मर्कूस 4:33

मुरपुकीमी रुप्‍ने चाप्‍मेक्‍ल, दे शुश कथा सेल्‍शा, परमप्रभु यावे आ लोव़ शेंना शेंन बाक्‍माक्‍त।

लूका 12:42

प्रभुमी “होव़पमी आ खिं कोव़ब कली जची जाक्‍मेनु जचा गेचा, दे अरेशा वोइक्‍चा पुंइसीब। मेको खोदेंशो निप्‍स पाइश्‍शो थमा सुइक्‍चा पुंइसीशो गेय पाइब सु बाक्‍बा?

प्रेरित 2:22

मोपतीके इस्राएल ङा लोक्‍बपुकी, आं लोव़ नेनीने। परमप्रभुमी नासरथ ङा येसु कली योव़शा, सक्ति पाइश्‍शो गेय, चिन्‍ड नु छक लाक्‍चा ङा गेय इन दातेमी कोंइपाइक्‍तु। मेको गे यो तशो तुइश्‍शो बाक्‍नीनी।

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

रोमी 14:18

गे मोपा ख्रीस्‍त आ गेय पाइतीनी हना, परमप्रभु यावे आ दाक्‍शो नु मुर आन ङोंइती मान ततीक दुम्‍ब।

रोमी 16:10

ख्रीस्‍त कली रिम्‍शो पा थमा सुइक्‍ब अपेल्‍लेस कली “रिम्‍शो बाक्‍को” दे माइक्‍चा। अरीस्‍तोबलस आ खिं ङा मुर नेल्‍ल आन कली यो “रिम्‍शो बाक्‍कीन” दे माइक्‍चा।

रोमी 6:13

इन गुइ खोइली, मिक्‍च, शोव़, रां नेल्‍ल कली मरिम्‍शो मपपतीन। तन्‍न बेक्‍शो रे सेंसीशो मुर खोदेंशो पा, परमप्रभु यावे कली जिम्‍मा गेंसीशा, आ रिम्‍शो गेय पने। रोमी १२:१

१ कोरिन्‍थी 2:6

मो हना यो गो जोक्‍तीक तुइक्‍तीक लोव़ रुप्‍ब आन कली लोव़ पाइनीकी। तन्‍न रागी ङा नु सासन पाइब आन जोक्‍तीक तुइक्‍तीक ङा लोव़ चहिं ममाइ। मारदे हना मेको बेक्‍शा लाइनीम।

२ कोरिन्‍थी 10:18

सुमी आंम कली शेंब सेल्‍बा, मेको कली मब्राइनीम। तन्‍न प्रभुमी शेंब सेल्‍शो कली ब्राइनीम। १कोरिन्‍थी ४:५

२ कोरिन्‍थी 3:6

मेकोमी आंइ कली जोक्‍ब तुइक्‍ब सेल्‍शा, आ नक कबल ङा लोव़ शेंथ सोइक्‍ताक्‍की। ब्रेक्‍शा ममाइ, तन्‍न आ सोक्‍तीमी गेप्‍तु। ब्रेक्‍शोमी साइक्‍ब, तन्‍न आ सोक्‍तीमी ब्रोंइचा गेब। येरमीया ३१:३१; १कोरिन्‍थी ११:२५; रोमी ७:६; यूहन्‍ना ६:६३

२ कोरिन्‍थी 4:2

गोपुकीमी मुने दोक्‍तीक ख्रुइश्‍शा पतीक गेय प्रोंइशो बाक्‍नीक। मरिम्‍शो पा परमप्रभु यावे आ लोव़ फाइक्‍चा रे ङोन बाक्‍नीकी। तन्‍न परमप्रभु यावे आ लोव़ तुइक्‍पाइक्‍तीकेमी मुर नेल्‍ल नु परमप्रभु यावे आ ङोंइती ब्रचा ङा बाक्‍नीकी। २कोरिन्‍थी २:१७; १थिस्‍सलोनिकी २:५

२ कोरिन्‍थी 5:9

मोपतीके गो रांम बाक्‍शा हना यो, मबाक्‍शा हना यो, प्रभु कली ग्‍येरपाइक्‍चा दाक्‍नीकी।

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

एफिसी 1:13

मिनु गेपुकीमी यो “येसु ख्रीस्‍तमी पाप रे प्रोंइब” देंशो थमा ग्‍येरपाइक्‍ब लोव़ नेंतीनी। ख्रीस्‍त कली थमा सुइक्‍तीनी। मिनु परमप्रभु यावेमी ङोंइती देंशो खोदेंशो पा आ सोक्‍तीमी छाप थोक्‍सीशो बाक्‍तीनी। एफिसी ४:३०

१ थिस्‍सलोनिकी 2:4

परमप्रभु यावेमी आंइ कली ग्‍येरपाइक्‍ब लोव़ शेंचा, दे शेंब सेल्‍तीकी। मोपतीके गोपुकी मुर आन दाक्‍शो लोव़ मशेंथु, परमप्रभु यावे आ दाक्‍शो लोव़ शेंशा गाक्‍तक। मेकोमी आंइ थुं कली नाक्‍शा कोव़ब। गलाती १:१०

१ थिस्‍सलोनिकी 5:14

आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५

१ तिमोथी 4:6

गे एको लोव़ थमा सुइक्‍ब लोक्‍ब आन कली शेंताक्‍वी हना, ख्रीस्‍त येसु आ रिम्‍शो गेय पाइब दुम्‍नेवे। गे थमा सुइक्‍तीक ङा लोव़ नु रिम्‍शो शेंतीके तुइक्‍ना तुइक्‍न आ नोले खोइक्‍नेवे। २तिमोथी २:१५

हिब्रू 4:11

मोपतीके सुइमी परमप्रभु यावे आ लोव़ मटिथु जाम्‍शा मलमल। गो नेल्‍ले नाइक्‍चा ततीकेमी ओव़चा माल्‍य। हिब्रू ३:१६-१९

याकूब 1:12

सु इन दातेमी आ थमा सुइक्‍तीके ठीक बाक्‍म कों, मबाक्‍म देय थुं थाम्‍चा पुंइसीशा फाल्‍ने चाप्‍बा, मेको मुर ग्‍येरसेक्‍ल। मेको थुं थाम्‍तीके ठीक दुम्‍त हना, मेको मुरुमी ब्रोंइतीक सिरपेच ताइब। परमप्रभु यावेमी “सुम आं कली दाक्‍बा, मेकोमी ब्रोंइतीक सिरपेच ताइब” दे लोव़ पशो बाक्‍ब। २तिमोथी ४:८

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

२ पत्रुस 1:10

मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।

२ पत्रुस 1:15

मिनु आं लचा नोले गे नेल्‍ल नाक्‍ती आं शेंशो मिम्‍ने चाप्‍नीनी, दे शुश गेय पना पन बाक्‍नुङ।

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८