२ थिस्‍सलोनिकी 3:4 - Sunuwar Bible

⁴ गोपुकीमी इन कली मार देंका, मेको पना पन बाक्‍शा, नोले यो पाइनीनी। प्रभुमी इन कली वारच पाइब, दे तुइक्‍नीकी। २कोरिन्‍थी ७:१६; गलाती ५:१०

२ थिस्‍सलोनिकी 3:4 ပူးပေါင်းရင်းမြစ်များ

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

रोमी 15:14

आं लोक्‍बपुकी, गे इन दातेमी दाक्‍मुशा, रिम्‍शो पा जोक्‍ब तुइक्‍ब दुम्‍शा नु शेंमुने चाप्‍ब दुम्‍शो बाक्‍नीनी, दे तुइक्‍ताक्‍ङ।

रोमी 15:18

ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

१ कोरिन्‍थी 14:37

इन दातेमी परमप्रभु यावे आ लोव़ पाइब नु आ सोक्‍तीम ब्रीशो मिम्‍ब मुरुमी आं ब्रेक्‍शो लोव़ प्रभु आ देंशो लोव़ बाक्‍ब दे तुइक्‍तमेक्‍ल १यूहन्‍ना ४:६

१ कोरिन्‍थी 7:19

मारदे हना ख्रोइक्‍तीक चिनु ख्रोइश्‍शो नु मख्रोइश्‍शो आन पर्बम मारेइ ममिम्‍सीब। तन्‍न परमप्रभु यावे आ अरेशो टिचा, ठेयब बाक्‍ब। गलाती ५:६; गलाती ६:१५

२ कोरिन्‍थी 2:3

गो ङोंइती मार मिम्‍शा ब्रेक्‍ताक्‍ङ देंशा हना, गो जाक्‍ङानु, सु मुरपुकीमी आं कली ग्‍येरपाइक्‍चा माल्‍नीमी, मेको रे पा आं थुं मखाइक्‍ल, दे ब्रेक्‍ताक्‍ङ। मारदे हना गो ग्‍येरसीङानु, गे नेल्‍ल ग्‍येरसीनीनी, दे थमा सुइक्‍नुङ।

२ कोरिन्‍थी 2:9

गे टीनीनी देय मटीनीनी, दे गो इन कली ङोंइती ङा चिठी सोइश्‍शो नङ।

२ कोरिन्‍थी 8:22

मोपतीके मेको निक्‍शी नु आंइ लोक्‍ब का यो सोइक्‍नीकी। ङोंइती खेयप निक्‍शी सां सोइक्‍तकानु, मेको लोक्‍बमी रिम्‍शो गेय पा कोंइताक्‍व। मोपतीके मुल यो रिम्‍शो पाइब, दे तुइक्‍ताक्‍क। मेकोमी इन कली यो रिम्‍शो मिम्‍‍ब।

गलाती 5:10

गे आं शेंशो लोव़ थमा सुइक्‍चा मप्रोंइनीनी, दे प्रभु रे तुइक्‍ताक्‍ङ। सु सुमी इन कली दूली लोव़ शेंशा, इन थुं क्‍याल्‍पाइश्‍शा हिरदमे, मेको आन कली परमप्रभु यावेमी सजाइ गेब, दे यो तुइक्‍ताक्‍ङ। गलाती १:७

फिलिप्‍पी 1:6

इन आगामी रिम्‍शो गेय गोइबमी येसु ख्रीस्‍त आ जाक्‍ची ना सम्‍म थुम्‍ब, दे तुइक्‍नुङ। फिलिप्‍पी २:१३; १कोरिन्‍थी १:८

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।

२ थिस्‍सलोनिकी 3:12

गोपुकीमी मोदेंशो मुर आन कली प्रभु येसु ख्रीस्‍त आ नेंमी “रिम्‍शो गेय पने। आंम आंम जचा थोव़क जशा बाक्‍कीन” दे अरेनीकी। १थिस्‍सलोनिकी ४:११

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

फिलेमोन 1:21

गे आं लोव़ नेंशा टिशा, आं देंशो क्‍येङा यो शुश रिम्‍शो पाइनेवे, दे तुइश्‍शा, एको लोव़ ब्रेक्‍ताक्‍न।