२ थिस्‍सलोनिकी 3:15 - Sunuwar Bible

¹⁵ मोदेंशो पशा यो, मेको मुर कली जोरी सत्रु खोदेंशो पा ममिम्‍तीन। थमा सुइक्‍ब लोक्‍ब कली खोदेंशो अर्ती गेने। १थिस्‍सलोनिकी ५:१४

२ थिस्‍सलोनिकी 3:15 ပူးပေါင်းရင်းမြစ်များ

भजन संग्रह 141:5

ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६

हितोपदेस 25:12

जोक्‍ब तुइक्‍ब मुर आ हुइक्‍तीक लोव़ नेंब मुर कली सुन के औंठी नु गहना खोदेंशो बाक्‍ब।

हितोपदेस 9:9

जोक्‍ब तुइक्‍ब आन कली अर्ती गेशोनु, ङोंइती क्‍येङा जोक्‍ब तुइक्‍ब दुम्‍नीम। ठीक पाइब आन कली शेंशोनु, मेको क्‍येङा ठीक पचा शेंसीनीम।

मत्ती 18:15

इ लोक्‍बमी इ कली मरिम्‍शो पाप्‍तु हना, गे निक्‍शी बाक्‍सीनु, एको ओदेंशो मरिम्‍शो पाप्‍तीवी, दे तुइक्‍पतो। इ लोव़ बीसाक्‍व हना, मेको कली आम के सेल्‍नेवे। लेवी १९:१७; लूका १७:३; गलाती ६:१

१ कोरिन्‍थी 4:14

गो इन कली मुने तोक्‍चा कली एको मब्रेक्‍तु। गे आं दाक्‍शो तमी तौ इन कली रिम्‍शो अरेचा कली एको ब्रेक्‍ताक्‍ङ।

१ कोरिन्‍थी 5:5

मेको मुर कली सैतान आ गुइम गेचा माल्‍नीनी। मेको आ रां खतम दुम्‍त हना यो, प्रभु आ निसाफ नाक्‍तीमी ब्रोंइचा तवल। १तिमोथी १:२०

२ कोरिन्‍थी 10:8

गो आंइ अधिकार आ पर्बम बोरती हना यो, मुने मदोक्‍नुङ। मारदे हना मेको इन कली खतम सेल्‍चा कली ममाइ। तन्‍न इन कली रिम्‍शो सेल्‍चा कली प्रभुम गेती। २कोरिन्‍थी १३:१०; १कोरिन्‍थी ५:४-५

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

गलाती 6:1

आं लोक्‍बपुकी, सुमी आ थुंमी मिम्‍शा, दला दाक्‍स पा प्रभु आ देंशो मटिथु मरिम्‍शो दुम्‍मे, गे मेको कली परमप्रभु यावे आ सोक्‍तीमी ब्रीशो थुं पाइश्‍शोपुकीमी, ठेयब मलेत्‍थु, रिम्‍शो लोव़ पा, आ थुं परमप्रभु यावे गे लेप्‍पतीने। मो पनीनु, थुं थाम्‍चा मपुंइसेक्‍ल, दे होस पा बाक्‍कीन। मत्ती १८:१५; याकूब ५:१९

१ थिस्‍सलोनिकी 5:14

आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५

२ थिस्‍सलोनिकी 3:13

आंइ लोक्‍बपुकी, रिम्‍शो गेय पचा कली गेनायो मदने। गलाती ६:९

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७

तीतस 3:10

गे मोदेंशो दूली शेंब आन कली खेयप निक्‍शी सम्‍म लोव़ पावो। मेकोम मटिप्‍तु हना, मेको रे ङोन बाक्‍को। २यूहन्‍ना १०; मत्ती १८:१५-१७