२ थिस्‍सलोनिकी 3:10 - Sunuwar Bible

¹⁰ गोपुकीमी “सुमी गेय मपाइबा, मेकोमी जचा मतवल” दे ङोंइती रे गेपुकी नु बाक्‍शा देंतक।

२ थिस्‍सलोनिकी 3:10 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 20:4

ग्‍यू दुम्‍तीके अल्‍सेमी ब्‍यफ मवाक्‍ब। मिनु अन्‍न रिक्‍ची ना मारेइ यो मताइ‍ब। हितोपदेस ६:६-११;

हितोपदेस 21:25

अल्‍से गेय मपतीके बेक्‍नीम। मारदे हना अल्‍से आन गुइम गेय पने मबिप्‍ब। हितोपदेस १३:४

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 16:4

मिनु गो मेको नेल्‍ल इन कली शेंताक्‍न्‍नी। आं देंशो दुम्‍मेनु, गो इन कली ङोंइती देंशो मिम्‍तीन। ङोंइती गो एको लोव़ इन कली मनेंपाइक्‍न्‍नी। मारदे हना गेपुकी नु काथा बाक्‍ती।

प्रेरित 20:18

मिनु मेकोपुकी जाक्‍मानु, पावलमी मेको आन कली “नेल्‍ल क्‍येङा ङोंइती इन एसीया रागी जाक्‍ङा रे मुल सम्‍म गेपुकी नु बाक्‍शा, गो मार शेंदन्‍नी दोपा लां कोंइदन्‍नी, दोपा गेपुकी नु बाक्‍ङा, मेको नेल्‍ल तुइक्‍नीनी। प्रेरित १८:१९; प्रेरित १९:१०

१ थिस्‍सलोनिकी 3:4

ङोंइती रे गो नु बाक्‍नीनु “श्‍येत जचा माल्‍नय” दे शेंताक्‍क। मुल आंइ शेंशो दुम्‍त। मेको यो तुइक्‍नीनी।

१ थिस्‍सलोनिकी 4:11

गेपुकी दुशा बाक्‍कीन। आंम खिं ङा गेय ला मिम्‍तीने। आंमान गेय पना पन बाक्‍कीन। मेको इन कली अरेतीक लोव़ पाइतक। १थिस्‍सलोनिकी २:९; एफिसी ४:२८; २थिस्‍सलोनिकी ३:८,१२

२ थिस्‍सलोनिकी 2:5

गेपुकी नु बाक्‍ङानु, इन कली मोदेंशो लोव़ पाता। गेपुकी आं शेंशो ममिम्‍नीनी?