२ थिस्‍सलोनिकी 2:9 - Sunuwar Bible

⁹ मेको नेल्‍ल क्‍येङा मरिम्‍शो पाइबम चहिं सैतान आ सक्ति तशा, चिन्‍ड नु छक लाक्‍चा ङा गेय पखु पाइब। मत्ती २४:२४; प्रकाश १३:११-१४

२ थिस्‍सलोनिकी 2:9 ပူးပေါင်းရင်းမြစ်များ

२ इतिहास 18:20

नोले सोक्‍त का परमप्रभु यावे आ ङोंइती जाक्‍शा ‘गो मेको कली जोल पाइनुड’ देंत। अय्‍युब १:६

प्रस्‍थान 7:22

इजीप्‍त रागी ङा ठेयब टुना मुना पाइबपुकीमी यो आन मन्‍तरमी आस पशो खोदेंशो पाम्‍तेक्‍म। फाराओ आ थुं चहिं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारून आस देंशो मटिवो। परमप्रभु यावेमी ङोंइती दोदेंशो देंमे, मोदेंशो दुम्‍‍त। प्रस्‍थान ७:११

प्रस्‍थान 8:18

इजीप्‍त रागी ङा जादू टुना मुना पाइबपुकीम यो हारून खोदेंशो पा भुस्‍ना ग्रूपाइक्‍चा माल्‍तेक्‍म। तन्‍न मचबेम। मुर नु बस्‍तु भाव आन तारी भुस्‍ना शुश जुक्‍ताक्‍म। प्रस्‍थान ७:११

प्रस्‍थान 8:7

इजीप्‍त रागी ङा जादू टुना मुना पाइबपुकीमी यो आन मन्‍तरमी हारून खोदेंशो पा क्रुक्‍क्रु ग्रूपाइक्‍तेक्‍म। प्रस्‍थान ७:११

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

इजीकीएल 14:5

मिनु मेको मूर्तिम पतीके इस्राएल आ खिं ङा मुरपुकीम आं कली प्रोंइतेक्‍म। मो हना यो आन थुं फाइश्‍शा, आं गे लेत्‍ने चाप्‍नुङा, कों?’

मत्ती 12:22

मिनु मिक्‍च मताइब, नोफा मनेंब, मब्‍वाक्‍ब वोलम तशो मुर का चाक्‍तेक्‍म। मिनु येसुमी मेको कली सापाइक्‍तु। मिनु मिक्‍च ताप्‍तु, लोव़ यो पाप्‍तु।

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

मर्कूस 13:22

शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय पा कोंइनीम। मेकोपुकीमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम।

लूका 11:25

मिनु लेश्‍शा जाक्‍मेनु, आ ङोंइती बाक्‍तीके फिक्‍शा सिल्‍शा वोइश्‍शो ताइब। मिनु आ क्‍येङा ग्रांग्रा दिचा ङा ७ ओटा वोल आन कली माल्‍थ लशा चाक्‍ब। मिनु ओव़शा बाक्‍नीम।

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

यूहन्‍ना 8:41

गेपुकीमी चहिं इन आफ आ पशो गेय खोदेंशो पाइनीनी” दे माइक्‍तीमी। मेकोपुकीमी “गोपुकी मुर आन तौ मनकी। गोपुकी आंइ के आफ का बाक्‍ब। मेको चहिं परमप्रभु यावे बाक्‍ब” देंतेक्‍म।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

प्रेरित 13:10

“गे सैतान आ तौ नवे। रिम्‍शो मदाक्‍थु, मरिम्‍शो ला दाक्‍नेवे। प्रभुमी सेल्‍शो रिम्‍शो लां कली मरिम्‍शो सेल्‍चा थुं पवी? मरिम्‍शो थुं पाइश्‍शो बाक्‍ते। मोपतीके प्रभुमी इ कली मुल सजाइ गेब।

२ कोरिन्‍थी 11:14

मोपा गाक्‍तेक्‍म हना यो, मेको आन मोदेंशो पशो छक लाक्‍चा ङा ममाइ। मारदे हना सैतान यो परमप्रभु यावे आ स्‍वर्ग ङा गेय पाइब खोदेंब दुम्‍खु पा गेय पा गाक्‍ब।

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

२ तिमोथी 3:8

दोपा यन्‍नस नु याम्‍ब्रेस माइश्‍शो मुर निक्‍शीमी मोसा कली “इ गेय ठीक मबाक्‍ब” देंसा, मोपा मेको मुरपुकीमी यो थमा शेंतीके कली “ठीक मबाक्‍ब” देंनीम। आन थुं मूर्ख गेयम ब्रीशो दुम्‍शा, थमा सुइक्‍तीके प्रोंइशो बाक्‍नीम। प्रस्‍थान ७:११,२२

याकूब 3:15

ओदेंशो मिम्‍तीके परमप्रभु आ गेशो रुप्‍तीक थुं मबाक्‍ब। तन्‍न मुर आन थुं रे नु सैतान रे जाक्‍ब। याकूब १:५

प्रकाश 12:17

मिनु मेको ठेयब बुस्‍सुमी मीश मुर प्रोक्‍शो तशा, गाइश्‍शा, मेको मीश मुर आ चच युइ नु राम्‍शी पथ लत। आ चच युइ चहिं सु नम देंशा हना, परमप्रभु यावे आ शेंशो लोव़ टीब नु येसु कली थमा सुइश्‍शा, आ लोव़ पाइब नम।

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०

प्रकाश 9:11

मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।