२ थिस्‍सलोनिकी 2:17 - Sunuwar Bible

¹⁷ इन थुं बारपाइश्‍शा, इन कली रिम्‍शो गेय नु रिम्‍शो लोव़ पचा गेम्‍सेक्‍ल।

२ थिस्‍सलोनिकी 2:17 ပူးပေါင်းရင်းမြစ်များ

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

यसैया 51:3

परमप्रभु यावेमी सियोन आ थुं बारपाइक्‍ब। आ खतम सेल्‍शो बाक्‍तीके नेल्‍ल नक सेल्‍ब। आ मुर मबाक्‍तीके कली एदेन खोदेंशो सेल्‍ब। आ गोरशो रागी कली परमप्रभु यावे आ रू खोदेंशो सेल्‍ब। मेकेर शुश ग्‍येरनीम। “गे रिम्‍शो पाइब बाक्‍नीनी” दे कुम्‍सो पशो नेंसीब। उत्‍पत्ती २:८

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 62:7

परमप्रभु यावेम यरूसलेम कली बोल्‍यो नु ठेयब मसेला सम्‍म मेको कली यो नाइक्‍चा मगेन। मिनु रागी नेल्‍ल ङा मुर आन ङोंइती तुइक्‍पाइक्‍चा कली मेको पने।

यसैया 66:13

दोपा आल आ ममामी आल आ थुं बारपाइक्‍बा, मोपा गो इन कली इन थुं बारपाइक्‍नन्‍नी। गे यरूसलेम सहरमी इन थुं बारपाइक्‍चा पुंइसीनीनी। बजन संग्रह १३१:२

रोमी 1:11

मारदे हना इन थमा सुइक्‍तीक थुं बारपा बोल्‍यो सेलु, दे इन कली ग्रुम ग्रुम दाक्‍ती। रोमी १५:२९

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 16:25

परमप्रभु यावेमी इन कली आ ग्‍येरपाइक्‍तीक लोव़ नु येसु ख्रीस्‍त आ पर्बम शेंतीक नेंशा, बोल्‍यो पा थमा सुइक्‍ब सेल्‍ने चाप्‍ब, दे तुइक्‍ताक्‍ङ। मोपा साइ ङा ख्रुइश्‍शो लोव़ नेल्‍ल तुइक्‍पाइश्‍शो बाक्‍ब। १कोरिन्‍थी २:७; एफिसी १:९; एफिसी ३:४-९

१ कोरिन्‍थी 1:8

इं प्रभु येसु ख्रीस्‍त जाक्‍म नाक्‍ती आ ङोंइती ठीक दुम्‍शा, इन कली सक्ति पाइश्‍शो गेय पना पन थिप्‍ब, दे तुइक्‍ताक्‍ङ। मारदे हना इन कली नेल्‍ल क्‍येङा नोले सम्‍म थमा सुइक्‍चा मप्रोंइथु रिम्‍शा बाक्‍तीक सक्ति गेब। फिलिप्‍पी १:६; १थिस्‍सलोनिकी ३:१३

२ कोरिन्‍थी 1:21

परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७

कलस्‍सी 2:7

खप आगामी शाक्‍‍श थोक्‍शो रवा खोदेंशो पा, ख्रीस्‍त आगा ङा बोल्‍यो मुर दुम्‍शा बाक्‍कीन। दोपा शेंसीनी, मोपा बोल्‍यो पा थमा सुइश्‍शा, परमप्रभु यावे कली “गे रिम्‍शो पाइतीनी” दे शुश देंना देंन बाक्‍कीन। एफिसी ३:१७

१ थिस्‍सलोनिकी 3:13

मोपा प्रभु येसु आ मुर नु जाक्‍ची ना इन थमा सुइक्‍तीक थुं बारपाइश्‍शा, दोस गेचा मपुंइसीब, इं आफ परमप्रभु यावे आ ङोंइती रिम्‍शो सेलल। १कोरिन्‍थी १:८; फिलिप्‍पी १:१०

१ थिस्‍सलोनिकी 3:2

गो निक्‍शीमी आंस लोक्‍ब, गो नु परमप्रभु यावे आ गेय पाइब, ख्रीस्‍त आ ग्‍येरपाइक्‍ब लोव़ शेंब, तिमोथी कली इन थमा सुइक्‍तीक बारपाइक्‍चा नु इन कली अरेचा कली सोइक्‍ताक्‍स्‍कु। प्रेरित १६:१-३

२ थिस्‍सलोनिकी 2:16

इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

२ थिस्‍सलोनिकी 3:3

प्रभुमी चहिं इन कली दाक्‍शा मप्रोंइब। इन थुं बारपाइक्‍ब। मरिम्‍शो रे ङोन वोइश्‍शा, इन कली कोव़ब। १थिस्‍सलोनिकी ५:२४; यूहन्‍ना १५:१७

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६

यहूदा 1:24

येसु ख्रीस्‍तमी इन कली पाप मपाइब सेल्‍ने चाप्‍ब। इन कली दोस मताइब सेल्‍शा, ग्‍येरसीशा, परमप्रभु यावे आ छेङछेङ आ ङोंइती राप्‍पाइक्‍ने चाप्‍ब। १थिस्‍सलोनिकी ५:२३