२ थिस्‍सलोनिकी 2:16 - Sunuwar Bible

¹⁶ इं प्रभु येसु ख्रीस्‍त नु इं आफ परमप्रभु यावे आस शिशीमी इं कली दाक्‍शा, गेना हना यो थुं बारपाइश्‍शा, रिम्‍शो आस गेम्‍ताक्‍स।

२ थिस्‍सलोनिकी 2:16 ပူးပေါင်းရင်းမြစ်များ

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 51:11

परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०

यसैया 61:7

मारदे हना गे अरु क्‍येङा निक्‍शी खेयप मुने दोक्‍तीनी। मिनु इन कली ग्रांग्रा दित्‍ताक्‍म। मोपतीके गे इन रागीमी निक्‍शी खेयप रू ताइनीनी। मिनु गेना हना यो ग्‍येरसीतीके गे नु बाक्‍ब।

लूका 16:25

तन्‍न अब्राहाममी ‘ङोंइती थम रिम्‍शो पा बाक्‍ते। लाजरस चहिं शुश श्‍येत जशा बाक्‍त। मुल चहिं लाजरस आ थुं नाइक्‍चा ताप्‍तु, गे चहिं श्‍येत जशा बाक्‍नेवे। लूका ६:२४

यूहन्‍ना 13:1

येसुमी पास्‍सा चाड ङोंइती “मुल रागी रे आं आफ आ बाक्‍तीक लची नाक्‍त जाक्‍त” दे तुइक्‍ताक्‍व। मिनु येसुमी नेल्‍ल क्‍येङा नोले ङा नाक्‍त सम्‍म रागीमी बाक्‍शो आ मुर आन कली दाक्‍शो बाक्‍त। यूहन्‍ना ७:३०; यूहन्‍ना १७:१

यूहन्‍ना 15:13

सु आ वारच आ पर्बम साइक्‍चा पुंइसीबा, मेको नेल्‍ल क्‍येङा ठेयब दाक्‍ब वारच बाक्‍ब। यूहन्‍ना १०:११; १यूहन्‍ना ३:१६

यूहन्‍ना 15:9

आं आफोमी आं कली दाक्‍ब। मिनु आं आफोमी आं कली दाक्‍शो खोदेंब पा, गो इन कली दाक्‍ताक्‍न्‍नी। गेपुकी यो ‘गो इन कली दाक्‍नुङ’ दे तुइश्‍शा बाक्‍कीन।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

प्रेरित 15:11

मारदे हना प्रभु येसुमी इं कली शिशी पतीके पाप रे ब्रोंइचा ताइतय, दे थमा सुइक्‍तय। मेकोपुकीमी इं खोदेंशो पा प्रभु आ शिशी तशा थमा सुइक्‍ब दुम्‍तेक्‍म” दे पत्रुसमी माइक्‍मी बाक्‍त। मिनु नेल्‍ल ब्‍वालेइ पामे बाक्‍त। गलाती २:१६; एफिसी ४:२-१०

प्रेरित 18:27

मिनु काबु आपोल्‍लोसमी “आकाया रागीमी हिरशा, शेंथ लाइनुङ” देंमेनु, थमा सुइक्‍ब लोक्‍बपुकीमी “दुम्‍ब” देंमा बाक्‍त। मिनु आकाया रागीमी बाक्‍ब थमा सुइक्‍ब आन कली चिठी ब्रेक्‍शा “आपोल्‍लोस इन बाक्‍तीके जाक्‍मेनु, मान पा ब्रने, आ लोव़ नेनीने” दे ब्रेक्‍शा सोइक्‍तमे बाक्‍त। मिनु मेकेर जाक्‍दीश्‍शा, थमा सुइक्‍ब आन कली ग्रुम्‍शा, आन थुं बारपाइक्‍मी बाक्‍त।

रोमी 1:7

गे योव़चा पुंइसीशा, परमप्रभु यावे आ दाक्‍शो रोम सहरम बाक्‍बपुकी इन कली एको लोव़ ब्रेक्‍ताक्‍ङ। इं आफ परमप्रभु यावे नु प्रभु येसु ख्रीस्‍तम इन कली शिशी पा इन थुं नाइश्‍शा बाक्‍चा गेम्‍सेक्‍ल। १कोरिन्‍थी १:२; २कोरिन्‍थी १:१-२; एफिसी १:१; गन्‍ती ६:२४-२६

रोमी 4:16

थमा सुइक्‍तेक्‍म हना, शिशी ताइनीम। अरेशो टीबपुकीम यो शिशी ताइनीम। सु सुमी अब्राहामम खोदेंशो पा, परमप्रभु यावे कली थमा सुदमे, मेको आ थोक्‍शो लोव़ ङा मुर नु अब्राहाम आ आल दुम्‍नीम।

रोमी 4:4

गेय पाइबपुकीमी गेय पशो ङा गाल्‍च ताइनीम। तन्‍न शिशी पा गेशो ममाइ। रोमी ११:६

रोमी 5:8

तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।

एफिसी 5:25

गे वोंइश मुरपुकी, आंम मीश कली दाक्‍तीने। दोपा ख्रीस्‍तमी थमा सुइक्‍ब आन कली दाक्‍शा, मेको आन कली पाप रे प्रोंइचा, दे आंम रां जिम्‍मा गेवा, मोपा वोंइश मुरुमी आंम मीश कली दाक्‍चा माल्‍नीमी।

कलस्‍सी 1:23

गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

१ थिस्‍सलोनिकी 3:11

इं आफ परमप्रभु यावे नु इं प्रभु येसुमी आंइ कली गेपुकी नु ग्रुम्‍चा गेम्‍सेक्‍ल।

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

तीतस 2:13

मोदेंशो दुम्‍शा, मान ताइब परमप्रभु यावे नु इं कली पाप रे प्रोंइब येसु ख्रीस्‍त आ छेङछेङ ग्रूब, दे गो आस पशा रिम्‍नय। १कोरिन्‍थी १:७; फिलिप्‍पी ३:२०; १थिस्‍सलोनिकी १:१०

हिब्रू 7:19

मिनु मेको आ पा ङा नेल्‍ल क्‍येङा रिम्‍शो नक आस वोइश्‍शो बाक्‍त। मेको आस रे पा परमप्रभु यावे आ नेक्‍था जाक्‍दीन्‍ने चाप्‍नय।

१ यूहन्‍ना 3:16

मिनु लोक्‍ब आन कली दाक्‍चा, दोपा तुंइ‍सीब देंशा हना, येसु ख्रीस्‍त इं कली दाक्‍शा, साइक्‍चा पुंइसाक्‍व। मिनु गोपुकीमी यो लोक्‍ब आन कली दाक्‍चा माल्‍नय। थमा सुइक्‍ब लोक्‍ब आन कली मबेक्या सम्‍म वारच पचा माल्‍नय। यूहन्‍ना १५:१३

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४