२ थिस्‍सलोनिकी 2:10 - Sunuwar Bible

¹⁰ जाम्‍शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्‍तेम। मिनु पाप रे ब्रोंइतीक ताक्‍चा मदाक्‍तेम।

२ थिस्‍सलोनिकी 2:10 ပူးပေါင်းရင်းမြစ်များ

हितोपदेस 1:7

परमप्रभु यावे कली मान पा हिंचा तुइक्‍तीक दुम्‍चा कली गोतीक बाक्‍ब। मूर्खपुकीमी तुइक्‍‍तीके नु अर्ती मदाक्‍नीम। हितोपदेस ८:१३; हितोपदेस ९:१०; अय्‍युब २८:२८; भजन संग्रह १११:१०

हितोपदेस 8:17

सुमी आ कली दाक्‍नीमी, गो यो मेको आन कली दाक्‍नुङ। सुम आं कली शुश माल्‍नीमी, मेकोमी आं कली थित्‍नीम।

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

यूहन्‍ना 3:17

परमप्रभु यावेमी रागी ङा मुर आन कली निसाफ पा नरकमी वोइक्‍चा, दे आ तौ मसोइक्‍त। तन्‍न रागी ङा मुर आन कली नरक रे प्रोंइचा कली सोइक्‍ताक्‍व। लूका १९:१०

यूहन्‍ना 5:34

आं पर्बम शेंशो चहिं मुरुमी शेंतीक ममाइ। पाप पशो आ पर्बम सजाइ रे ब्रोनीन, दे इन कली देंनुङ।

रोमी 10:1

आं लोक्‍बपुकी, गो थमा मसुइक्‍ब इस्राएली आन पर्बम परमप्रभु यावे कली “थमा सुइक्‍पतीन” दे पुंइना पुंइन बाक्‍नुङ।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

रोमी 6:17

इन पर्बम परमप्रभु यावे कली “मेको आन कली रिम्‍शो पाइतीनी” दे ठेयब सेल्‍नुङ। मारदे हना ङोंइती गेपुकी पाप आ वाइल बाक्‍तीनी। मुल चहिं इन थुं रे पा परमप्रभु यावे आ शेंशो दाक्‍शा टीतीनी।

१ कोरिन्‍थी 1:18

“ख्रीस्‍त पाप क्‍याम्‍चा कली साइक्‍चा पुंइसाक्‍व” देंशो लोव़ नेंशा, नरक लाइबपुकीमी “मूर्ख लोव़ बाक्‍ब” देंनीम। गो पाप रे ब्रोंइशोपुकीमी चहिं “एको लोव़म परमप्रभु यावे आ सक्ति बाक्‍ब” दे तुइक्‍नय। २कोरिन्‍थी ४:३; रोमी १:१६

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

२ कोरिन्‍थी 11:13

मेकोपुकी परमप्रभु यावे आ सोइश्‍शो मनम। ख्रुइश्‍शा जोल पा गेय पाइनीम। ख्रीस्‍त आ सोइश्‍शो दुम्‍खु पा शेंथ गाक्‍नीम। २कोरिन्‍थी २:१७

२ कोरिन्‍थी 11:15

मेकोपुकी रिम्‍शो गेय पाइब खोदेंशो दुम्‍खु पा गाक्‍नीम। मेको आन जोल नोले ग्रूब। मिनु आन गेय यो मलीब।

२ कोरिन्‍थी 2:15

मारदे हना गो पाप रे ब्रोंइशा बाक्‍ब नु जाम्‍शा लाइब आन दातेमी गो परमप्रभु यावे आ ङोंइती ख्रीस्‍त आ ब्रोव़शो नाम्‍सीशो बाक्‍नीकी। १कोरिन्‍थी १:१८

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

२ थिस्‍सलोनिकी 2:12

दूली शेंतीक थमा सुइक्‍बपुकी जाम्‍शा लाइनीम। मारदे हना थमा लोव़ थमा मसुइक्‍थु, मदुम्‍शो गेय दाक्‍ताक्‍मे।

२ थिस्‍सलोनिकी 2:13

प्रभु आ दाक्‍शो लोक्‍बपुकी, गोपुकीमी गेना हना यो इन कली मिम्‍शा, परमप्रभु यावे कली “गे रिम्‍शो पाइब बाक्‍नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्‍नीम, दे योव़तु। दोपा आ मुर दुम्‍नीनी देंशा हना, परमप्रभु यावे आ सोक्‍तीमी इन कली पाप रे ङोन वोइश्‍शा, थमा शेंतीके थमा सुइक्‍पाइक्‍तु। रोमी ८:३०

१ तिमोथी 2:4

परमप्रभु यावेमी नेल्‍ल मुर आन कली मरिम्‍शो गेय रे प्रोंइश्‍शा, थमा लोव़ तुइक्‍पाइक्‍चा दाक्‍ब। इजीकीएल १८:२३; रोमी ११:३२; २पत्रुस ३:९

हिब्रू 3:13

पापम इं थुं क्‍याल्‍शा मटीब मदुम्‍यल, दे मुलाक्‍त रेन नाक्‍त किंत किंत अर्ती गेमुने। १थिस्‍सलोनिकी ५:११

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।

२ पत्रुस 2:18

मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्‍ब दुम्‍शो मुर आन कली आन हेंथे पतीके ग्रांग्रा दिचा ङा गेय पपाइक्‍नीम।