२ थिस्‍सलोनिकी 1:8 - Sunuwar Bible

⁸ मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

२ थिस्‍सलोनिकी 1:8 ပူးပေါင်းရင်းမြစ်များ

उत्पत्ती 3:24

परमप्रभुमी मेको आस कली खेरसी बाक्‍त। मेको आस कली खेरशा, एदेन रू ङा पूर्बमी आ स्‍वर्ग ङा करूब माइश्‍शो गेय पाइब वोदा बाक्‍त। मेकेर मी ब्रशो एर ओंथ हिरब तरवार का यो वोदा बाक्‍त। मेको ब्रोंइपाइक्‍ब रवा आ फल ब्‍वचा मताम्‍सेक्‍ल, दे कोव़ब वोदा बाक्‍त।

२ सामुएल 23:7

सुम मेको कली ताइक्‍चा दाक्‍बा, मेकोमी फलाम नु कोक्‍के लाइश्‍शा गुप्‍नीम। मेको मीम हुम्‍शा, रीब पा दाक्‍चा पुंइसीनीम” देंत।

भजन संग्रह 18:44

आं अरेशो नेन्‍मेनु, मेकोपुकीम टिम्‍तेक्‍म। अर्को रागी ङा मुरपुकी आं ङोंइती बाप्‍तेक्‍म।

भजन संग्रह 79:6

इन कली मतुइक्‍ब रागी रागी ङा मुर नु इन नें मथीब राज्‍य आन तार इन गाइक्‍चा मोतीन। येरमीया १०:२५

भजन संग्रह 9:10

परमप्रभु यावे, इन नें तुइक्‍बपुकीमी इन कली थमा सुइक्‍नीम। मारदे हना गे इन कली माल्‍ब आन कली मप्रोंइनीनी।

भजन संग्रह 94:1

परमप्रभुमी क्‍येक्‍क लेप्‍ब। परमप्रभु यावे, परमप्रभु, इन छेङछेङ कोंइदीन। ब्‍यवस्‍था ३२:३५

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

यसैया 1:19

आं लोव़ नेंशा टीतीनी हना, एको रागी ङा ब्रोव़ब्रोव़शो थोव़क जचा ताइनीनी। लेवी २५:१८-१९

यसैया 1:28

तन्‍न परमप्रभु यावे आ देंशो लोव़ मटीब, मेको कली प्रोंइबपुकी कालेमीन खतम दुम्‍नीम। परमप्रभु यावे कली प्रोंइबपुकी क्‍याम्‍चा पुंइसीनीम।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 61:2

मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४

येरमीया 10:25

इन कली मतुइक्‍ब रागी रागी ङा मुर नु इन नें थिचा मदाक्‍ब जात जात ङा मुर आन तार इन गाइक्‍तीक मोतीन। मारदे हना मेकोपुकीमी याकूब कली नेक्‍शा दाक्‍शा पशो बाक्‍नीम। मेकोपुकीमी मेको कली थमा पा दाक्‍शो बाक्‍नीम। मिनु मेको आ बाक्‍तीक मुर मबाक्‍तीके सेल्‍शो बाक्‍नीम।

येरमीया 9:6

मेकेर दिम्‍मुतीके नु जोल पमुतीके ला बाक्‍ब। मेकोपुकीमी आं कली तुइक्चा मदाक्‍नीम” दे परमप्रभुमी यावे, मुर नेल्‍ल आन परमप्रभुमी देंत।

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

यूहन्‍ना 3:19

मिनु निसाफ दोदेंशो बाक्‍ब देंशा हना, छेङछेङ माइश्‍शो रागीम जाक्‍त। मुरपुकीमी छेङछेङ क्‍येङा छिङछिङ कली शुश दाक्‍ताक्‍म। मारदे हना आन पशो गेय मरिम्‍शो बाक्‍त। यूहन्‍ना १:५,९-११

यूहन्‍ना 8:19

मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७

प्रेरित 6:7

मिनु परमप्रभु यावे आ लोव़ तेइ तेइ बारना बारन ल‍माक्‍त। यरूसलेममी शुश मुर येसु ख्रीस्‍त कली थमा सुइक्‍ब दुम्‍शा, तेम्‍सीन सीन बारना बारन लमा बाक्‍त। चढ़ेब शुश यो थमा सुइक्‍ब दुम्‍मा बाक्‍त। प्रेरित २:४७; प्रेरित १९:२०

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 1:5

मिनु येसु ख्रीस्‍तमी नेल्‍ल अर्को रागी ङा मुर आन कली आ लोव़ तुइक्‍पाइक्‍चा कली शिशी पा योव़ती। मुरपुकीमी येसु ख्रीस्‍त आ लोव़ टीमेक्‍ल देंशा, शेंथ सोइक्‍ताक्‍यी। रोमी १५:१८; प्रेरित २६:१६-१८; गलाती २,७,९

रोमी 10:16

मेको आन लोव़ नेंशा कोइमी थमा मसुदेम। मेको आन पर्बम यसैयामी “हे प्रभु, आंइ शेंशो लोव़ सुम थमा सुदा ङा?” दे ब्रेक्‍शो बाक्‍त। यसैया ५३:१; यूहन्‍ना १७:२०

रोमी 15:18

ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५

रोमी 16:26

परमप्रभु यावे आ लोव़ पाइबपुकीम मेको ख्रुइश्‍शो लोव़ ब्रेक्‍शो बाक्‍तेक्‍म। मेको गेना हना यो बाक्‍ब परमप्रभु यावे आ दाक्शो बाक्‍ब। मेको लोव़ रागी रागी ङा मुर आन कली तुइक्‍पाइश्‍शा थमा सुइक्‍ब सेल्‍चा कली बाक्‍त।

रोमी 6:16

तेको होव़प आ वाइली दुम्‍या, मेको होव़प कली टिचा माल्‍नय, दे मतुइक्‍नीनी? “पाप पना पन बाक्‍य” देंतीनी हना, पाप आ वाइली दुम्‍शा, बेक्‍नीनी। “परमप्रभु यावे आ देंशो टिय” देंतीनी हना, परमप्रभु यावे आ वाइली दुम्‍शा, ठीक पाइब दुम्‍नीनी। यूहन्‍ना ८:३४

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

२ कोरिन्‍थी 10:5

परमप्रभु यावे कली थमा सुइक्‍ब आन कली तेक्‍बमी पशो लोव़, ठेयब लेश्‍शा थमा मसुइक्‍तीक लोव़ खतम सेल्‍तक। मिनु ख्रीस्‍त आ लोव़ टीब दुम्‍पाइक्‍चा कली मटीब मिम्‍तीक नेल्‍ल ग्‍याइश्‍शा लाइक्‍ब खोदेंशो बाक्‍नीकी।

गलाती 3:1

ए गलातीपुकी, गे मरुप्‍ब मुर दुम्‍नी बाक्‍त। सुमी मोपा इन थुं हिरदा? येसु ख्रीस्‍त कली शीम केप्‍शा कांटी थोक्‍शा क्‍याइश्‍शा साइक्‍तेक्‍म, दे इन मिक्‍चीमी तशो खोदेंब पा नेंपाइक्‍तान्‍नी। मुल मेको लोव़ प्रेंदीनी?

गलाती 4:8

ङोंइती गे परमप्रभु यावे कली मतुइक्‍थु, देवी देवता आन कली सेउ पा, मेको आन वाइलीम वाइल दुम्‍‍तीनी।

ब्‍यवस्‍था 32:35

सजाइ नु क्‍येक्‍क लेत्‍तीक आं के बाक्‍ब। मिनु ग्रेक्‍शा थित्‍तीक नाक्‍त नु आन बेक्‍तीक नाक्‍त जाक्‍चा चिक्‍शो बाक्‍ब। मेको आन खतम दुम्‍तीक नाक्‍त जाक्‍चा चिक्‍शो बाक्‍ब। भजन संग्रह ९४:१; रोमी १२:१९; हिब्रू १०:३०

ब्‍यवस्‍था 4:11

मिनु गे आ नेक्‍था जाक्‍शा, डांडा आ पुंम राप्‍तीनी। मेको डांडाम सरीङ सम्‍म मी ब्रत। मिनु छिङछिङ, ठेयब गोस्‍स नु नाक्‍दो खोदेंशो बाक्‍त।

ब्‍यवस्‍था 4:30

आं देंशो लोव़ मोदेंशो पा दुम्‍शा, श्‍येत जनीनु, गे नोले ङा नाक्‍तीम परमप्रभु यावे, इन परमप्रभु गे लेत्‍नीनी। आं देंशो लोव़ टीनीनी। ब्‍यवस्‍था ३०:२

ब्‍यवस्‍था 5:5

मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।

१ थिस्‍सलोनिकी 4:5

अर्को रागी ङा परमप्रभु यावे कली मतुइक्‍ब मुरपुकीमी खोदेंशो पा ग्रांग्रा दिचा ङा गेयमी मबाक्‍कीन।

हिब्रू 10:27

नक लां मखोइक्‍ब आन कली मारेइ आस मलीब। परमप्रभु यावे कली मटीबपुकी मीम खतम सेल्‍चा पुंइसीनीम। नक लां मखोइक्‍बपुकी यो मोपा खतम दुम्‍नीम।

हिब्रू 10:30

मोदेंशो पाइब आन कली सजाइ गेब कली तुइश्‍शो बाक्‍नय। आं चहिं लोव़ कामी “क्‍येक्‍क लेत्‍तीक गेय आं के बाक्‍ब। मिनु गो पाइनुङ” देंब। मिनु लेंशा “परमप्रभुमी आ मुर आन कली निसाफ पाइब” देंब। ब्‍यवस्‍था ३२:३५-३६

हिब्रू 11:8

अब्राहाममी यो परमप्रभु यावे आ लोव़ थमा सुइक्‍बाक्‍माक्‍त। यावेमी “इ कली नोले गेनुङ देंशो रागी कोंइनन। मोपतीके एकेर रे लावो” देंमेनु, अब्राहाममी परमप्रभु यावे आ देंशो टिशा, ते लचा मतुइक्‍थु, यो मलेत्‍चा ङा पा मेको रागी प्रोंइशा गाक्‍माक्‍त। उत्‍पत्ती १२:- २१:-

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९

१ पत्रुस 3:6

सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। उत्‍पत्ती १८:१२

१ पत्रुस 4:17

निसाफ पची ना दुम्‍चशो बाक्‍त। परमप्रभु यावे आ खिं ङा मुर ङोंइती निसाफ पचा पुंइसीनीम। मिनु गो ङोंइती ङा बाक्‍तय हना, ग्‍येरपाइक्‍ब लोव़ थमा मसुइक्‍ब आन कली दोदेंब दुम्‍बा? येरमीया २५:२९; इजीकीएल ९:६

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।

यहूदा 1:7

सोदोम, गोमोररा नु आस एर ओंथ बाक्‍शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्‍तेक्‍म। परमप्रभुमी मेको आन कली कोंइतीक दुम्‍पाइक्‍चा कली गेना हना यो ब्रशो मीमी सजाइ गेशो बाक्‍त। उत्‍पत्ती १९:१,४-११

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।

१ सामुएल 2:12

एली आ तौ निम्‍फा हिंचा ङा मरिम्‍शो पाइब बाक्‍सा बाक्‍त। मेको निक्‍शी परमप्रभु यावे कली मान पा महिंब बाक्‍सा बाक्‍त।