२ सामुएल 9:7 - Sunuwar Bible

⁷ मिनु दाऊदम मेको कली “महिंनो, गो इ कली इ आफ योनाथन आ पर्बम शिशी पाइक्‍नुङ। गो इ कली इ बाजे सावल आ रू नेल्‍ल लेश्‍शा गेन‍न। मिनु गे गेना हना यो गो नु बाक्‍शा जाइ‍नेवे” देंमाक्‍त।

२ सामुएल 9:7 ပူးပေါင်းရင်းမြစ်များ

उत्पत्ती 43:18

मेकोपुकी चहिं हिंमा बाक्‍त, मारदे हना योसेफ आ खिं आगा ओंइदीमी बाक्‍त। मिनु मेकोपुकीमी “मारदे हना इं ङोंइती ङा क्‍येट इं धोक्रोम थित्‍तय। मिनु इं कली वाइल सेल्‍चा नु इं गधा रोइक्‍चा कली इं कली एके ओंइताक्‍मे” देंमुमा बाक्‍त। उत्‍पत्ती ४२:२८

उत्पत्ती 43:23

मिनु मेकोमी “इन थुं नाइक्‍तीने, महिनीने। इन परमप्रभु, इन आफ आ परमप्रभुमी इन क्‍येट इन धोक्रोम कुर पवा माइ। गो इन क्‍येट ताक्‍ता” देंमाक्‍त। मिनु मेकोमी सिमियोन कली चाक्‍गा बाक्‍त। उत्‍पत्ती ४२:२४

२ सामुएल 12:8

गो इ कली इ होव़प आ खिं नु आ मीशपुकी गे‍तन। गो इस्राएल नु यहूदा ङा मुर इ कली गेतन। मोशोम मगाप्‍ते हना यो, गो अरु शुश गेन वा।

२ सामुएल 19:28

आं आफ आ खिं ङा मुर नेल्‍ल इन गुइमी बेक्‍चा ङा नकी। तन्‍न गो इन गेय पाइ‍ब आं कली इन नु जचा बाक्‍चा गेतीनी। मेको क्‍येङा लाक्‍शा, गो मार शिशी ताइक्‍नुङा ङा?” देंमाक्‍त। २सामुएल ९:७

२ सामुएल 19:29

मिनु पिपमी “मुल दुम्‍त। सीबा नु गे रू योक्‍सीस, देंती” देंमाक्‍त। २सामुएल ९:९-१०; २सामुएल १६:३-४

२ सामुएल 19:33

पिपमी बारजील्‍लाइ कली “गो नुन खोला शोक्‍शा लय। गो इन कली यरूसलेममी कोव़शा थुल्‍शा वोइक्‍नुङ” देंमाक्‍त।

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

२ सामुएल 9:1

मिनु दाऊदमी “मार, सावल आ खिं ङा मुर सुइ ब्रोंइशो बाक्‍नीमी? मेको आन कली गो योनाथन आ पर्बम शिशी पाइक्‍ने चाप्‍नुङा?” दे हिल्‍लो पवा बाक्‍त।

२ सामुएल 9:10

गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।

२ सामुएल 9:11

मिनु सीबाम पिप कली “आं प्रभु पिप, गो इन गेय पाइबमी इन देंशो खोदेंशो पा नेल्‍ल पाइक्‍नुङ” देंमाक्‍त। मेफी-बोशेथ पिप आ तौ का खोदेंशो पा पिप दाऊद आ खिंम बाक्‍शा, जवा बाक्‍त।

२ सामुएल 9:13

तन्‍न मेफी-बोशेथ यरूसलेमम बाक्‍माक्‍त। मारदे हना मेकोमी गेना हना यो पिप नु जवा बाक्‍त। मेको आ खोइल निम्‍फा मदुक्‍ब बाक्‍माक्‍त। २सामुएल ९:३

२ सामुएल 9:3

मिनु पिपमी “सावल आ खिं ङा सुइ ब्रोंइशा लीशो बाक्‍नीमी? गो मेको कली परमप्रभु आ दाक्‍तीक कोंइचा दाक्‍नुङ?” देंमाक्‍त। मिनु सीबाम पिप कली “योनाथन आ तौ का ब्रोंइशा लीशो बाक्‍ब। मेको आ खोइल निम्‍फा मदुक्‍ब बाक्‍ब” देंमाक्‍त।

१ राजा 2:7

गिलाद ङा बारजील्‍लाइ आ तौ आन कली चहिं मप्रोंइथु रिम्‍शो पावो। मेको गे नु काथा जाइब आन दातेमी बाक्‍‍म‍ल। गो इ लोक्‍ब अब्‍सालोम क्‍येङा प्रोक्‍शा गाक्‍ङानु, मेकोपुकीम रिम्‍शो पाम्‍‍तेक्‍म। २सामुएल १७:२७; २सामुएल १९:३२-४१; २सामुएल १५:-

२ राजा 25:29

मोपा येहो-याकीनमी आ चोक्‍सीशो वा प्रुदा बाक्‍त। मिनु आ लीशो नाक्‍त नेल्‍ल पिप नु बाक्‍शा जवा बाक्‍त।

भजन संग्रह 41:9

गो आं नेक्‍था ङा वारच, आं शोब्‍ले जाइबमी यो, आं कली ताइक्‍चा कली आ खोइल क्‍युक्‍तु।

येरमीया 52:33

मोपा येहो-याकीनमी आ जेल्‍खानम फेक्‍तीक वा प्रुइश्‍शा, आ लीशो नाक्‍ती नेल्‍ल पिप नु जशा बाक्‍शा पाप्‍‍तु।

जकरिया 7:9

मिनु मुर नेल्‍ल आन परमप्रभु यावेमी मार लोव़ पाप्‍तु देंशा हना “ठीक पा निसाफ पने, दाक्‍मुने नु शिशी पमुने, मीका ६:८

मत्ती 6:11

काबु नाक्‍त ङा जचा थोव़क मुलाक्‍ती आंइ कली गेने।

लूका 22:30

आं राज्‍यमी गो नु काथा बाक्‍शा, जचा तूचा ताइनी‍नी। मिनु इं इस्राएल ङा १२ थर आन कली निसाफ पाइनीनी” दे माइक्‍मी बाक्‍त। मत्ती १९:२८

प्रकाश 3:20

नेनीन, गो लाङगाम जाक्‍शा ‘बाक्‍नी?’ दे ब्रेत्‍नुङ। सु सुमी आं सेंदा नेंशा ‘ओव़ङीन’ देंनीमी, गो मेको नु बाक्‍थ ओव़नुङ। मिनु मेको नु काथा बाक्‍शा, खमे जाइनुङ। यूहन्‍ना १४:२३

१ सामुएल 12:24

मिनु परमप्रभु यावे कली मान पा हिनीन। इन थुं नेल्‍लेम थमा पा मेको कली ठेयब सेलीन। मेकोमी इन कली गिश ठेयब गेय पशो बाक्‍मे, मेको मिम्‍तीन। ब्‍यवस्‍था ६:१२-१५

१ सामुएल 20:15

परमप्रभु यावेम रागी रे दाऊद आ जोरी सत्रु नेल्‍ल क्‍याम्‍ताक्‍व हना यो, गे इन गेना हना यो दाक्‍तीक आं खिं ङा मुर आन रे मक्‍याम्‍दीन” दे योनाथनमी दाऊद कली देंमाक्‍त।

१ सामुएल 22:23

गे एक गो नु बाक्‍को। महिनो। इ कली साइक्‍चा माल्‍बम आं कली साइक्‍चा माल्‍शो बाक्‍ब। गे गो नु मारेइ मदुम्‍थु बाक्‍नेवे” दे मदा बाक्‍त। १राजा २:२६-२७