२ सामुएल 9:11 - Sunuwar Bible

¹¹ मिनु सीबाम पिप कली “आं प्रभु पिप, गो इन गेय पाइबमी इन देंशो खोदेंशो पा नेल्‍ल पाइक्‍नुङ” देंमाक्‍त। मेफी-बोशेथ पिप आ तौ का खोदेंशो पा पिप दाऊद आ खिंम बाक्‍शा, जवा बाक्‍त।

२ सामुएल 9:11 ပူးပေါင်းရင်းမြစ်များ

२ सामुएल 15:15

मिनु पिप आ ठेयब गेय पाइबपुकीमी “गे आंइ प्रभु पिपमी, मार देंनी, गो इन गेय पाइबम मेको पाइनीकी” देंमा बाक्‍त।

२ सामुएल 19:17

मेको नु हजार का जना बेन्‍यामीन आ थर ङा मुर यो बाक्‍मा बाक्‍त। सावल आ गेय पाइब सीबा यो आ १५ जना तौ नु आ २० जना गेय पाइब नु मेकेर बाक्‍शो बाक्‍माक्‍त। मेकोपुकी पिप आ ङोंइती यर्दन खोलाम जाक्‍दीम्‍मा बाक्‍त। २सामुएल ९:२,१०; २सामुएल १६:१-४

२ सामुएल 19:24

सावल आ चच मेफी-बोशेथ यो दाऊद पिप कली ग्रुम्‍थ उइ यिमाक्‍त। मेकोम पिप गाक्‍म रे ग्राशा मलेम्‍म सम्‍म आ खोइल ङा ग्‍ये यो मख्रोदा बाक्‍त। आ गल शोक्रे यो मप्रेक्‍गा बाक्‍त। आ वा यो ममुरशो बाक्‍माक्‍त। २सामुएल ९:६

२ सामुएल 19:26

मिनु मेकोमी “आं प्रभु पिप, आं गेय पाइ‍बम आं कली मरिम्‍शो पाप्‍तु। गो आं गधाम लगम पाइश्‍शा पिप नु गाक्‍चा ठीक दुम्‍शो नङ। मारदे हना गो इन गेय पाइब खोइल थेक्‍ने मचाप्‍ब मुर नङ।

२ सामुएल 9:10

गे, इ तौपुकी नु इ गेय पाइब नेल्‍लेमी मेको आ रूम गेय पचा माल्‍नीनी। मिनु गे इ होव़प आ चच आ खिं ङा मुर आन कली गेचा माल्‍नेवे। तन्‍न इ होव़प आ चच मेफी-बोशेथ गेना हना यो गो नु काथा बाक्‍शा जाइ‍ब” दे मदा बाक्‍त। सीबा के १५ जना तौ नु २० जना गेय पाइब बाक्‍मा बाक्‍त।

२ सामुएल 9:12

मेफी-बोशेथ आ तौ का बाक्‍माक्‍त। मेको आ नें मीका बाक्‍माक्‍त। मिनु सीबा आ खिं ङा मुर नेल्‍ल मेफी-बोशेथ आ गेय पाइब दुम्‍मा बाक्‍त।

२ सामुएल 9:13

तन्‍न मेफी-बोशेथ यरूसलेमम बाक्‍माक्‍त। मारदे हना मेकोमी गेना हना यो पिप नु जवा बाक्‍त। मेको आ खोइल निम्‍फा मदुक्‍ब बाक्‍माक्‍त। २सामुएल ९:३