२ सामुएल 9:1 - Sunuwar Bible

¹ मिनु दाऊदमी “मार, सावल आ खिं ङा मुर सुइ ब्रोंइशो बाक्‍नीमी? मेको आन कली गो योनाथन आ पर्बम शिशी पाइक्‍ने चाप्‍नुङा?” दे हिल्‍लो पवा बाक्‍त।

२ सामुएल 9:1 ပူးပေါင်းရင်းမြစ်များ

२ सामुएल 1:26

आं लोक्‍ब योनाथन, गो इ पर्बम रोंका पाइ‍नुङ। गो इ कली थाम्‍पा दाक्‍ताक्‍न। इ आं कली दाक्‍शो ठेयब बाक्‍त। मीश मुर आन कली दाक्‍तीक क्‍येङा यो लाक्‍शो बाक्‍त।

२ सामुएल 21:7

तन्‍न पिपमी परमप्रभु यावे आ नेंम नु सावल आ तौ योनाथन नु कसम जतीके सावल आ चच योनाथन आ तौ मेफी-बोशेथ कली प्रोंइशा वोदा बाक्‍त। १सामुएल २०:१५-१७;

२ सामुएल 9:7

मिनु दाऊदम मेको कली “महिंनो, गो इ कली इ आफ योनाथन आ पर्बम शिशी पाइक्‍नुङ। गो इ कली इ बाजे सावल आ रू नेल्‍ल लेश्‍शा गेन‍न। मिनु गे गेना हना यो गो नु बाक्‍शा जाइ‍नेवे” देंमाक्‍त।

१ राजा 2:7

गिलाद ङा बारजील्‍लाइ आ तौ आन कली चहिं मप्रोंइथु रिम्‍शो पावो। मेको गे नु काथा जाइब आन दातेमी बाक्‍‍म‍ल। गो इ लोक्‍ब अब्‍सालोम क्‍येङा प्रोक्‍शा गाक्‍ङानु, मेकोपुकीम रिम्‍शो पाम्‍‍तेक्‍म। २सामुएल १७:२७; २सामुएल १९:३२-४१; २सामुएल १५:-

हितोपदेस 27:10

इ वारच कली नु इ आफ आ वारच कली मप्रोनो। श्‍येत जवी ना, इ लोक्‍ब आ खिं मलावो। मारदे हना ङोन बाक्‍शो लोक्‍ब क्‍येङा नेक्‍था बाक्‍ब मुर रिम्‍शो बाक्‍ब। हितोपदेस १८:२४

मत्ती 10:42

नोफा दाइश्‍शा नेनीने, सुमी महिक्‍सीशो मुर का कली ‘एको यो शेंसीब का बाक्‍माक्‍त’ दे मिम्‍शा, लोटा का ब्‍वाक्‍कु तूचा गेबा, मेकोमी दोपा यो आ तचा ङा इनाम मसाम्‍ब” दे शेंताक्‍मी। मत्ती २५:४०; मर्कूस ९:४१

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मर्कूस 9:41

नोफा दाइश्‍शा नेनीने, सुमी आं नें थिशा, ख्रीस्‍त आ मुर नम देंशा, इन कली लोटा का ब्‍वाक्‍कु तूचा गेबा, मेकोमी दोपा यो आ इनाम ताइब। मत्ती १०:४२

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ सामुएल 20:42

मिनु योनाथनम दाऊद कली “रिम्‍शो पा लावो। गे नु गो परमप्रभु यावे आ नेंमी कसम जशा, परमप्रभु यावे गे नु गो इस दातेमी बाक्‍ल। मेको इ चच युइ नु आं चच युइ आन दातेमी गेना हना यो बाक्‍ल” देंमाक्‍त। मिनु दाऊद बोक्‍शा लमाक्‍त। योनाथन चहिं सहर लेम्‍माक्‍त।