२ सामुएल 8:2 - Sunuwar Bible

² दाऊदम मोआबी आन कली यो फ्रुवा बाक्‍त। मिनु मेको आन कली खपीम इप्‍पाइक्‍मी बाक्‍त। मिनु डोरी कामी थाप्‍शा भाग सां सेल्‍मी बाक्‍त। भाग निक्‍शी ङा मुर आन कली साइक्‍मी बाक्‍त। मिनु भाग का ङा मुर आन कली प्रोंइमी बाक्‍त। मिनु मोआबीपुकी मेको आ वाइल दुम्‍मा बाक्‍त। मिनु मेकोपुकीम दाऊद कली तिरो थाप्‍चा माल्‍मा बाक्‍त। १सामुएल २२:३

२ सामुएल 8:2 ပူးပေါင်းရင်းမြစ်များ

२ सामुएल 12:31

मेकोमी मेकेर ङा मुर आन कली लाइश्‍शा आरा, खन्‍ती नु खामी गेय पपदा बाक्‍त। मिनु इंटा सेल्‍तीकेम गेय पपदा बाक्‍त। मेको अम्‍मोनी आन सहर नेल्‍लेम मोदेंशो पवा बाक्‍त। मिनु नोले दाऊद नु आ मुर नेल्‍ल यरूसलेम लेम्‍मा बाक्‍त।

२ सामुएल 8:6

मिनु दाऊदम मेको अराम ङा मुर आन रागी दमस्‍कसम कोव़ब मुर वोइक्‍मी बाक्‍त। मिनु मेकोपुकी दाऊद आ वाइल दुम्‍शा, तिरो थाप्‍चा माल्‍मा बाक्‍त। मोपा परमप्रभु यावेम दाऊद ते ते गाक्‍मे, मेक मेक ग्रापदा बाक्‍त।

१ राजा 4:21

सोलोमनम युफ्रेटीस खोला रे पलिस्‍ती आन रागी इजीप्‍त ङा सांद सम्‍म ङा राज्‍यम सासन पशो बाक्‍माक्‍त। मिनु मेको रागीम सोलोमन कली तिरो थाप्‍बाक्‍मा बाक्‍त। मिनु मेकोपुकी सोलोमन ब्रोंइम सम्‍म मेको आ गेय पाइब दुम्‍शा बाक्‍मा बाक्‍त। उत्‍पत्ती १५:१८

२ राजा 1:1

मिनु आहाब बेक्‍म नोले मोआबमी इस्राएली आन कली मटिवा बाक्‍त। २सामुएल ८:२; २राजा ३:४-२७

२ राजा 17:3

मिनु अस्‍सुर ङा पिप शाल्‍मानेसेर होशेआ कली लडाइ तोथ जाक्‍माक्‍त। मिनु होशेआमी मेको कली तिरो थाप्‍चा माल्‍दा बाक्‍त।

१ इतिहास 18:2

मेकोमी मोआबी आन कली यो फ्रूमी बाक्‍त। मिनु मेकोपुकी दाऊद आ सासनम दुम्‍शा, मेको कली तिरो थाप्‍चा माल्‍मा बाक्‍त।

२ इतिहास 26:8

मिनु अम्‍मोनीपुकीमी उज्‍जीयाह कली आन गेचा माल्‍शो मार मार गेमे बाक्‍त। मिनु मेको आ सोशो बोशो लोव़ इजीप्‍त आ नेक्‍था सम्‍म जाक्‍दीम्‍माक्‍त। मारदे हना मेको शुश सक्ति पाइश्‍शो दुम्‍शो बाक्‍माक्‍त।

भजन संग्रह 108:9

मोआब आं ब्‍वाक्‍कु तेम्‍तीक बोस बाक्‍ब। गो एदोम तार आं जुत्ता ब्‍‍वारनुङ। गो पलिस्‍ती आन कली ग्राशा, ग्‍येरशा ग्रीनुङ” देंत।

भजन संग्रह 18:45

अर्को रागी ङा मुरपुकी ख्रिंख्रि पा हिंशा आन बोल्‍यो दरवार रे ग्रूतेक्‍म।

भजन संग्रह 60:10

परमप्रभु, गे आंइ क्‍येङा ङोन मलनी? गे आंइ कली प्रोंइतीनी। गे आंइ लडाइ पाइबपुकी नु मलाइनीनी।

भजन संग्रह 60:8

मोआब आं चिक्‍तीके बोस बाक्‍ब। गो एदोम तार आं जुत्ता ब्‍वारनुङ। गो पलिस्‍ती आन कली ग्रानुङ।

भजन संग्रह 83:6

मेको एदोम, इश्‍‍माएल, मोआब नु हाग्री आ मुरपुकी,

यसैया 36:16

हिज्‍कीयाह आ लोव़ मनेनीन, मारदे हना अस्‍सुर ङा पिपमी इन कली “गो नु गारीन। मेकेर रे ग्रूशा आं बाक्‍तीके जाक्‍कीन। मो पाइतीनी हना, गे नेल्‍ल इन रू ङा अङगुर बोट नु इन फोव़शी रवा ताइनीनी। मिनु इन आंम कुवा ङा ब्‍वाक्‍कु तूचा ताइनीनी। १राजा ५:५; मीका ४:४

गन्‍ती 24:17

गो मेको कली ताइनुङ, तन्‍न मुल ममाइ। गो मेको कली कोव़नुङ। तन्‍न आ नेक्‍था रे ममाइ। याकूब रे पा सोरुल का दाप्‍ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्‍ब। मिनु शेथ आ थर ङा मुर आन कली खतम पोक्‍ब। मत्ती २:२; लूका १:७८; उत्‍पत्ती ४९:१०; २सामुएल ८:२

१ सामुएल 10:27

मेकेर मरिम्‍शो मुर यो बाक्‍मा बाक्‍त। मेकोपुकीमी “एको मुरुम आंइ कली आंइ जोरी सत्रु रे दोपा प्रोंइने चाप्‍बा ङा” देंमा बाक्‍त। मिनु मेकोपुकीमी सावल कली शुक्‍शी पा मेको कली मान पतीके यो मारेइ मचाक्‍ग्‍मे बाक्‍त। तन्‍न सावल सिक्‍सी पा बाक्‍माक्‍त। १सामुएल ११:१२

१ सामुएल 14:47

मिनु सावलमी इस्राएलमी आ सासन पतीके बोल्‍यो सेल्‍ने थुमा बाक्‍त। मिनु मेकोमी मोआबी, अम्‍मोनी, एदोमी, सोबाह ङा पिपपुकी नु पलिस्‍ती आंम एर ओंथ ङा जोरी सत्रु नु लडाइ पवा बाक्‍त। मेकोपुकी ते ते लमा मेक मेक ग्रामा बाक्‍त।

१ सामुएल 22:3

मेकेर रे मेकोपुकी मोआब ङा मिस्पे लमा बाक्‍त। मिनु मोआब ङा पिप कली “परमप्रभुम आं पर्बम मार पाइ‍बा, मेको मतुइक्‍तु सम्‍म आं आंम आफ आस कली इन बाक्‍तीकेम बाक्‍चा गेने” देंमाक्‍त। २सामुएल ८:२; रूथ १:३

१ सामुएल 22:4

दाऊदमी आ आम आफ आस कली मोआब ङा पिप नु वोदा बाक्‍त। मेको आ बोल्‍यो ख्रुइश्‍शा बाक्‍तीकेम बाक्‍ची ना सम्‍म आ आम आफ मोआब ङा पिप नु बाक्‍सा बाक्‍त।