२ सामुएल 8:16 - Sunuwar Bible

¹⁶ सेरूयाह आ तौ योआब लडाइ पाइब आन ठेयब मुर बाक्‍माक्‍त। अहीलुद आ तौ येहो-शाफात मेको आ ब्रेक्‍ब बाक्‍माक्‍त। २सामुएल २:२३-२६

२ सामुएल 8:16 ပူးပေါင်းရင်းမြစ်များ

२ सामुएल 18:2

मिनु नोले दाऊदमी आ लडाइ पाइ‍ब आन कली भाग सां सेल्‍मी बाक्‍त। भाग का योआब आ हुकुममी, भाग का सेरूयाह आ तौ अबीशै योआब आ लोक्‍ब आ हुकुममी नु भाग का गित्त आ खिं ङा मुर इत्‍ताइ आ हुकुममी गेमी बाक्‍त। मिनु पिपमी “गो यो गेपुकी नु लडाइम लाइ‍नुङ” देंमाक्‍त। २सामुएल १५:१९

२ सामुएल 19:13

मिनु आमासा कली ‘गे आं मुर नु आं हुश मनवे? गे योआब आ पा ङा गो बाक्‍ङा सम्‍म कप्‍तान दुम्‍नेवे। मो मपाता हना, परमप्रभुमी सजाइ गेवल’ देंत मतीस” देंमाक्‍त। २सामुएल १:२५

२ सामुएल 2:13

सेरूयाह आ तौ योआबमी दाऊद आ गेय पाइब आन कली लाइश्‍शा गिबोन ङा दोम्‍लीम लडाइ पवा बाक्‍त। मेको निक्‍शी गिबोन ङा दोम्‍लीम ग्रुम्‍सा बाक्‍त। मिनु काम दोम्‍ली आ आइक्‍ची हांबुम, काम दोम्‍ली आ ओंथ हांबुम आस लडाइ पाइब आन कली राप्‍पदसे बाक्‍त। १सामुएल २६:६; यहोसु ९:३,१७

२ सामुएल 8:15

मिनु दाऊदमी इस्राएल रागी नेल्‍लेम सासन पवा बाक्‍त। मिनु आ मुर नेल्‍ल आन कली ठीक निसाफ पवा बाक्‍त।

१ राजा 4:3

शीशा आ तौ एली-होरेफ नु अहीयाह ब्रेक्‍ब बाक्‍सा बाक्‍त। अहीलुद आ तौ येहो-शाफात हिक्‍शा ब्रेक्‍शा वोइक्‍ब मुर बाक्‍माक्‍त।

२ राजा 18:18

मिनु मेकोपुकीम पिप कली ब्रेत्‍मे बाक्‍त। मिनु पिप आ खिं ङा ठेयब मुर हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआह मेको आन कली ग्रुम्‍थ जाक्‍मा बाक्‍त।

२ राजा 18:37

मिनु पिप, हिल्‍कीयाह आ तौ दरवार कोव़ब एल्‍याकीम, ब्रेक्‍ब शेब्‍ना नु आसाफ आ तौ पिप आ लोव़ कुरब योआहम आन वा खाक्‍गमे बाक्‍त। मिनु हिज्‍कीयाह आ बाक्‍तीक जाक्‍शा, राब्‍शाके आ लोव़ नेंपदमे बाक्‍त।

१ इतिहास 11:6

दाऊदमी “सु यबुसी आन कली ङोंइती लडाइ तोइबा, मेको नेल्‍ल क्‍येङा ठेयब कप्‍तान दुम्‍ब” देंशो बाक्‍माक्‍त। मिनु मेकेर ङोंइती सेरूयाह आ तौ योआब ङोंइसे बाक्‍त। मोपतीके मेको ठेयब कप्‍तान दुम्‍माक्‍त।