२ सामुएल 7:8 - Sunuwar Bible

⁸ मोपतीके गे आं गेय पाइब दाऊद कली मुर नेल्‍ल आन परमप्रभु यावेमी मार देंत देंशा हना ‘इ कली, आं मुर इस्राएली आन कली कोव़ब दुम्‍पाइक्‍चा कली भेडा योव़तीक रे चाक्‍तन। १सामुएल १६:११-१३; २सामुएल ५:२

२ सामुएल 7:8 ပူးပေါင်းရင်းမြစ်များ

२ सामुएल 12:7

मिनु नाथानम दाऊद कली “मेको मुर गेन ननी। इस्राएली आन परमप्रभु यावेमी मार देंत देंशा हना ‘गो इ कली तेल लुक्‍शा, इस्राएल ङा पिप सेल्‍तन। सावल आ गुइ रे प्रोंइतन। १राजा २०:४०

२ सामुएल 14:13

मिनु मेको मीश मुरुमी “गे परमप्रभु आ मुर आन कली मारदे ओदेंशो पचा मिम्‍तीनी? गे मोदेंशो पाइतीनी हना, गे दोसी खोदेंशो दुम्‍नीनी। गे रागी रे ग्रुंइशा सोइश्‍शो मुर कली लेंशा जाक्‍चा गेने मबिस्‍सीनी।

२ सामुएल 23:1

एको दाऊद आ नोले ङा लोव़ बाक्‍ब। येस्‍से आ तौ दाऊद आ नोले देंशो लोव़ एको बाक्‍ब। परमप्रभुमी ठेयब सेल्‍शो मुर आ पशो लोव़ एको बाक्‍ब। याकूब आ परमप्रभुमी मेको कली तेल लुक्‍शा, पिप सेल्‍शो बाक्‍त। इस्राएली आन सक्ति पाइश्‍शो आन दातेमी दाऊद कली नेल्‍ल क्‍येङा दाक्‍ब बाक्‍ब। १सामुएल १६:१३

२ सामुएल 24:17

मिनु दाऊदमी मेको मुर आन कली साइक्‍ब परमप्रभु आ आ स्‍वर्ग ङा गेय पाइ‍ब कली तवा बाक्‍त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्‍न एको मुर मार पामे ङा? गे आं कली नु आं खिं ङा मुर आन कली श्‍येत गेने” देंमाक्‍त। गन्‍ती १६:२२

२ सामुएल 5:2

ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

२ सामुएल 6:21

मिनु दाऊदम मिकाल कली “इ आफ नु आ खिं ङा मुर आन पा ङा आं कली इस्राएल ङा आ मुर आन पिप सेल्‍ब परमप्रभु यावे आ ङोंइती मो पाता। गो परमप्रभु यावे आ ङोंइती ग्‍येरशा सिल पाइनुङ। २सामुएल ५:२

१ राजा 3:6

मिनु सोलोमनम “गे इन गेय पाइब, आं आफ दाऊद कली इन ठेयब गेना हना यो दाक्‍तीक कोंइताक्‍नी। मारदे हना मेको इन कली मप्रोंइथु, ठीक पाइब नु रिम्‍शो थुं पाइश्‍शो इन नोले खोइक्‍ब मुर बाक्‍‍त। मिनु गे मेको कली इन ठेयब नु गेना हना यो दाक्‍तीके कोंइशो बाक्‍तीनी। मिनु मुलाक्‍ती मेको आ नोले आ नित्‍तीकेम वोइक्‍चा कली मेको कली तौ का गेतीनी। १राजा १:४८

१ राजा 8:16

मारदे हना मेकोमी ‘गो आं मुर आन कली इजीप्‍त रे ग्रुंइशा चाक्‍गु रे मुल सम्‍म इस्राएल ङा तेकोइ थर ङा मुर आन सहरम आं नें बाक्‍ल, दे आं खिं सेल्‍चा कली मयोव़ङु। तन्‍न गो आं मुर इस्राएली आन कली सासन पचा कली दाऊद कली योव़ता’ देंत।

१ इतिहास 17:7

मोपतीके आं गेय पाइब दाऊद कली मुर नेल्‍ल आन परमप्रभु यावेमी इ कली मार देंब देंशा हना ‘गो क्‍यारश भेडा योव़तीके रे आं मुर इस्राएली आन पिप दुम्‍चा कली योव़तन।

१ इतिहास 21:17

मिनु दाऊदम परमप्रभु कली “मुर आन कली हिक्‍चा कली गो कका अरेतामी। गो कका पाप पा काइ मरिम्‍शो पाता। तन्‍न एको भेडापुकीम मार पामे ङा? परमप्रभु यावे, आं परमप्रभु, इन गेचा ङा श्‍येत आं कली नु आं आफ आ खिं कली दुम्‍ल। तन्‍न इन मुर आन कली मोदेंशो श्‍येत मगेन” देंमाक्‍त।

आमोस 7:15

मिनु परमप्रभु यावेमी आं कली क्‍यारश भेडा योव़तीक रे ब्रेत्‍ताक्‍यी। मिनु मेकोमी आं कली ‘लावो। आं मुर इस्राएली आन कली आं लोव़ शेंदीमी’ दे माइक्‍ती।

प्रेरित 7:46

पिप दाऊद परमप्रभु यावे आ दाक्‍शो मुर बाक्‍माक्‍त। पिप दाऊदमी परमप्रभु यावे कली दाक्‍शा ‘याकूब आ परमप्रभु यावे कली खिं सेल्‍नुङ’ दे थुं पवा बाक्‍त। २सामुएल ७:१-१६; भजन संग्रह १३२:३-५

१ सामुएल 10:1

मिनु सामुएलमी तेल कुरतीक रे तेल ग्रुंइशा, सावल आ पिया तार लुक्‍ता बाक्‍त। मिनु मेको कली पुक्‍पु पा “परमप्रभु यावेमी इ कली आ मुर इस्राएली आन पिप सेल्‍तु। गे आ मुर आन कली सासन पाइक्‍नेवे। मिनु गे मेको आन एर ओंथ ङा जोरी सत्रु आन गुइ रे प्रोंइनेवे। परमप्रभु यावेम थमा पा इन कली आ मुर आन कली सासन पाइब सेल्‍शो आ चिन्‍ड मार बाक्‍ब देंशा हना,

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८

१ सामुएल 9:16

मेकोमी “दीसा गो बेन्‍यामीन रागी ङा मुर का इ कली ग्रुम्‍थ सोइक्‍नुङ। मिनु गे मेको कली आं मुर, इस्राएली, आन पिप सेल्‍शा, तेल लुक्‍तो। मेकोमी आं मुर आन कली पलिस्‍ती आन गुइ रे प्रोंइब। मारदे हना गो आं मुर आन श्‍येत ताता। मेको आन पुंइशो नेंता” देंमाक्‍त।