२ सामुएल 7:3 - Sunuwar Bible

³ मिनु नाथानमी पिप कली “दुम्‍ब, इन थुंम मार बाक्‍मे, मेको पने। मारदे हना परमप्रभु यावे गे नु बाक्‍ब” देंमाक्‍त।

२ सामुएल 7:3 ပူးပေါင်းရင်းမြစ်များ

२ सामुएल 7:4

तन्‍न मेको नाक्‍दोन परमप्रभु यावेम नाथान कली लोव़ पवा बाक्‍त।

१ राजा 1:8

तन्‍न चढ़ेब सादोक, येहो-यादा आ तौ बेनायाह, परमप्रभु यावे आ लोव़ पाइब नाथान, शिमेइ, रेइ नु दाऊद आ लडाइ पाइबपुकी चहिं अदोनीयाह नु मगारमा बाक्‍त।

२ राजा 4:27

मिनु मेको परमप्रभु आ मुर बाक्‍तीक डांडाम जाक्‍शा, एलीशा आ खोइल मुबा बाक्‍त। मिनु गेहाजी मेको कली फ्राचा कली जाक्‍मेनु, परमप्रभु आ मुरुम एको कली “मपावो, एको कली ठेयब श्‍येत दुम्‍शो बाक्‍ब। तन्‍न परमप्रभु यावेमी मेको लोव़ ख्रुइश्‍शा, आं कली मशेंदी” देंमाक्‍त।

१ इतिहास 22:7

मिनु सोलोमन कली “आं तौ, गो परमप्रभु यावे, आं परमप्रभु कली खिं का सेल्‍चा थुं पशो बाक्‍ती।

१ इतिहास 28:2

मिनु पिप दाऊद बोक्‍शा मेको आन कली “आं लोक्‍ब नु आं मुर आं लोव़ नेनीन। गो परमप्रभु यावे आ कबल पशो सन्‍दोस कली नाइक्‍चा कली बाक्‍तीक का सेल्‍चा मिम्‍शो बाक्‍ती। परमप्रभु यावे, इं परमप्रभु आ खोइल थेक्‍तीक खोदेंशो दुम्‍चा माल्‍ब। गो मेको सेल्‍चा कली ठीक पाता। १इतिहास २२:६-१०; भजन संग्रह ९९:५; भजन संग्रह १३२:७

१ इतिहास 29:29

पिप दाऊद आ पशो मार मार बाक्‍मे, मेको ङोंइती रे नोले सम्‍म नेल्‍ल परमप्रभु यावे आ लोव़ पाइब सामुएल, नाथान नु गाद आन ब्रेक्‍शो किताबम ब्रेक्‍शो बाक्‍ब। १इतिहास २१:९

२ इतिहास 29:25

मिनु पिपम लेवी आन कली परमप्रभु यावे आ खिंम बुप्‍केल नु ठेयब नु आइक्‍च तार पाइश्‍शो ताप्‍तीके ताप्‍चा कली ठीक दुम्‍पाइक्‍मी बाक्‍त। मारदे हना ङोंइती दाऊदम, परमप्रभु यावे आ लोव़ ताइब, गाद नु नाथान रे पा मोदेंशो शेंशो बाक्‍माक्‍त। १इतिहास २५:१

भजन संग्रह 20:4

मेकोमी इन दाक्‍शो नेल्‍ल गेवल। इन मिम्‍शो नेल्‍ल खबल। भजन संग्रह २१:३

भजन संग्रह 37:4

परमप्रभु यावे कली तुइश्‍शा, ग्‍येरसीने। मेकोमी इन थुंम पुंइशो गेब। भजन संग्रह २०:५

१ यूहन्‍ना 2:27

येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४

१ सामुएल 10:7

मिनु मोदेंशो चिन्‍ड नेल्‍ल दुम नोले इ ङोंइती मार गेय बाक्‍बा, मेको पावो। मारदे हना परमप्रभु गे नु बाक्‍ब।

१ सामुएल 14:7

मेको आ या कुरबमी “गे मार पचा दाक्‍नीनी, पने। गे मार पाइ‍नीनी गो मेको वारच पाइ‍नुङ” देंमाक्‍त।

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४