२ सामुएल 7:22 - Sunuwar Bible

²² मोपतीके परमप्रभु यावे, परमप्रभु गे ठेयब बाक्‍नीनी। इन खोदेंशो अरु सुइ मबाक्‍नीम। अर्को परमप्रभु यो मबाक्‍नीम।

२ सामुएल 7:22 ပူးပေါင်းရင်းမြစ်များ

२ सामुएल 22:32

परमप्रभु यावे क्‍येङा अर्को तेकोइ परमप्रभु मबाक्‍ब। आंइ परमप्रभु क्‍येङा लाक्‍शा अर्को तेकोइ सेरथे फुल्‍लु मबाक्‍ब।

१ राजा 8:23

मिनु मेकोमी “परमप्रभु यावे, इस्राएली आन परमप्रभु इर स्‍वर्गम नु रागीम इन खोदेंशो अर्को तेकोइ परमप्रभु मबाक्‍नीम। इन कली आन थुं नेल्‍लेमी नोले खोइक्‍ब, इन गेय पाइब आन कली पशो कबल खाप्‍शा, मेको आन कली गेना हना यो दाक्‍नीनी।

१ इतिहास 16:25

मारदे हना परमप्रभु यावे ठेयब बाक्‍ब। ठेयब मान पाइक्‍चा पुंइसीब बाक्‍ब। देवी देवता नेल्‍ल आन क्‍येङा मान पाइक्‍चा पुंइसीब बाक्‍ब।

२ इतिहास 2:5

गो आं सेल्‍चा चिक्‍शो खिं थम ठेयब नु रिम्‍शो खिं दुम्‍चा माल्‍ब। मारदे हना आंइ परमप्रभु देवी देवता नेल्‍ल आन क्‍येङा ठेयब बाक्‍ब।

भजन संग्रह 135:5

परमप्रभु यावे थम ठेयब बाक्‍ब। मेको गो तुइक्‍नुङ। मिनु आंइ परमप्रभु देवी देवता नेल्‍ल आन क्‍येङा ठेयब बाक्‍ब। भजन संग्रह ८६:८

भजन संग्रह 145:3

परमप्रभु यावे ठेयब बाक्‍ब। मेको ठेयब सेल्‍चा शिरशो बाक्‍ब। मिनु मेको आ ठेयब दुम्‍तीके सुइमी रुप्‍ने मचाप्‍नीम।

भजन संग्रह 44:1

परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५

भजन संग्रह 48:1

परमप्रभु यावे ठेयब बाक्‍ब। परमप्रभु आ बाक्‍तीक सहरम बाक्‍शा, मान पाइक्‍चा पुंइसीब बाक्‍ब। भजन संग्रह ४६:५-६

भजन संग्रह 86:10

मारदे हना गे ठेयब बाक्‍नीनी। मिनु छक लाक्‍चा ङा गेय पाइनीनी। गे ला परमप्रभु बाक्‍नीनी।

भजन संग्रह 86:8

परमप्रभु, देवी देवता आन दातेमी इन खोदेंशो अरु तेकोइ मबाक्‍नीम। इन पशो गेय खोदेंशो पा अरु सुइम मपाइनीम। भजन संग्रह १३५:५; प्रस्‍थान १५:११

भजन संग्रह 89:6

सरीङमी परमप्रभु यावे कली सु नु थाप्‍ने चाम्‍सीबा ङा? मिनु स्‍वर्गम बाक्‍ब आन दातेमी सु परमप्रभु यावे खोदेंशो बाक्‍बा ङा? १राजा २२:१९

भजन संग्रह 89:8

परमप्रभु यावे, मुर नेल्‍ल आन परमप्रभु, इन खोदेंशो ठेयब सक्ति पाइश्‍शो सु बाक्‍बा ङा? इन दाक्‍शा मप्रोंइतीके इन एर ओंथ बाक्‍ब।

भजन संग्रह 96:4

मारदे हना परमप्रभु यावे ठेयब बाक्‍ब। ठेयब सेल्‍शा मान पाइक्‍चा पुंइसीब बाक्‍ब। मेको देवी देवता नेल्‍ल आन क्‍येङा मान पा हिंचा माल्‍शो बाक्‍ब।

प्रस्‍थान 10:2

मिनु गे इ चच युइ आन कली ‘गो इजीप्‍त ङा मुर आन कली मार मार पङा’ मेको शेंदो। गो मोदेंशो चिन्‍ड कोंइब बाक्‍नुङ। ‘गो परमप्रभु यावे नङ’ दे नेल्‍लेमी तुइक्‍तमेक्‍ल” दें‍त। प्रस्‍थान ६:२-८

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

प्रस्‍थान 8:10

मिनु “दीसा कली पुनीस” दे लोव़ लेत्‍ताक्‍व। मोसामी “परमप्रभु यावे आंइ परमप्रभु खोदेंशो सुइ मबा, दे तुइक्‍पाइक्‍चा कली इन देंशो दीसा दुम्‍ब। प्रस्‍थान ९:१४; प्रस्‍थान १५:११; ब्‍यवस्‍था ३३:२६; २सामुएल ७:२२; येरमीया १०:६

प्रस्‍थान 8:6

मिनु हारूनमी आ गुइ इजीप्‍त ङा ब्‍वाक्‍कु तारी दिंताक्‍व। मिनु क्रुक्‍क्रुपुकी ग्रूशा, इजीप्‍त रागी नेल्‍ल ब्रीतेक्‍म।

प्रस्‍थान 9:14

मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६

यसैया 40:18

मिनु गे परमप्रभु कली सु नु थाप्‍नीनी? मिनु सु आं नेक्‍था वोइक्‍ने चाप्‍नीनी। यसैया ४६:५; प्रस्‍थान २०:४; प्रेरित १७:२९

यसैया 40:25

आं कली सु नु थाप्‍नीनी। मिनु गो नु उइक्‍थ सु बाक्‍बा?” दे का ला बाक्‍शो परमप्रभुम देंत।

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

यसैया 45:5

गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

इजीकीएल 36:22

परमप्रभु, परमप्रभु यावेमी “मोपतीके इस्राएल आ खिं ङा मुर आन कली ‘ए इस्राएल आ खिं ङा मुर, गो इन पर्बम एको गेय मपाइनुङ। तन्‍न गो आं नें आ पर्बम गेय पाइनुङ। गे इन लतीक रागी रागी ङा मुर आन दातेम आं नें मरिम्‍शो सेल्‍तीनी। यसैया ४८:११; येरमीया १४:७

इजीकीएल 36:32

गो इन पर्बम एको गेय पशो मनङ। मेको तुइक्‍चा माल्‍नीनी। ए इस्राएल आ खिं ङा मुर इन पशो गेयम पतीके मुने दोक्‍शा सुर्ता पन’ ” देंत।

दानीएल 2:45

मिनु गे दोदेंशो पा मुरुमी मख्रोइक्‍थु डांडा रे फुल्‍लु का यिशो ताइतीनी। मिनु मेकोम फलाम, कांसा, खप चांदी नु सुन नेल्‍ल कली रोबल चिबल पोक्‍गा, मोदेंशो पा ठेयब परमप्रभुमी ‘नोले मार दुम्‍बा’ दे पिप, इन कली कोंइशो बाक्‍ब। एको ङोमु नु आ अर्थ यो थमा बाक्‍ब” देंत।

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

ब्‍यवस्‍था 3:24

“परमप्रभु, परमप्रभु यावे, गे इन गेय पाइब कली इन ठेयब पतीके नु सक्ति कोंइचा गोइतीनी। मिनु स्‍वर्ग नु रागीम बाक्‍ब तेको प्रभु इन खोदेंशो पा ठेयब पतीके नु सक्ति पाइश्‍शो गेय पने चाप्‍बा ङा?

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२

ब्‍यवस्‍था 4:35

गे मारदे मेको ताइतीनी देंशा हना, परमप्रभु यावे, का ला परमप्रभु बाक्‍ब। मेको क्‍येङा लाक्‍शा अर्को परमप्रभु मबाक्‍ब, दे तुइक्‍पाइक्‍चा कली इन कली कोंइताक्‍व।

ब्‍यवस्‍था 4:39

मिनु गे मुलाक्‍ती परमप्रभु यावे, का ला सरीङ नु रागी ङा परमप्रभु बाक्‍ब। मेको ङा लाक्‍शा अर्को सुइ परमप्रभु मबाक्‍ब। एको लोव़ गे मुलाक्‍ती थमा पा तुइक्‍तीन। मिनु इन थुंम लील।

१ सामुएल 2:2

परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२