२ सामुएल 7:20 - Sunuwar Bible

²⁰ परमप्रभु यावे, मुल गो एको क्‍येङा शुश मार देंने चाप्‍नुङा ङा? मारदे हना गे इन गेय पाइब कली रिम्‍शो पा तुइक्‍नीनी।

२ सामुएल 7:20 ပူးပေါင်းရင်းမြစ်များ

उत्पत्ती 18:19

गो अब्राहाम कली तुइक्‍नुङ, आ आल नु आ चच युइ आन कली परमप्रभु यावे आ लां गाक्‍पाइक्‍चा कली अरेब। मिनु मेकोपुकी परमप्रभु यावे आ लां खोइक्‍ब दुम्‍शा, ठीक नु रिम्‍शो पचा शेंसीशा पाइ‍नीम। परमप्रभु यावेमी अब्राहाम कली मार लोव़ देंमे, मेको नेल्‍ल दुम्‍ल” देंमाक्‍त। ब्‍यवस्‍था ६:७; ब्‍यवस्‍था ३२:४६

१ इतिहास 17:18

इन गेय पाइब कली इन गेशो मान आ पर्बम दाऊदम अरु मार देंने चाप्‍बा ङा? गे इन गेय पाइब कली रिम्‍शो पा तुइश्‍शो बाक्‍नीनी।

भजन संग्रह 139:1

परमप्रभु यावे, गे आं कली नाक्‍शा तुइश्‍शो बाक्‍नीनी। भजन संग्रह ७:१०; येरमीया १७:१०

यूहन्‍ना 2:25

मारदे हना मुर नेल्‍ल आन कली तुइश्‍शा, आन पर्बम लोव़ नेंचा ममाल्‍द। आन थुंमी मार बाक्‍मे, मेको नेल्‍ल तुइश्‍शो बाक्‍त। मर्कूस २:८

यूहन्‍ना 21:17

लेंशा येसुमी “योआन्‍नेस आ तौ सिमोन, गे आं कली दाक्‍नेवे?” दे हिल्‍लो पाप्‍तु। मिनु येसुमी खेयप सां “आं कली दाक्‍नेवे?” दे हिल्‍लो पशो नेंशा, पत्रुस आ थुं खाइक्‍त। मिनु “प्रभु, गे नेल्‍ल तुइक्‍नीनी। गो इन कली दाक्‍नन्‍नी, दे तुइक्‍नीनी” दे माइक्‍तु। मिनु येसुमी “आं भेडा आन कली योव़मी। यूहन्‍ना १३:३८; यूहन्‍ना १६:३०

हिब्रू 4:13

मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।

यहोसु 5:14

मिनु मेकोमी “ममाइ, गो परमप्रभु यावे आ फौज आन कली चलेब नङ। मोपतीके जाक्‍ती” देंत। मिनु यहोसुमी गु बाप्‍शा सेउ पशा “आं प्रभु, गो इन गेय पाइब नङ। आं कली मार लोव़ पाइनीनी?” दे हिल्‍लो पाप्‍तु।

प्रकाश 2:23

आ आल आन कली मुर साइक्‍ब रोइम साइक्‍नुङमी। मेको आन श्‍येत जशा, बेक्‍शो तशा ‘गोम पाप्‍तु’ दे थमा सुइक्‍ब नेल्‍लेमी तुइक्‍नीमी। मिनु थमा सुइक्‍ब आन ग्रुम्‍तीके ङा मुर नेल्‍लेमी ‘येसु ख्रीस्‍तमी मुर आन थुं नु आन पशो तुइक्‍ब। मिनु नोले दोपा पामे, मोपा गेब’ दे तुइक्‍नीम। भजन संग्रह ७:१०; येरमीया १७:१०

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४