२ सामुएल 7:18 - Sunuwar Bible

¹⁸ मिनु पिप दाऊद परमप्रभु यावे आ बाक्‍तीक ओव़शा, मेको कली “परमप्रभु यावे, गो सु नङा? आं खिं ङा मुर सु बाक्‍नीमी? मिनु गे आं कली एक सम्‍म चाक्‍यीनी?

२ सामुएल 7:18 ပူးပေါင်းရင်းမြစ်များ

उत्पत्ती 32:10

गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८

उत्पत्ती 32:11

गो आं कली आं लोक्‍ब एसाव आ गुइ रे प्रोनीने। मारदे हना आं कली, आं मीश आन कली नु आल नेल्‍ल आन कली साइक्‍ब, दे हिंती।

२ सामुएल 23:5

मोपा आं खिं परमप्रभु नु बाक्‍ब। मारदे हना मेकोमी गो नु गेना हना यो लीब कबल का पशो बाक्‍ब। मेको नेल्‍ल रिम्‍शो नु ली‍ब। मिनु मेकोमी आं रिम्‍शो दुम्‍शो नु आं दाक्‍शो बारना बारना लपाइक्‍ब।

२ सामुएल 7:17

मिनु नाथानम मेको देंशो लोव़ नु कोंइशो नेल्‍ल दाऊद कली देंमाक्‍त।

१ इतिहास 17:16

मिनु पिप दाऊद परमप्रभु यावे आ बाक्‍तीक लशा “परमप्रभु यावे, परमप्रभु, गो सु नङा? मिनु आं खिं मार बाक्‍बा? मिनु गे आं कली एक सम्‍म चाक्‍यीनी। उत्‍पत्ती ३२:११

१ इतिहास 29:14

मिनु गो आंइ थुंम ग्‍येरशा सोम्‍शा ओपा शुश गेने चाप्‍नीकी? गो सु नङा? आं मुरपुकी सु बाक्‍नीमी? मारदे हना नेल्‍ल थोव़क इन गुइ रे जाक्‍नीम। गोपुकीमी इन गेशो रे इन कली गेतक।

भजन संग्रह 8:4

गे मोपा ठेयब थोव़क सेल्‍तीनी हना, मुर आन पर्बम दोपा मिम्‍ने चाप्‍नीनी? दोपा मेको आन कली कोव़नीनी। हिब्रू २:६-८

प्रस्‍थान 3:11

मिनु मोसामी परमप्रभु यावे कली “गो दोपा मो पने चाप्‍नुङा? फाराओ आ बाक्‍तीकेमी लशा, इस्राएल जात ङा मुर आन कली इजीप्‍त रागी रे दोपा ग्रुंइने चाप्‍नुङा?” दे परमप्रभु कली देंत। प्रस्‍थान ४:१०; उत्‍पत्ती ३२:११; २सामुएल ७:१८; यसैया ६:५,८; येरमीया १:६

यसैया 37:14

मिनु हिज्‍कीयाहमी मेको लोव़ कुरब मुर आन गुइ रे मेको चिठी ताक्‍शा, पढेप्‍तु। मिनु मेको चिठी परमप्रभु यावे आ खिं लाइश्‍शा, परमप्रभु यावे आ ङोंइती प्राक्‍शा वोइक्‍तु।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

न्‍यायाधीस 6:15

मिनु गिदोनमी “हजुर, गो दोपा इस्राएली आन कली प्रोंइने चाप्‍नुङा? आं खिं मनस्‍से आ थरमी नेल्‍ल क्‍येङा आइक्‍च बाक्‍ब। मिनु गो आं आफ आ खिंमी यो नेल्‍ल क्‍येङा आइक्‍च मुर बाक्‍नुङ” देंमाक्‍त।

रूथ 2:10

मिनु रूथ मेको आ ङोंइती बाप्‍शा, मेको कली “गो अर्को रागी ङा मुर नङ, दे तुइश्‍शा यो मारदे आं कली इश ङा शिशी पाइय्‍यीनी?” देंमाक्‍त। ब्‍यवस्‍था २३:४-६

१ सामुएल 15:17

मिनु सामुएलमी “ङोंइती गे आंमा कली आंमान शोर गाक्‍शो मुर मिम्‍शो ननी। तन्‍न मुल गे इस्राएली आन पिप बाक्‍नीनी। परमप्रभु यावेमी इन कली तेल लुक्‍शा इस्राएल ङा पिप सेल्‍तु। १सामुएल ९:२१

१ सामुएल 18:18

मिनु दाऊदमी “गो सु नङा ङा? आं आफ आ खिं ङा मुर इस्राएली सु नमी ङा? गो पिप आ चांइवा दुम्‍नुङा?” देंमाक्‍त। २सामुएल ७:१८

१ सामुएल 9:21

मिनु सावलमी “गो इस्राएली आन नेल्‍ल क्‍येङा आइक्‍च बेन्‍यामीन आ थर ङा मुर का नङ। मिनु आं खिं बेन्‍यामीन आ थर ङा नेल्‍ल क्‍येङा आइक्‍च बाक्‍ब। मिनु गे मारदे आं कली एको लोव़ देंनी?” दे हिल्‍लो पवा बाक्‍त। १सामुएल १५:१७