२ सामुएल 7:16 - Sunuwar Bible

¹⁶ इ खिं नु इ राज्‍य गेना हना यो आं ङोंइती लीब। इ सासन पतीक गेना हना यो लीब” देंमाक्‍त। भजन संग्रह ७२:-; यसैया ५५:३

२ सामुएल 7:16 ပူးပေါင်းရင်းမြစ်များ

उत्पत्ती 49:10

ठेयब श्‍येत रे प्रोंइब मजाक्‍म सम्‍म आ राज दन्‍ड आ सासन पतीके आ गुइमी लीब। जात जात ङा मुर मेको आ नोले खोइक्‍नीम। गन्‍ती २४:१७; १इतिहास ५:२; हिब्रू ७:१४; इजीकीएल २१:३२

२ सामुएल 22:51

परमप्रभु यावे पिप, आं ब्रोंइशा बाक्‍तीक बाक्‍ब। मेकोम आ तेल लुक्‍शो दाऊद कली नु आ चच युइ आन कली गेना हना यो दाक्‍तीक कोंइब” दे दाऊदमी परमप्रभु यावे कली ठेयब सेला बाक्‍‍त।

२ सामुएल 7:13

मिनु मेकोमी आं नेंमी खिं का सेल्‍ब। गो मेको आ राज्‍य गेना हना यो बाक्‍ब सेल्‍नुङ। १राजा ५:१९; १राजा ६:१२; भजन संग्रह ८९:४-५; यसैया ९:६

२ सामुएल 7:17

मिनु नाथानम मेको देंशो लोव़ नु कोंइशो नेल्‍ल दाऊद कली देंमाक्‍त।

१ राजा 2:4

परमप्रभु यावेमी आं कली ‘इ तौ चच नेल्‍लेम आंमा दोपा बाक्‍चा माल्‍बा, दे मिम्‍ताक्‍म हना नु आन थुं नु आन सोक्‍त नेल्‍लेम आं कली मप्रोंइथु आं ङोंइती गाक्‍तेक्‍म हना, गेना हना यो इस्राएलम हुकुम पचा कली इ तौ चच का लीब’ दे लोव़ गेशा कबल पशो बाक्‍ब।

१ राजा 9:5

गो इ राज्‍य इस्राएल कली गेना हना यो बोल्‍यो दुम्‍पाइक्‍नुङ। मिनु गो इ आफ दाऊद कली ‘इ तौ चच रे गेना हना यो इस्राएलम पिप दुम्‍नीम’ दे कबल पशो खोदेंशो पा गे नु यो कबल पाइनुङ। २सामुएल ७:१२; येरमीया ३३:१७

२ राजा 19:34

मारदे हना गो आंम आं पर्बम नु आं गेय पाइब दाऊद आ पर्बम मेको सहर कली वारच पा प्रोंइनुङ” देंमाक्‍त। २राजा २०:६

२ राजा 8:19

मो हना यो परमप्रभु यावेमी आ गेय पाइब दाऊद आ पर्बम यहूदा कली मक्‍याम्‍दा बाक्‍त। मेकोमी दाऊद कली इ तौ चच का गेना हना यो पिप दुम्‍शा बाक्‍ब, दे कबल पशो बाक्‍माक्‍त। २सामुएल ७:११-१६; १राजा ११:३६

२ इतिहास 6:16

मोपतीके परमप्रभु यावे, इस्राएली आन परमप्रभु इन गेय पाइब, आं आफ दाऊद कली देंशो लोव़ खपीन। मार देंशो लोव़ खपीन देंशा हना, ‘इस्राएली आन कली सासन पचा कली गेना हना यो इ मुर बाक्‍ब। गे आं ङोंइती गाक्‍शो खोदेंशो पा इ आलपुकीम आं अरेशो लोव़ पाम्‍तेक्‍म हना, इस्राएल ङा ठेयब नित्‍तीकेम पिप दुम्‍चा कली गेना हना यो इ मुर का बाक्‍ब’ देंशो बाक्‍‍तीनी। २सामुएल ७:१६

अय्‍युब 36:7

मेकोम ठीक पाइब आन कली कोव़ब। मिनु मेको आन कली गेना हना यो पिप नु वोइक्‍ब। मिनु मेकोपुकी ठेयब सेल्‍चा पुंइसीनीम। भजन संग्रह ११३:७-८

भजन संग्रह 45:6

परमप्रभु, इन ठेयब नित्‍तीके गेना हना यो लीब। इन ठीक पतीके इन राज दन्‍ड खोदेंशो बाक्‍ब। हिब्रू १:८-९ हिब्रू १:८,९

भजन संग्रह 72:5

नां तास्‍ला बाक्‍सा सम्‍म नु मुर नेल्‍ल आन पाला सम्‍म मेको ब्रोंइशा बाक्‍ल।

भजन संग्रह 89:4

गो गेना हना यो इ चच युइ रे पिप का सेल्‍नुङ। मिनु इ पिप दुम्‍तीके नेल्‍ल आन पाला सम्‍म लीपाइक्‍नुङ” देंतीनी। ठेयब सेंदा पा।२सामुएल ७:१६; प्रेरित २:३०

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

येरमीया 17:25

दाऊद आ नित्‍तीकेम निप्‍ब पिप, आन गेय पाइब मुरपुकी एको सहर ङा ठेयब लाप्‍चो रे शाराम कीशो बग्‍गीम ङोइश्‍शा ओव़नीम। यहूदा ङा मुर नु यरूसलेममी बाक्‍ब जाक्‍नीम। मिनु एको सहरमी गेना हना यो मुर शुश बाक्‍नीम। येरमीया २२:४

येरमीया 33:17

मारदे हना परमप्रभु यावेम “गेना हना यो दाऊद आ खिं ङा मुर का इस्राएलमी पिप दुम्‍ब। २सामुएल ७:१२-१३; १राजा ९:५; भजन संग्रह ८९:३०

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

दानीएल 2:44

मेको पिप आन पालामी स्‍वर्ग ङा परमप्रभुमी अर्को राज्‍य का सेल्‍ब। मेको राज्‍य गेनायो ब्रोल चिल मदुम्‍ब। मेको राज्‍य ङा मुर खाल का ङा बाक्‍नीम। मेकोमी अरु राज्‍य नेल्‍ल आन कली रोब चिब पा थुम्‍पाइक्‍ब। तन्‍न मेको आ राज्‍य गेना हना यो लीब। दानीएल १४:२७; यसैया ९:६; १कोरिन्‍थी १५:२४; प्रकाश ११:१५

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

यूहन्‍ना 12:34

मिनु मुरपुकीमी येसु कली “परमप्रभु यावे आ लोव़ ब्रेक्‍शो किताबमी ‘ख्रीस्‍त गेनायो मबेक्‍थु बाक्‍ब’ देंशो नेंतक। गे चहिं ‘रागीमी जरमेशो क्‍युक्‍शा साइक्‍चा पुंइसीब’ देंनीनी। मिनु मेको रागीमी जरमेशो चहिं सु बाक्‍म?” दे हिल्‍लो पाम्‍तेक्‍म। भजन संग्रह ११०:४; दानीएल ७:१४

हिब्रू 1:8

तन्‍न आ तौ आ पर्बम “इन राज्‍य पचा गेना हना यो लीब। इन राज्‍य ङा राज दन्‍‍ड ठीक निसाफ पतीके राज दन्‍‍ड बाक्‍ब।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

१ सामुएल 25:28

इन गेय पाइब आ मरिम्‍शो पशो ङा आं कली माफ गेयीनी। परमप्रभु यावेमी आं प्रभु, इन खिं ङा मुर आन कली गेना हना यो रिम्‍शो पवल। मारदे हना गे परमप्रभु यावे आ पर्बम लडाइ पशो बाक्‍नीनी। गे बाक्‍नी सम्‍म इन कली मारेइ मरिम्‍शो मदुम्‍ब। २सामुएल ७:१६