२ सामुएल 7:10 - Sunuwar Bible

¹⁰ गो आं मुर इस्राएली आन कली बाक्‍तीक का योव़नुङ। मिनु मेकोपुकी आंम आंम रागीम बाक्‍नीम। मुल रे मेको आन कली सुइम श्‍येत मगेनीम। ङोंइती ङा खोदेंशो पा मुल रे मेको आन कली सुइम मरिम्‍शो मपाइनीम, श्‍येत मगेनीम।

२ सामुएल 7:10 ပူးပေါင်းရင်းမြစ်များ

२ राजा 21:8

मिनु इस्राएलीम आं शेंशो होस पना पन बाक्‍तेक्‍म हना, मोसा रे पा, मेको आन कली आं अरेशो पना पन बाक्‍तेक्‍म हना, मेको आन किकी पिपी आन कली आ गेशो रागी प्रोंइशा गाक्‍चा ममाल्‍नीम।

१ इतिहास 17:9

गो आं मुर इस्राएली आन कली रागी का योव़नुङ। मिनु गो मेको आन कली मेकेर बाक्‍पाइक्‍नुङमी। मिनु मेको आन रागीम बाक्‍नीम। मुल रे मेको आन कली श्‍येत गेबपुकी सुइम श्‍येत मगेनीम।

२ इतिहास 33:8

मेकोपुकीम मोसामी गेशो आं शेंशो अरेशो लोव़ नेल्‍ल पशा, फुल्‍लुम मुशा ब्रेक्‍शो लोव़ नु निसाफ पतीक लोव़ होस पा रिम्‍शो पा पाम्‍तेक्‍म हना, गो आन किकी पिपी आन कली गेशो इस्राएल रागी रे इस्राएली आन कली मग्रुंइनुङमी” देंशो बाक्‍माक्‍त।

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 44:4

गे आं पिप नु आं परमप्रभु बाक्‍नीनी। याकूब कली ग्रापतीन।

भजन संग्रह 80:8

गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। यसैया ५:१-७; येरमीया २:२१

भजन संग्रह 80:9

गे मेकेर मेको कली ख्रुम्‍तीक रू का सेल्‍तीनी। मिनु मेको शाक्‍श थोक्‍शा, रागी नेल्‍ल ब्रीत।

प्रस्‍थान 1:22

मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।

प्रस्‍थान 15:17

गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४

यसैया 5:2

मिनु मेकोमी रू दोशा, फुल्‍लु गुप्‍शा ताइक्‍ताक्‍व। मिनु नेल्‍ल क्‍येङा रिम्‍शो अङगुर बोट ख्रुम्‍तु। मेकोमी रू आ दातेमी खाल पतीक खिं का सेल्‍तु। मिनु मेकेर कोल का यो सेल्‍तु। मिनु अङगुर सिप्‍ब दे आस पाप्‍तु। तन्‍न ब्‍वाकी ङा अङगुर कका सित्‍तेक्‍म।

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

येरमीया 18:9

मिनु अर्को याम काम गो तेकोइ रागी, तेकोइ राज्‍य आन कली सेल्‍शा वोइक्‍ने चाप्‍नुङ।

येरमीया 24:6

गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

इजीकीएल 28:24

इस्राएल आ खिं ङा मुर नु मेको आन नेक्‍था ङा मुर आन दातेमी मुल श्‍येत गेब मुर मुल मबाक्‍नीम। मेकोपुकीम ‘गोन परमप्रभु, परमप्रभु यावे नङ’ दे तुइक्‍नीम” देंशो बाक्‍ब।

होसे 2:18

गो मेको नाक्‍त मेकोपुकी, ब्‍वाकी ङा जन्‍तुपुकी, सरीङ ङा चिक्‍बपुकी नु खपीम ग्रे‍शा गाक्‍ब जन्‍तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्‍ल हेम्‍म पा बाक्‍चा ताइनीम। उत्‍पत्ती ९:९-१०; इजीकीएल ३४:२५

आमोस 9:15

गो मेको आन कली गेनायो मखेरपांइसीचा ङा पा आन रागीमी वोइक्‍नुङ। आं गेशो रागी रे मेको आन कली सुइमी ग्रुंइने मचाप्‍नीम, दे इन परमप्रभु यावेमी देंशो बाक्‍ब” देंत।

प्रकाश 21:4

परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९

न्‍यायाधीस 4:3

मिनु लेंशा इस्राएलीपुकीमी परमप्रभु यावे कली “वारच पाइय्‍यीकी” दे थोव़मे बाक्‍त। मारदे हना सीसेरा के ९ सहे फलाम के बग्‍गी बाक्‍तेक्म। मिनु इस्राएली आन कली २० बर्स सम्‍म शुश श्‍येत गेशा, दिप्‍शा वोइश्‍शो बाक्‍माक्‍त।

१ सामुएल 13:17

मिनु पलिस्‍ती आन बाक्‍तीक रे रोइक्‍बपुकी हुल सां ग्रूमा बाक्‍त। हुल का शुआल आ रागीम बाक्‍शो ओफ्रा गे लमा बाक्‍त।