२ सामुएल 6:9 - Sunuwar Bible

⁹ मेको नाक्‍ती दाऊद परमप्रभु यावे क्‍येङा हिंमाक्‍त। मिनु “मुल गो परमप्रभु यावे आ सन्‍दोस दोपा लाइक्‍नुङा?” देंमाक्‍त।

२ सामुएल 6:9 ပူးပေါင်းရင်းမြစ်များ

२ सामुएल 6:8

मिनु दाऊद गाइक्‍ता बाक्‍त। मारदे हना परमप्रभु यावेम उज्‍जाह आ पर्बम गाइश्‍शा, मेको कली सदा बाक्‍त। मोपतीके मेकेर पेरेस-उज्‍जा नें वोदा बाक्‍त। मेको आ नें मुल सम्‍म मेकोन बाक्‍ब।

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

मत्ती 25:25

मोपतीके गो हिंती। मिनु इन टलेन्‍ट ताक्‍शा, मारेइ मपथु, थिम्‍शा ख्रुइश्‍शा वोइक्‍ता। मुल फेश्‍शा चाक्‍ता। लतीन’ देंब।

१ पत्रुस 3:6

सारामी अब्राहाम कली मान पा टिशो बाक्‍त। मिनु मुल गे यो ठीक गेय पशा, श्‍येत जचा महिंथु, मेको आ तमी खोदेंशो दुम्‍तीनी। उत्‍पत्ती १८:१२

१ सामुएल 6:20

मिनु बेथ-शेमेश ङा मुरपुकीम “मेको परमप्रभु यावे, का ला परमप्रभु आ ङोंइती सु राप्‍ने चाप्‍बा ङा? मिनु आंइ बाक्‍तीके रे मुल मेको सु आ बाक्‍तीके लाइक्‍चा माल्‍बा?” देंमा बाक्‍त।