२ सामुएल 6:22 - Sunuwar Bible

²² गो थमा पा मुल यो मेको क्‍येङा यो आइक्‍च दुम्‍नुङ। तन्‍न मेको आं वाइलीम आन पर्बम गे मार देंने, मेकोपुकीमी आं कली मो पशो आ पर्बम मान पाइनीम” देंमाक्‍त।

२ सामुएल 6:22 ပူးပေါင်းရင်းမြစ်များ

उत्पत्ती 32:10

गो, इन गेय पाइब आं कली पशो गेना हना यो दाक्‍तीक नु इन रिम्‍शो पचा मप्रोंइतीके मशिरनुङ। गो कोक्‍के का ला कुरशा, यर्दन खोला शोक्‍शा लशो नङ। मुल आं के हुल निक्‍शी दुम्‍शो बाक्‍नीम। २सामुएल ७:१८

२ सामुएल 6:21

मिनु दाऊदम मिकाल कली “इ आफ नु आ खिं ङा मुर आन पा ङा आं कली इस्राएल ङा आ मुर आन पिप सेल्‍ब परमप्रभु यावे आ ङोंइती मो पाता। गो परमप्रभु यावे आ ङोंइती ग्‍येरशा सिल पाइनुङ। २सामुएल ५:२

२ सामुएल 6:23

मोपतीके मेको सावल आ तमी मिकाल के आ बेक्‍ची नाक्‍त सम्‍म तमी तौ मदुम्‍मा बाक्‍त।

अय्‍युब 40:4

“गो शोर गाक्‍शो मुरुम इन कली मार लोव़ लेन्‍ने चाप्‍नुङा ङा? गो आं गुइम आं शोव़ सुम्‍नुङ। उत्‍पत्ती ३२:९; यसैया ६:५; हितोपदेस ३०:३२

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

भजन संग्रह 131:1

परमप्रभु यावे, गो ठेयब मलेश्‍शो बाक्‍नुङ। गो मबोरशो बाक्‍नुङ। गो आं मचाप्‍चा ङा नु ठेयब गेयम मग्‍योल्‍नुङ।

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

मर्कूस 14:66

आगाम मोदेंशो दुम्‍मेनु, पत्रुस लाङगामी बाक्‍माक्‍त। मिनु गेय पाइब मीश मुर कामी जाक्‍शा,

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३

१ पत्रुस 5:6

मोपतीके गेपुकीमी “नेल्‍ल सक्ति परमप्रभु यावे केन बाक्‍ब” दे आ देंशो लोव़ ब्रेम्‍शो थुंमी ठीक पा टिने। मो पाइतीनी हना, परमप्रभु यावेमी आ मिम्‍ची ना इन कली ठेयब सेल्‍ब। याकूब ४:६

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८