२ सामुएल 6:19 - Sunuwar Bible

¹⁹ मिनु दाऊदमी इस्राएली नेल्‍ल आन कली नु मेकेर देल्‍शो मीश मुर, वोंइश मुर नेल्‍ल आन कली शोब्‍ले का का, चोकटा का का श्‍ये, सोव़शो अङगुर शोब्‍ले गेमी बाक्‍त। मिनु मुर नेल्‍ल आन खिं खिं लेम्‍मा बाक्‍त।

२ सामुएल 6:19 ပူးပေါင်းရင်းမြစ်များ

२ सामुएल 6:18

दाऊदमी मेको चोशा चढ़ेतीक नु दुशा बाक्‍चा आ पर्बम चढ़ेतीके चढ़ेने थुम्‍शा, मुर नेल्‍ल आन परमप्रभु यावे आ नेंमी आ मुर नेल्‍ल आन कली आसीक गेमी बाक्‍त। १राजा ८:५५

२ सामुएल 6:20

मिनु दाऊद आ खिं ङा मुर आन कली आसीक गेथ लेम्‍मेनु, सावल आ तमी मिकाल मेको कली ग्रुम्‍थ लाङगा ग्रूशा पिमाक्‍त। मिनु मेकोम “मुलाक्‍ती इस्राएल ङा पिप थम ठेयब मिम्‍सीशो बाक्‍त। मेको मुलाक्‍त आ गेय पाइब वाइलीम आन ङोंइती शिश्रा दुम्‍शा, मुने मपाइश्‍शो आइक्‍च मुर खोदेंशो दुम्‍त” देंमाक्‍त।

१ राजा 8:66

मिनु आ दीसा मेकोमी मुर आन कली आन खिं सोइक्‍ती‍मी बाक्‍त। मिनु मेकोपुकीम पिप कली ठेयब सेल्‍मे बाक्‍त। मिनु परमप्रभु यावेमी आ गेय पाइब दाऊद नु आ मुर इस्राएली आन कली रिम्‍शो पशो तशा, ग्‍येरना ग्‍येरन आन आन खिं लमा बाक्‍त।

१ इतिहास 16:3

मिनु मेकोमी इस्राएली नेल्‍ल आन कली, मीश मुर नु वोंइश मुर आन कली शोब्‍ले का का, श्‍ये नु अङगुर शोब्‍ले का का जचा ब्‍वचा गेमी बाक्‍त।

१ इतिहास 16:43

मिनु नोले मुर नेल्‍ल आन खिं खिं लेम्‍मा बाक्‍त। मिनु दाऊद आ खिं ङा मुर आन कली आसीक गेथ लमाक्‍त।

२ इतिहास 30:24

यहूदा ङा पिप हिज्‍कीयाहम मेको खुम्‍सीशो मुर आन कली हजार का ब्‍यफ नु ७ हजार भेडा चढ़ेचा कली गेमी बाक्‍त। मिनु सरकार ङा ठेयब मुरपुकीम मेको खुम्‍सीशो मुर आन कली हजार का ब्‍यफ नु १० हजार भेडा गेमी बाक्‍त। शुश चढ़ेबपुकीम यो आंम कली परमप्रभु यावे आ ङोंइती ठीक सेल्‍सीमा बाक्‍त।

२ इतिहास 7:10

मिनु ७ महिना ङा २३ नाक्‍तीम सोलोमनम मुर आन कली आन खिं खिं सोइक्‍तीमी बाक्‍त। मेकोपुकी थुं नाइश्‍शा, थम ग्‍येरसीशा लमा बाक्‍‍त। मारदे हना परमप्रभु यावेमी दाऊद, सोलोमन नु आ मुर आन कली थम रिम्‍शो पवा बाक्‍त।

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

ठेयब कुम्सो 2:5

आं कली ठीक सेल्‍चा कली सोव़पाइश्‍शो अङगुर नु स्‍याउ गेयीनी। मारदे हना गो दाक्‍तीकेम थशो बाक्‍नुङ। ठेयब कुम्‍सो ५:८

इजीकीएल 45:17

तन्‍न सासन पाइबमी मेको चोशा चढ़ेतीक, अन्‍न चढ़ेतीक नु तूचा थोव़क चढ़ेतीक आं देंशो चाडम चढ़ेचा माल्‍ब। मेकोमी औंसी, नाइक्‍तीक नाक्‍ती नु इस्राएल आ खिं ङा मुर आन चाड नेल्‍लेमी चढ़ेचा माल्‍ब। मेकोमी पाप आ पर्बम चढ़ेतीक, अन्‍न चढ़ेतीक, चोशा चढ़ेतीक नु दुशा बाक्‍चा आ पर्बम चढ़ेतीक इस्राएली आन पाप क्‍याम्‍चा कली चाक्‍चा माल्‍ब” दे परमप्रभु यावेमी देंत। २सामुएल ६:१७-१८

होसे 3:1

मिनु परमप्रभु यावेमी आं कली “इ मीशेमी अर्को वोंइश खोइश्‍शा, इ कली प्रोंइतु हना यो, मुल लशा, इ मीश कली लेंशा इ दाक्‍तीक कोंइदो। इस्राएलीपुकीमी अर्को देवी देवता आन कली दाक्‍शा आन चढ़ेशो थोव़क जचा दाक्‍ताक्‍म हना यो, परमप्रभु यावेमी इस्राएली आन कली दाक्‍ब” देंत। होसे १:२

प्रेरित 20:35

गो मार पाता हना यो, मचाप्‍ब आन कली वारच पाइक्‍चा नमी, दे गेय पा कोंइताक्‍न्‍न। प्रभु येसु आ शेंशो लोव़मी ‘ताक्‍चा क्‍येङा गेचा रिम्‍शो बाक्‍ब’ ” देंत।

एफिसी 4:8

मिनु मार ब्रेक्‍शो बाक्‍त देंशा हना “मेको इर परमप्रभु यावे आ बाक्‍तीक लमेनु, चोक्‍सीशो शुश आन कली लाइक्‍तु। मिनु मुर आन कली गेय पतीक सक्ति गेप्‍तु” दे ब्रेक्‍शो बाक्‍ब। भजन संग्रह ६८:१९; कलस्‍सी २:१५

यहोसु 22:6

मिनु यहोसुमी मेको आन कली आसीक गेशा, सोइक्‍ताक्‍व। मिनु मेकोपुकी आंम आंम खिं लाम्‍तेक्‍म।